1 Pedro 5:2 - DIOSPA QHELQACHISQ

² Qankuna tropata michiychej, pikunatachus Dios qhawanaykichejpaj makiykichejman churarqa, chaykunata. Tukuy sonqomanta paykunata qhawaychej, imaynatachus Dios munasqanman jina, ama tanqasqa jinallachu. Amataj qolqeta mask'aspachu paykunata qhawaychej, manachayqa Tukuyta Kamachej Jesucristoj kamachisqanta ruwayta munasqaykichejrayku.

Qheshwa Biblia DC

^2-3 Qankuna ukhupi kashanku, chay Diospa t'aqa ovejasninta michiychej, allinta paykunata qhawaspa, ama kamachisqas jinachu, astawanqa munayniykichejman jina; nitaj qolqeta mask'aspachu; manachayqa ancha munakuywan; chay churasqas kashanku qhawanaykichejpaj; ama qankunajtapis kanman jinachu kamachiychej, astawanqa, ovejas qankunamanta yachakunankupaj jina allinta puriychej.

DIOSPA QHELQACHISQAN DEUTEROCANONICAL

² Qankuna tropata michiychej, pikunatachus Dios qhawanaykichejpaj makiykichejman churarqa, chaykunata. Tukuy sonqomanta paykunata qhawaychej, imaynatachus Dios munasqanman jina, ama tanqasqa jinallachu. Amataj qolqeta mask'aspachu paykunata qhawaychej, manachayqa Tukuyta Kamachej Jesucristoj kamachisqanta ruwayta munasqaykichejrayku.

Quechua South Bolivia: Dios Parlapawanchej

² Dioska kancunaman atinicuspa runasninta kosorkachej paycunata khawapunayquichejpaj. Runasnenka paypa ovejasnin cancu. Chaymanjina paycunata michiychej, amataj camachiskajinaka manachayrí tucuy sonkowan. Nitaj kolkeraycullaka, manachayrí paycunata michiychej Diosta cusichinayquichejpaj.

1 Pedro 5:2 ပူးပေါင်းရင်းမြစ်များ

2 Reyes 12:6

Chaywanpis Joás iskay chunka kinsayoj watata kamachinankama, sacerdotekunaqa manarajpuni Diospa Templonta allinchasqankuchu.

TAKIYKUNA 1:8

K'achita warmikunamanta aswan k'achita warmi, manachus maypi kasqanta yachanki chayqa, ovejakunaj lastronkuta qhawarispa rillay. Cabritaykikunata michimuy, michejkunaj ch'ujllanku, chaynejpi.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

Isaías 56:11

Alqo jina mikhunawan mana sajsakuyta atej kanku. Paykuna michejkuna kashaspapis, mana yuyayniyoj wampu kanku. Sapa ujninku imatachá munasqankuta ruwaspa purinku. Sapa ujninku imachá paykunapaj allin kajllata mask'akunku munasqankuman jina.

Isaías 6:8

Chaymantataj Tukuyta Kamachej Diosta tapojta uyarerqani: Noqamanta sut'inchananpaj pitataj kachasajri? Pitaj nisqanchejmanta willaj rinmanri? nispa. Chantá noqa nerqani: Noqa kaypi kashani, noqata kachaway ari, nispa.

Isaías 63:11

Chantá Moisespa tiemponmanta yuyarikorqanku, nerqankutaj: Maytaj kunan chay Dios, pichus Moiseswan ovejakunata jina michispa mama qochata chimpacherqa, chayri? Maytaj kunan pichus May Llimphu Espiritunta israelitakunaj chawpinkuman churarqa, chayri?

Jeremías 13:17

Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

Jeremías 13:20

Qankuna wichaynejman qhawariychej, awqaykichej jamushanña. Maypitaj kashan, jap'ichikorqaykichej, chay oveja tropari? Maytaj jatunchakunaykichej ovejakunari?

