1 Reyes 10:2 - DIOSPA QHELQACHISQ

² Payqa Jerusalenman ashkha runanwan chayamorqa. Camellokunapi chajnaykuspa, sumaj q'apashaj jawinata apamorqa, ashkha qorita, valorniyoj k'acha rumikunatawan. Salomonman chayamuspataj, qoyaqa imatachus sonqonpi yuyarqa, chay tukuyta taporqa.

Qheshwa Biblia DC

² Jerusalenmantaj ashkha compañamojkunaswan chayamorqa, camellospi chajnaykuspa q'apaj imasta apamorqa, ashkha qorita, valorniyoj k'acha rumistawan. Salomonman chayamuspataj imatachus sonqompi yuyarqa chay tukuyta taporqa.

DIOSPA QHELQACHISQAN DEUTEROCANONICAL

² Payqa Jerusalenman ashkha runanwan chayamorqa. Camellokunapi chajnaykuspa, sumaj q'apashaj jawinata apamorqa, ashkha qorita, valorniyoj k'acha rumikunatawan. Salomonman chayamuspataj, qoyaqa imatachus sonqonpi yuyarqa, chay tukuyta taporqa.

1 Reyes 10:2 ပူးပေါင်းရင်းမြစ်များ

Génesis 18:33

Chantá Tata Dios ajinata Abrahamwan parlaytawan, chaymanta riporqa. Abrahamtaj toldonman kutiporqa.

1 Reyes 10:10

Chantá payqa kuraj kamachej Salomonman 3.960 kilo qorita, ashkha sumaj q'apashaj jawinata, ashkha valorniyoj rumikunatawan qorqa. Mana jayk'ajpis chay chhika sumaj q'apashaj jawinata Israel suyuman apamojchu kanku, kuraj kamachej Salomonman Sabamanta qoya qosqan jinataqa.

1 Reyes 10:3

Chantá Salomonqa tukuy tapusqanman kuticherqa, manataj imapis mana kutichiyta atisqan karqachu.

2 Reyes 20:13

Ezequiastaj paykunata manchay kusisqa wasinman wajyarikorqa, chantá wasinpi tukuy imanchus kaj chhikata rikucherqa: Qorita, qolqe metalta, sumaj q'apashaj jawinata, k'achata q'apaj aceiteta, armakunata jallch'ana wasita, chantá imakunachá wasinpi waqaychasqa karqa, chaykunatawan. Wasinpi, jinataj tukuy suyupi mana imapis karqachu Ezequiaspa mana rikuchisqanqa.

2 Reyes 5:5

Siriamanta kuraj kamachejtaj Namanta nerqa: Rillay, noqataj Israel suyuta kuraj kamachejman cartata apachisqayki, nispa. Jinataj Namán rerqa, 30.000 qolqeta, 6.000 qori phisuta, chunka mosoj p'achatawan ima apariykukuspa.

2 Reyes 5:9

Jinapi Namanqa caballokunawan, carretanwan ima rispa, Eliseoj wasin punkupi sayarqa.

Job 4:2

Job, kunan imatachus nisusqay, ichapis mana allinchu rijch'asonqa. Chaywanpis mana ch'inlla kakuyta atinichu.

Salmos 4:4

4 (5) Phiñakusqaykichejwan apachikuspa, ama juchallikuychejchu. Puñunaykichejpi sirikushaspa, sonqoykichejta qhawarikuychej.

Salmos 72:10

Tarsismanta kuraj kamachejkuna, mama qocha kantupi kuraj kamachejkuna ima impuestota pagachunku. Sabamanta, Sebamanta kuraj kamachejkunapis sumaj imakunata apamuspa, kuraj kamachejman waqerichunku.

Éxodo 25:6

k'anchachinapaj aceiteta, jawina aceitepaj inciensopajwan ima sumajta q'apashaj imakunata.

Isaías 30:6

Chantá Tata Dios niwarqa: Neguevpi k'ita animalkunamanta kayta sut'inchay: Llakiy ñak'ariy jallp'anejta, maypichus leonkunalla, chantá imaymana nina katarikuna ima tiyan, chaynejta aylloyqa valorniyoj imakunata burrokunapi apanku, qhapaj imankutataj camellokunapi, mana yanapayta atej Egipto suyuman.

Ezequiel 27:22

Sabamanta kajkuna, Ragamamanta kajkunapiwan, qanwan ranqheyanankupaj k'achitu q'apashaj jawinakunata, qorita, lliphipirishaj tukuy imaymana k'acha rumikunatawan apamoj kanku.

San Lucas 24:15

Jinallapi mayta parlaspa rishajtinku, kikin Jesús qayllaykuspa, paykunawan khuska puriyta qallarerqa.

Hechos 25:23

Q'ayantenqa Agripawan, Berenicewan ima sumaj p'achallisqa juzgadoman yaykorqanku. Paykunawan khuska yaykullarqankutaj soldadokunata kamachejkuna, llajtapi kurajkuna ima. Festotaj kamacherqa Pablota pusaykamunankuta.