1 Reyes 2:3 - DIOSPA QHELQACHISQ

³ Tata Diosniykej kamachisqanta junt'ay, munasqanman jina ruwaspa. Chantá Diospa tukuy kamachisqanta kasuypuni, imaynachus Moisespa kamachisqanpi qhelqasqa kasqanman jina, tukuy ima ruwasqaykipi, tukuy imata ruwaj churakusqaykipipis allin risunanpaj.

Qheshwa Biblia DC

³ Señor Diosniykej kamachisqasninta junt'ay, ñankunasnimpi purispa, kamachisqasninta allinta qhawaspa, chantá nisqasninta, yachachiykunasninta, leyesnintawan ima, imaynachus Moisespa leyesnimpi qelqasqa kasqanman jina, tukuy ima ruwasqaykipi qhallarisqaykipipis allin risunampaj.

DIOSPA QHELQACHISQAN DEUTEROCANONICAL

³ Tata Diosniykej kamachisqanta junt'ay, munasqanman jina ruwaspa. Chantá Diospa tukuy kamachisqanta kasuypuni, imaynachus Moisespa kamachisqanpi qhelqasqa kasqanman jina, tukuy ima ruwasqaykipi, tukuy imata ruwaj churakusqaykipipis allin risunanpaj.

1 Reyes 2:3 ပူးပေါင်းရင်းမြစ်များ

2 Samuel 8:14

Chaymantaqa qhawaj soldadokunata churallarqataj tukuy Edom jallp'aman, edomitakunataj Davidpa kamachinkunaman tukorqanku. Ajinamanta Davidqa mayman risqanpipis Tata Diospa yanapayninwan atipallarqapuni.

2 Samuel 8:6

Chaymantataj Damasco llajtapi Davidqa soldadonkunata churarqa. Jinamanta arameokunapis paypa makinpi karqanku, impuestotataj pagaj kanku. Ajinata ari, Tata Diosqa Davidtaqa mayman maqanakoj rejtinpis yanapallarqapuni.

1 Reyes 3:3

Salomonqa Tata Diosta munakoj, tatan Davidpa kamachisqanman jina purispa. Chaywanpis payqa loma pata altarkunapi uywa ñak'asqata jaywajraj, inciensotapis q'oshñichejraj.

2 Reyes 18:7

Tata Diospis paywan karqa, chayrayku imatachus ruwasqanpi allinpuni rerqa. Ezequiasqa Asiria suyuta kuraj kamachejpa contranpi oqharikorqa, manañataj payta kasorqachu.

1 Crónicas 29:19

Churiy Salomonmanpis qollaytaj, tukuy sonqomanta kasukuyta munananpaj, kamachisqaykita, nisqaykita, yuyaychasqaykita junt'ayta atinanpaj. Jinallataj mañakuyki, tukuy imata tantasqaywan qanpaj Templota ruwachinanta, imaraykuchus chaypajqa tukuy imata wakichiniña, nispa.

Salmos 119:111

Kamachisqaykeqa wiñaypaj chayaqeymin, imajtinchus chaykunaqa sonqoyta kusichiwanku.

Salmos 119:138

Tukuy kamachisqaykeqa cheqan, jap'ikunapaj jinataj kanku.

Salmos 119:2

Jinallataj Tata Diospa kamachisqanta kasuspa purejkunaqa may jina kusisqa kanqanku, tukuy sonqowan nisqanta kasojkuna.

Salmos 19:7

Tata Diospa yachachisqanqa mana pantayniyoj kaspa, runaj sonqonta kawsarichin. Tata Diospa kamachisqanqa cheqanpuni, jinataj mana yachayniyojta yachayniyojman tukuchin.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

Levítico 8:35

Chayrayku qankunaqa qanchis p'unchay junt'ata, tuta p'unchay Dioswan Tinkukuna Toldo punkupi kanaykichej tiyan. Ama wañuchisqa kanaykichejpaj, Tata Diospa kamachisqanta kasuychej. Ajinata Tata Dios kamachiwarqa, nispa.

Malaquías 4:4

4 (3.22) Horeb orqopi kamachiy Moisesman kamachisqaykunata yachachisqaymanta yuyarikuychej. Chay kamachisqakuna tukuy israelitakunapaj karqa.

Deuteronomio 29:8

8 (7) Chaymantataj suyunkuta jap'ispa, Rubén jatun aylluman, Gad jatun aylluman, chantá Manasespa khuskan jatun aylluman ima qoporqanchej.

Deuteronomio 29:9

9 (8) Chayrayku qankunaqa tukuy ima ruwasqaykichejpi allin risunaykichejpaj, kay tratopi imatachus nisqanta junt'aychej, ruwaychejtaj.

Deuteronomio 4:1

Kunanqa israelitakuna, kamachisqaykunata, chantá yachachisqaykunata ima uyariychej. Yachachisqayman jinataj ruwaychej. Kasukunkichej chayqa, mana wañunkichejchu. Ñawpa tataykichejpa Tata Diosnin jallp'ata qosonqachej, chayman jap'inaykichejpaj yaykunkichej.

Deuteronomio 4:45

Egiptomanta llojsimusqankumanta qhepata kay kamachisqakunata, yachachiykunata, yuyaychaykunata ima israelitakunaman Moisés qorqa.

Deuteronomio 4:5

Noqaqa Tata Diosniy kamachiwasqanman jina kamachisqanta, nisqantawan ima yachacherqaykichej, jap'inkichej chay jallp'api kasunaykichejpaj.

Deuteronomio 4:8

Mana mayqen jatun suyojtapis sumaj cheqan kamachisqakuna, yachachiykunapis kapunchu, noqa kunan qankunaman qoshaykichej jinaqa.

Deuteronomio 5:1

Moisés tukuy israelitakunata tantaspa, nerqa: Israelitakuna, kamachisqakunata, yachachiykunata ima kunan willashaykichej, chaykunata uyariychej. Sumajta yachaqaychej, chaykunaman jinataj ruwaychej.

Josué 22:5

Chaywanpis kayllata mañakuykichej: Tata Diospa kamachin Moisés imatachus kamachisusqanta sumajta junt'aychej. Tata Diosniykichejta munakuychej, munasqanta ruwaspataj, puriychej. Kamachisqantapis kasuychejpuni. Jinataj tukuy sonqowan, tukuy kayniykichejwan ima munaynintapuni ruwaychej, nispa.

Josué 23:6

Chayrayku kallpachakuychej ari, Moisespa qhelqasqan qhelqapi imatachus nisqanta junt'anaykichejpaj. Ama ni imata qonqaspa, junt'aychejpuni.

1 Samuel 18:14

Chaywanpis Tata Dios Davidta yanapasqanrayku, tukuy ima ruwasqanpi allillanpuni rerqa.

1 Samuel 18:30

Filisteokunaj kurajninkukuna sapa kuti maqanakoj llojsimojtinku, Saulpa waj kamachinkunamanta nisqaqa Davidpuni astawan paykunata atipaj. Chayrayku Davidqa tukuypaj manchay respetowan qhawasqapuni karqa.

1 Samuel 18:5

Davidqa, Saúl maymanchá kachaj, chayman rej, tukuy imatataj allintapuni ruwaj. Chayrayku Saulqa Davidta soldadonkunata kamachinanpaj churarqa. Davidtaj tukuy runapaj, jinallataj Saulpata soldadonkunata kamachejkunapajpis manchay munasqa karqa.