1 Pedro 5:3 - DIOSPA QHELQACHISQ

³ Qhawanaykichejpaj churasqa kashanku, chaykunataqa ama qankunajtapis kankuman jinachu qhawaychej. Manachayqa qankuna k'achata kawsaychej, qankuna jinallataj paykunapis k'achata kawsanankupaj.

DIOSPA QHELQACHISQAN DEUTEROCANONICAL

³ Qhawanaykichejpaj churasqa kashanku, chaykunataqa ama qankunajtapis kankuman jinachu qhawaychej. Manachayqa qankuna k'achata kawsaychej, qankuna jinallataj paykunapis k'achata kawsanankupaj.

Quechua South Bolivia: Dios Parlapawanchej

³ Dios atinicuspa kosuskan ovejasninta amataj sinch'ita camachiychejchu. Astawanpis c'acha causayniyquichejta paycunaman ricuchiychej. Ajinapi paycunaka c'achata causaconkancu.

1 Pedro 5:3 ပူးပေါင်းရင်းမြစ်များ

Salmos 33:12

Kusikuyniyoj pi suyojtachus Tata Diosqa Diosnin kajtin. Chay aylluta payqa paypata kananpaj ajllakun.

Salmos 74:2

Aylluykimanta yuyarikuy, unaymantapacha rantikusqaykimanta. Qanqa preciota pagaspa, paykunata aylluyki kanankupaj kacharicherqanki. Maypichus tiyakorqanki, chay Sión orqomantapis yuyarikuy.

Ezequiel 34:4

Chaywanpis tullu ovejakunata mana yanaparinkichejchu, onqosqakunatapis mana jampinkichejchu. Chakin p'akisqakunatapis mana tableyaykunkichejchu. Oveja tropanmanta t'aqakuspa chinkajkunatapis manallataj mask'ankichejchu, tropanman kutichimunaykichejpaj. Aswanpis oveja tropata munayniykichejman jina apaykachaspa, ñak'arichinkichej.

Miqueas 7:14

Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

Números 18:7

Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.

San Juan 13:15

Chayta noqa ruwarqani, qankunapis noqa jina ruwanaykichejpaj.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

1 Corintios 11:11

Chaywanpis noqanchej Diosta qhatejkunapaj, qhareqa mana kanmanchu mana warmi kajtenqa, nitaj warmipis mana qhari kajtenqa.

1 Corintios 3:5

Chaywanpis, pitaj Pablori? Pitaj Apolosri? Noqayku Diospa kamachinkunalla kayku, qankunataj noqaykunejta Jesucristopi atinikorqankichej. Chantá sapa ujniyku imatachus Tukuyta Kamachej Jesucristo kamachiwasqaykuman jina ruwarqayku.

1 Corintios 3:9

Noqaykutajrí Diospa yanapajninkunalla kayku, qankunataj Diospa chajran jina kankichej, chayrí Diospa sayarichisqan wasi jina.

2 Corintios 1:24

Chayta nispaqa, mana munashaykuchu qankuna munasqaykuman jina Diosta qhatikunaykichejta. Manachayqa qankunata yanapayta munayku, ajinamanta qankuna kusisqa kanaykichejpaj, imaraykuchus Cristopi atinikusqaykichejrayku sinch'ita sayashankichejña.

2 Corintios 4:5

Noqaykoqa mana noqayku kikiykumantachu willashayku. Manachayqa Jesucristo Tukuyta Kamachej kasqanta willayku. Jinallataj noqayku qankunaj kamachiykichejkuna jina kayku, Jesusta munakusqaykurayku.

Deuteronomio 32:9

Tata Dios chayaqenpaj kikin ayllullantataj ajllakorqa. Paypa chayaqenqa Jacobpa miraynin.

Filipenses 3:17

Chayrayku wawqe panakuna, noqa imaynatachus purini, ajinallatataj qankunapis puriychej, qhawaychejtaj pikunachus noqayku jina allinta purejkunata.

Filipenses 4:9

Jinataj noqaj yachachisqayta ruwaychejpuni, jinallataj simiymanta uyarisqaykichejta, chantá noqata ruwajta rikusqaykichejta ima ruwaychej. Ajinata ruwajtiykichejtaj, sonqo tiyaykuchej Dios qankunawan kanqa.

1 Tesalonicenses 1:7

Chay jinamanta Macedoniapi, Ajayapi ima Jesusta tukuy qhatejkunaman rikucherqankichej paykunapis imaynachus purinanku kasqanta.

2 Tesalonicenses 3:9

Noqayku atiykuman karqa kawsanaykupaj qankunamanta imatapis mañakuyta. Chaywanpis mana imatapis mañakorqaykuchu, imaraykuchus munarqayku ruwasqaykuwan yachachiyta qankunapis kikinta ruwanaykichejpaj.

1 Timoteo 4:12

Ama saqeychu wajkuna pisipaj qhawasunankuta wayna kasqaykirayku. Aswanpis Diosta qhatikojkunaj ñawpaqenkupi allinta puriy, paykunapis qan jina puriyta munanankupaj. Allinta puriy, rikunankupaj imaynatachus parlasqaykita, imaynatachus kawsasqaykita, imaynatachus wajkunata munakusqaykita ima. Rikullachunkutaj Diospi imaynatachus atinikusqaykita, chantá mana imamanta k'amina kawsasqaykita ima.

Tito 2:7

Qanrí tukuy imata allinta ruwaspa purisqaykita paykunaman rikuchiy, qan jina puriyta yachanankupaj. Tukuy imatachus ruwasqaykeqa yachayta qochun, yachachisqayki cheqan sonqowan, chantá mana pujllakuspa jinallachu kasqanta.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.