1 Pedro 4:3 - DIOSPA QHELQACHISQ

³ Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.

Qheshwa Biblia DC

³ Mana creejkunaj munayninta ruwasqaykichejqa tukukunña qankunapaj. Chaypacha purej kankichej millay juchaspi, sajrata purispa, machaykuykunaspi, qhochukuspi, anchata ujyaspa, chejnina lantista yupaychaspa ima.

DIOSPA QHELQACHISQAN DEUTEROCANONICAL

³ Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.

Quechua South Bolivia: Dios Parlapawanchej

³ Ashqha tiempotaña Diosta mana rejsejcunaj munaynincumanjina causarkanquichej. Paycunawan sajra puriycunapi, sajra munaycunapi, machaycunapi, millay fiestacunapi, machanapaj tantacuycunapi carkanquichej. Waj dioscunata millay yupaychaycunapipis causarkanquichej.

1 Pedro 4:3 ပူးပေါင်းရင်းမြစ်များ

2 Samuel 13:28

Absalonqa kamachinkunata yachaykuchisqa: Sumajtamin Amnonta qhawankichej. Machaykojtinkama, noqa nisqaykichej wañuchinaykichejta, qankunataj payta wañuchinkichej. Ama manchachikuychejchu nisqayman jina ruwaytaqa. Kallpachakuychej, wapuchakuychejtaj, nispa.

1 Reyes 21:26

Payqa millaytapuni ruwarqa, amorreokuna jina lantikunata yupaychaspa. Paykunata Tata Diosqa israelitakunaj ñawpaqenkumanta wijch'usqa.

2 Crónicas 15:8

Maypachachus Asa uyarerqa Diosmanta sut'inchaj Obedpa nisqanta chaypacha, kallpachakuspa, tukuy Judá jap'iymanta, Benjamín jap'iymantawan chay millay lantikunata wijch'urarqa. Lantikunata chinkachillarqataj, Efraín orqo cheqanejpi llajtakunata jap'isqanku, chaymantawan. Chaymantataj Temploj ñawpaqenpi Tata Diospa altarninta allincharqa.

Isaías 28:7

Chaywanpis kunan sacerdotekuna, Diosmanta sut'inchajkunapis vinowan machasqa thampiykachanku, tragowan machasqa yuyay chinkasqa kashanku, vino ujyasqankuwantaj chankaykachanku. Imatachus mosqoypi jina rikusqankuta pantasqata rikunku. Justiciata ruwananku kashajtinpis, paykunaqa machasqa kashanku.

Isaías 5:11

Imallachus kanqa qankunapaj tutamanta jatariytawan machakojkuna, ch'isiyanankama machasqa, vino ujyaspalla kajkunamanta.

Isaías 65:4

Paykunaqa aya p'ampana chawpipi tiyakunku wañusqakunata tapunankupaj, pakay cheqakunapitaj tutantin sut'iyanku. Khuchi aychata mikhunku, jinataj mana llimphupaj qhawasqa uywa ñak'asqatapis mankankupi chayachinku.

Jeremías 16:11

Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Ezequiel 44:6

Chantá contrayta oqharikoj Israel aylluman niy: Tukuyta Kamachej Tata Dios kay jinata nisunkichej: Israel, millachikunapaj jina imatachus ruwasqaykichejqa kaykamalla kachun.

Ezequiel 45:9

Tukuyta Kamachej Tata Dios kay jinata nin: Israelta kamachejkuna, kaykamalla kachun. Amaña mana allin kajta ruwaychejchu, nitaj kallpaman atinikuspa runakunata waqachiychejchu. Cheqan kajman jina kawsaychej, justiciatataj ruwaychej. Amaña runaykunamanta jallp'ankuta qhechuychejchu. Noqa Tukuyta Kamachej Tata Dios chayta nini.

Marcos 7:22

khuchichakuspa qhenchachakuy, qolqeta munapayay, millayta ruway, wajkunata q'otiyay, millay ruwayta munapayay, envidiakuy, cuento q'epi kay, runaykachay, mana yuyayniyoj kay ima.

Hechos 17:30

Ñawpa tiempopi runakuna Diosta mana rejserqankuchu chaypis, Dios chayta qonqayman churarqa. Kunantajrí, Diosllataj tukuynejpi runakunata kamachin payman kutirikunankuta.

Romanos 13:13

Chantá maychus kajta ruwaspa, p'unchaypi purina jinata purinachej, amataj imaymana millay machaykunapi, imaymana millay khuchiriyopi, churanakuypi, nitaj envidianakuypipis.

1 Corintios 12:2

Qankuna yachankichej, manaraj Cristopi atinikushaspa, qankuna mana parlayta atej lantikunata yupaychanaykichejpaj qhatatasqa kasqaykichejta.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

2 Corintios 12:21

Manchachikullanitaj, qankunaman watukoj kutimojteyqa, Tata Dios qankunaj ñawpaqeykichejpi p'enqaypi rikhurichinawanmanta. Ichapis waqanay kanqa, pikunachus unayña juchallinku, manataj Diosman kutirikunkuchu, chaykunamanta. Paykuna mana Diosman kutirikunkuchu ch'ichi kawsayninkumanta, khuchichakuspa qhenchachakusqankumanta, munasqankuta ruwaspa kawsasqankumanta ima.

Gálatas 5:19

Juchallinaman aysaj sonqoj ruwayta munasqanqa kaykuna kanku: Khuchichakuy, ch'ichi kawsay, millay puriy, khuchiriyopi puriyta munapayay,

Gálatas 5:21

envidianakuy, machakuykuna, raymita ruwaspa millay kajta ruway, chantá waj jina mana allin kajta ruway ima. Imaynatachus ñawpajta nerqaykichejña, kunan ujtawan nillaykichejtaj: Chaykunata ruwajkunaqa Diospa kamachiyninman mana yaykonqankuchu, nispa.

Efesios 5:18

Ama machakuychejchu, imaraykuchus machanaqa mana ruwanata ruwanaman apasunkichejman. Aswanpis Santo Espíritoj kamachiyninpi sapa p'unchay puriychej.

1 Tesalonicenses 4:5

Amataj Diosta mana qhatejkuna jina millay ch'ichi kajta ruwayta munapayaspa kawsaychejchu.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

1 Pedro 1:14

Chayrayku kasukoj wawakuna jina kaychej, amataj sonqoykichejpa munasqanta ruwaychejchu, imaynatachus ñawpajta manaraj Diosmanta allinta yachashaspa ruwaj kankichej, jinataqa.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.