1 Reyes 2:2 - DIOSPA QHELQACHISQ

² Kunanqa noqa wañupusaj, tukuypis wañunku jinata. Qantajrí kallpachakuy, qhari jinataj puriy.

DIOSPA QHELQACHISQAN DEUTEROCANONICAL

² Kunanqa noqa wañupusaj, tukuypis wañunku jinata. Qantajrí kallpachakuy, qhari jinataj puriy.

1 Reyes 2:2 ပူးပေါင်းရင်းမြစ်များ

2 Samuel 10:12

Kallpachakuy, suyunchejrayku, jinataj Diosninchejpa llajtankunarayku sinch'ita awqanchejwan maqanakunachej. Tata Diostaj munasqanman jina ruwachun, nispa.

2 Samuel 12:23

Kunantaj wañupojtinñarí, imapajñataj ayunasajri? Ni chaywan ni imawan kawsarichimusajñachu. Mana payqa noqaman kutimonqañachu. Aswanpis noqa payman risaj, nispa.

1 Reyes 3:7

Kunantaj, Tata Diosníy, tatay Davidpa cuentanpi churawanki noqa kamachiykita kuraj kamachej jina kamachinaypaj. Noqarí waynallaraj kani, manataj yachanirajchu imaynatachus kamachinayta.

1 Crónicas 22:13

Tukuy imapi allin risonqa, sichus Tata Diospa kamachisqanta, nisqanta ima tukuy sonqo junt'anki chayqa. Chaykunata Diosqa israelitakunaman Moisesnejta kamacherqa. Chayrayku kallpachakuy ari, sinch'itataj sayay. Ama iskayrayaychu, amataj manchachikuychu.

1 Crónicas 22:16

Jinallataj qoriwan, qolqe metalwan, broncewan, fierrowan ima may chhika tiyan. Ajina ari, ruwaj sayaykuy. Tata Diostaj qanwanpuni kachun, nispa.

1 Crónicas 28:10

Ama qonqaychu, Templonta ruwanaykipaj Tata Dios qanta ajllakususqanta. Chayrayku kallpachakuspa, ruwaj churakuy, nispa.

1 Crónicas 28:20

Chantá Davidqa Salomonta nillarqataj: Kallpachakuy, sinch'ita sayay, ruwaj sayaykuypachataj. Ama iskayrayaychu, nitaj manchachikuychu, imaraykuchus Tata Diosneyqa qanwanpuni kanqa. Tata Diospa Templonpi tukuy imachus ruwanata tukunaykikama, payqa mana saqesonqachu, nitaj qonqarparisonqachu.

Job 16:22

Mashkha unaytawanchus kawsanayqa tukukapushanña, mana kutirimuyniyojta ñapis ripusajña, nispa.

Job 30:23

Noqa yachakuni wañuyman apashawasqaykita, tukuy wañojkuna maymanchus rinanku kashan, chayman.

Salmos 89:48

48 (49) Mana pipis mana wañuspaqa kawsallanqapunichu, wañuypa atiyninmantaqa ni pipis ayqeyta atinmanchu.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

1 Corintios 16:13

Qhawaspallapuni kaychej, jinataj Diospi atinikuspa sinch'ita sayaychej. Wapu kaychej, kallpachakuychejtaj.

Efesios 6:10

Kunanqa kaytawan niykichej: Munasqa wawqe panakuna, Tukuyta Kamachej Jesuspa jatun atiyninwan kallpachakuyta mask'aychej.

Deuteronomio 31:23

Tata Diostaj Nunpa churin Josueman kay jinata kamacherqa: Qanqa kallpachakuy, waputaj kay, imaraykuchus qanmin israelitakunata, paykunaman qonayta nerqani, chay jallp'aman pusaykunki. Noqataj qanwanpuni kasaj, nispa.

1 Timoteo 4:12

Ama saqeychu wajkuna pisipaj qhawasunankuta wayna kasqaykirayku. Aswanpis Diosta qhatikojkunaj ñawpaqenkupi allinta puriy, paykunapis qan jina puriyta munanankupaj. Allinta puriy, rikunankupaj imaynatachus parlasqaykita, imaynatachus kawsasqaykita, imaynatachus wajkunata munakusqaykita ima. Rikullachunkutaj Diospi imaynatachus atinikusqaykita, chantá mana imamanta k'amina kawsasqaykita ima.

2 Timoteo 2:1

Qan, wawáy, kallpachakuy, Cristo Jesusman ujchasqa kasqanchejrayku, Dios qhasilla k'acha yanapayninta qowasqanchejnejta.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.

Josué 23:14

Noqaqa wañuy patapiña kashani. Manaraj wañupushaspa, tukuy sonqo munani, tukuy kayniykichejwan ima rejsikapunaykichejta Tata Diosqa tukuy sumaj nisqanta junt'asqanta. Tukuy imata nisqanqa junt'akorqapuni.