1 Reyes 1:2 - DIOSPA QHELQACHISQ

² Chantá kamachinkuna payta nerqanku: Wiraqochiyku, noqayku qanpaj qharita mana rejsej sipasta mask'apusqayku qhawasunanpaj, qanwan khuska puñuspa q'oñichisunanpaj, nispa.

Qheshwa Biblia DC

² Kamachisnintaj payman nerqanku: Señor reyniyku qampaj uj doncella sipasta mask'asqayku, qhawasunampaj, qanwan khuska puñuspataj q'oñichasunampaj.

DIOSPA QHELQACHISQAN DEUTEROCANONICAL

² Chantá kamachinkuna payta nerqanku: Wiraqochiyku, noqayku qanpaj qharita mana rejsej sipasta mask'apusqayku qhawasunanpaj, qanwan khuska puñuspa q'oñichisunanpaj, nispa.

1 Reyes 1:2 ပူးပေါင်းရင်းမြစ်များ

Génesis 16:5

Jinapi Saraiqa Abramta nerqa: Agar pisipaj qhawanawanpajqa qanmin juchayoj kanki. Noqaqa payta qanman jaywarqayki warmiyki kananpaj. Kunantajrí wawayoj kananta yachaspa, noqamanta aswan kasqanta yuyakushan. Chayrayku Tata Dios nichun, qanchus chayrí noqachus juchayoj kasqanchejta, nispa.

2 Samuel 12:3

Wajcha runajtarí rantikusqan uj k'ata ovejitallan kapusqa. May munasqata uywakusqa, ovejitataj paywan, wawankunawan khuska wiñasqa. Mikhunanmanta mikhuchisqa, ujyananmantataj ujyachisqa, ojllayninpitaj puñuchisqa. Chay runaqa uj warmi wawanta jina ovejitanta munakusqa.

1 Reyes 1:1

Kuraj kamachej Davidqa machu runaña karqa, unayniyojtaj. Chayrayku ashkha phulluwan qhataykojtinkupis, manaña q'oñikuyta atejchu.

1 Reyes 1:3

Paykuna tukuynin Israel suyupi mask'aspataj, Sunén llajtamanta Abisagta tarerqanku, chantá kuraj kamachejman pusamorqanku.

2 Crónicas 29:11

Kunanqa, wawaykuna, ama jinalla kaychejchu, imaraykuchus Tata Dios ajllasorqachej paypa kamachiyninpi kanaykichejpaj, Diospa Templonpi imachus ruwanata ruwanaykichejpaj, inciensota payman q'oshñichinaykichejpaj ima, nispa.

Ester (hebreo) 2:2

Chantá kuraj kamachejpa yanapajninkuna payta nerqanku: Qanpajqa, kuraj kamachejníy, allinmin kanman qharita mana rejsej k'achita sipaskunata mask'ananku.

Eclesiastés 4:11

Jinallataj iskay ukhuchus puñunkuman chayqa, purajmanta q'oñichinakuyta atinku. Imaynatataj sapallan q'oñikuyta atinmanri?

Miqueas 7:5

Ama runa masiykej nisqanta jap'ikuychu, nitaj ni mayqen kawsaqeykipipis atinikuychu. Warmiykiwan parlanaykipajpis allintaraj qhawarikuy,

Deuteronomio 10:8

Chaypacha Tata Diosqa Leví jatun aylluta ajllakorqa Dioswan trato ruwasqa arcata apaykachanankupaj, jinallataj Tata Diospa ñawpaqenpi imachus ruwanankuta ruwanankupaj, chantá sutinpi israelitakunata saminchanankupaj ima. Chayta kunankama ruwashallankupuni.

Deuteronomio 13:6

6 (7) Ichapis kikin wawqeyki, churiyki, ususiyki, munasqa warmiyki, chayrí aswan sumaj kawsaqeyki pakayllamanta nisunkiman: Jaku, waj dioskunata yupaychamunachej, mayqentachus ni qan, nitaj tatanchejkunapis rejserqankuchu, chaykunata.