1 Reyes 10:3 - DIOSPA QHELQACHISQ

³ Chantá Salomonqa tukuy tapusqanman kuticherqa, manataj imapis mana kutichiyta atisqan karqachu.

Qheshwa Biblia DC

³ Chanta Salomonqa tukuy tapusqanta willarqa, manataj imapis mana kutichiyta atisqanqa karqachu.

DIOSPA QHELQACHISQAN DEUTEROCANONICAL

³ Chantá Salomonqa tukuy tapusqanman kuticherqa, manataj imapis mana kutichiyta atisqan karqachu.

1 Reyes 10:3 ပူးပေါင်းရင်းမြစ်များ

2 Samuel 14:17

Kuraj kamachejníy, noqa suyashani imatachus ninawaykita, sonqoy tiyaykunanpaj. Qanqa Diospa angelnin jina, yachanki imachus allin, mana allin kasqantapis. Tata Diostaj qanwanpuni kakuchun, nispa.

2 Samuel 14:20

Chay tukuyta kamachiyki Joab ruwarqa mana allin kajta allinyachiyta munaspa. Chaywanpis, qan, kuraj kamachejníy, sumaj yachayniyoj kanki. Diospa angelnin jina tukuy imachus llajtanchejpi kashasqanta yachanki, nispa.

1 Reyes 10:1

Salomonqa manchay uyarisqa karqa Tata Dios yachayta qosqanrayku. Chayta uyarispa, Sabá suyumanta qoyaqa mana kutichiy atina tapuykunawan jamorqa.

1 Reyes 10:2

Payqa Jerusalenman ashkha runanwan chayamorqa. Camellokunapi chajnaykuspa, sumaj q'apashaj jawinata apamorqa, ashkha qorita, valorniyoj k'acha rumikunatawan. Salomonman chayamuspataj, qoyaqa imatachus sonqonpi yuyarqa, chay tukuyta taporqa.

1 Reyes 10:4

Chantá Sabá suyumanta qoyaqa Salomonpa tukuy yachayninta rikuspa, jinallataj wasita ruwachisqantapis rikuspa, t'ukorqa.

1 Reyes 3:12

Chayrayku imatachus mañakuwasqaykita ruwasajpuni. Qosqayki sumaj yachayta, jatun sonqotawan, yuyayniyoj kaytapis. Ajinaqa mana ujpis karqachu qan jinaqa, nitaj qanmanta qhepamanpis kanqachu.

2 Crónicas 9:2

Salomontaj tukuy tapusqanman kuticherqa, manataj ujllapis karqachu mana kutichiyta atisqanqa.

Proverbios 13:20

Pichus yachayniyojkunawan purejqa yachayniyojllataj kanqa. Wampu runakunawan purejrí mana allinman chayanqa.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

Colosenses 2:3

Manchay valorniyoj tapadopis kanman jina, paypimin pakasqa kashan tukuy yachayniyoj kay, chantá yuyayniyoj kay ima.