Jeremías 6:13

Tukuyninku jatunmanta juch'uykama, mana allinta ruwaspa qolqe mirachiyllapi yuyanku. Jinallataj sut'inchajkuna, sacerdotekunapis runakunata q'otiyanallapi yuyanku.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Ezequiel 34:23

Noqaqa kamachiy Davidta kutirichimusaj, paytataj ovejaykunata michinanpaj churasaj. Pay ovejaykunata sumaj pastopi mikhuchipuwanqa, sumajtataj paykunata michenqa.

Ezequiel 34:31

Qankunaqa ovejaykuna kankichej, sumaj pastoyoj jallp'api kaj tropa ovejaykuna, noqataj Diosniykichej kani. Noqa Tukuyta Kamachej Tata Dios chayta nini.

Ezequiel 46:24

Chay runataj niwarqa: Kaymin chay q'onchakuna kanku, maypichus Templopi sirvejkuna israelitakunaj apamusqanku jaywanata wayk'onqanku, chay, nispa.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Miqueas 5:4

4 (3) Chay kamachejtaj Israel ayllunta michinanpaj jatarenqa Tata Diospa atiyninwan, jatun kayninwantaj. Jinapi paykuna allinpi kawsanqanku, imaraykuchus Tata Dios jatunchasqapuni kanqa kay pachaj k'uchunkunakama.

Miqueas 7:14

Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

Zacarías 11:17

Ay, imachus kanqa jaqay uywanta saqerpayaj qhella michejmantaqa. Espadawan makinta qholuchunku, paña ñawintapis t'ojsichunku. Makinpis ch'akipuchun, ñawinpis lerq'oyachun, nispa.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

Números 18:7

Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Hechos 20:29

Noqa yachani ripojtiykama, chawpiykichejman wajkuna phiña k'ita animal jina yaykuykamunankuta, tropata chinkachiyta munaspa.

Hechos 21:13

Pablotajrí niwarqayku: Imaraykutaj chay jinatapuni waqaspa sonqoyta wawayachiwankichejri? Noqaqa wakichisqaña kani, mana watachikunallaypajchu, aswanpis Jerusalenpi wañuchisqa kanaypaj Tukuyta Kamachej Jesusrayku, nispa.

Romanos 1:15

Chayrayku imata jina munashani qankuna Roma llajtapi tiyakojkunamanpis Jesuspa sumaj willayninta willayta.

1 Corintios 9:7

Pitaj soldado kanman qolqellanwantajri? Pitaj uva sach'ata mallkispa poqochisqanmanta mana mikhunmanchuri? Chayrí, pichus ovejata michejqa manachu ovejanmanta ch'awaspa lecheta ujyanman?

1 Timoteo 3:3

Jinallataj mana machakojchu kanan tiyan, nitaj maqanakuta mask'ajchu, manachayqa llamp'u sonqoyoj, k'acha runa. Manallataj qolqemanta wañusqachu kanan tiyan.

1 Timoteo 3:8

Ajinallataj iglesiapi diaconokunapis allinpaj qhawasqa kananku tiyan, mana iskayta parlaj, manataj machakojkuna, nitaj mana allinta ruwaspa qolqe jap'iymanta wañusqa.

Tito 1:11

Chay runakunata ch'inyachina tiyan, imaraykuchus paykuna Diosta qhatejkunata aylluntinta pantachinku, qolqeta jap'inankurayku manakajta yachachispa.

Tito 1:7

Jinallataj iglesiata pusarejqa Diospa churasqan qhawaj kasqanrayku mana k'amina kanan tiyan, mana runaykachaj, mana usqhayllata phiñakoj, mana machakoj. Chantá mana atiyniyoj kasqanmanta jap'ikuspa maqanakuta mask'ajchu kanan tiyan, nitaj qolqemanta wañusqachu.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Tito 3:1

Wawqe panakunata yuyarichiy kamachejkunawan, kamachejta yanapajkunatawan ima kasuy sonqo kanankuta. Paykunata kasuchunku, chantá tukuy imachus allinta kajtataj usqhayllata ruwayta munachunku.

Filemón 1:14

Chaywanpis manaraj qanwan parlashaspa, mana imatapis ruwayta munarqanichu. Manachayqa munarqani qan sonqomanta munasqaykirayku payta yanapanaykita, manataj noqalla nisqayraykuchu.

Hebreos 12:15

Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.