1 Pedro 4:2 - DIOSPA QHELQACHISQ

² Ajinaqa kay pachapi kawsanaykichejkamaqa manaña sonqoykichejpa munasqanman jinachu kawsankichej, manachayqa imata jina Diospa munasqanta ruwaspa kawsankichej.

DIOSPA QHELQACHISQAN DEUTEROCANONICAL

² Ajinaqa kay pachapi kawsanaykichejkamaqa manaña sonqoykichejpa munasqanman jinachu kawsankichej, manachayqa imata jina Diospa munasqanta ruwaspa kawsankichej.

Quechua South Bolivia: Dios Parlapawanchej

² Chayraycu cay pachapi causanayquichejcamaka Diospa munayninmanjina ruwanayquichej tiyan. Amañataj sajra munaymanjinaka causaychejchu.

1 Pedro 4:2 ပူးပေါင်းရင်းမြစ်များ

Salmos 143:10

Munasqaykita ruwayta yachachiway, imaraykuchus qanmin Diosniy kanki. Qanpa sumaj Espirituyki allin kajta ruwanaman pusawachun.

Oseas 6:7

Chaywanpis aylloyqa Adán jinallataj trato ruwasqayta p'akinku, wasanchawankutaj.

San Mateo 12:50

Pichus janaj pachapi kashaj Tataypa munayninta ruwajmari wawqey, panay, jinallataj mamaypis, nispa.

San Mateo 20:4

Qayllaykuspataj, nisqa: Qankunapis uva huertayman ruwaj riychej, chantá maychus kajta pagasqaykichej, nispa. Paykunataj risqanku.

San Mateo 21:31

Kunan niwaychej: Chay iskayninkumanta mayqentaj tatanpa munasqanta ruwarqari? nispa. Paykunataj kuticherqanku: Ñawpaj kaj, nispa. Jesustaj nerqa: Kayta sut'ita niykichej: Impuestota cobrajkuna, phisu warmikuna ima Diospa kamachiyninman qankunamanta aswan ñawpajta yaykonqanku.

San Mateo 7:21

Mana tukuy pikunachus: Tukuyta Kamachejniyku kanki, nispa niwajkunachu Diospa kamachiyninman yaykonqanku. Manachayqa, janaj pachapi kaj Tata Diosniypa munayninta ruwajkunalla yaykonqanku.

Marcos 3:35

Pichus Diospa munayninta ruwan, chaymá wawqeyqa, panaypis, mamaypis, nispa.

Marcos 7:21

Runaj sonqon ukhumanta kay imakuna llojsimun: Millayta yuyay, khuchichakuy, suwakuy, runata wañuchiy,

San Juan 1:13

Paykunataj Diospa wawankuna kanku mana qharej yumasqanraykuchu, nitaj runa munasqanraykuchu, nillataj pi qharej munayninmantachu, manachayqa Dios munasqanrayku.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

Romanos 14:7

Noqanchejmanta mana pipis munaynillanta ruwananpajchu kawsan. Wañunanchejmantapis Dioslla nenqa mayk'ajchus wañunanchejta.

Romanos 6:11

Ajinallatataj qankunapis juchaj atiyninpaj wañusqa kasqaykichejta qhawakuychej, Jesucristonejtataj Diospa munaynillantaña ruwaspa kawsashasqaykichejta.

Romanos 6:2

Ni imarayku. Noqanchej juchallinapaj wañorqanchejña. Jinaqa, imaynatataj juchallispallapuni purisunri?

Romanos 7:4

Ajinallatataj qankunapis, wawqe panaykuna, maypachachus Cristowan wañorqankichej chaypacha, manaña Moisespa kamachisqanpa atiyninpichu kankichej. Kunanrí pichus wañusqamanta kawsarichisqa karqa, chayman ujchasqa kankichej. Ajinamanta Diospaj allin imakunata ruwayta atinchej.

2 Corintios 5:15

Jinallataj Cristoqa tukuy runarayku wañorqa, kunan pikunachus kawsashanchej, chaykuna amaña munasqanchejta ruwaspa kawsananchejpaj, manachayqa Jesucristoj munasqallantaña ruwaspa kawsananchejpaj. Paymin noqanchejrayku wañorqa, chantapis kawsarimporqa kawsayta qonawanchejpaj.

Efesios 2:3

Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

Efesios 4:17

Tukuyta Kamachej Jesuspa sutinpi kayta niykichej: Amaña Diosman mana kutirikojkuna jina purispa kawsaychejchu. Paykuna qhasi manakaj yuyasqankuman jina purinku.

Efesios 5:17

Chayrayku ama mana yuyayniyojkuna jina ruwaychejchu, manachayqa Tukuyta Kamachej Jesuspa munasqan imachus kasqanta yachanaykichejpaj atisqaykichejta ruwaychej.

Efesios 6:6

Ama paykuna qhawashajtillankuchu ruwaj ruwaj tukuychej, imaynatachus wakin ruwanku, ajinataqa. Manachayqa Cristoj wata runan jina, Diospa munasqanta tukuy sonqo ruwaychej.

Colosenses 1:9

Chayrayku noqayku tukuy chayta uyarisqaykumantapacha Dioswan parlarikuspa, qankunarayku mañapuyku, Tata Dios munayninta allintapuni rejsichisunaykichejpaj, jinataj Santo Espíritu yuyayta, yachayta ima qosunaykichejpaj.

Colosenses 3:3

Ajinata ruwaychej, imaraykuchus qankunaqa ñawpa kawsaypaj wañorqankichejña, kunantaj Cristoman ujchasqa kasqaykichejrayku Diosqa mosoj kawsayniykichejta pakashan.

Colosenses 4:12

Qankunamanta ujniykichej, Cristoj kamachin Epafras napaykamullasunkichejtaj. Payqa Dioswan parlarikuspa mañapusunkichejpuni Tata Dios kallpachanasuykichejpaj, yuyayninpiña kanaman chayanaykichejpaj, chantá Diospa munasqanta junt'anaykichejpaj ima.

1 Tesalonicenses 5:18

Jinallataj tukuy imamanta Diosta pachis nillaychejpuni, imaraykuchus Jesucristoman ujchasqa kasqaykichejrayku Dios chayta munan.

Hebreos 13:21

Paymin tukuy imata allinta ruwanaykichejpaj qankunata yachachichun. Jinallataj Jesucristonejta qankunapi pay ruwachun, imachus payta kusichin, chayta. Chayrayku pay may jatunchasqa kachun, wiñay wiñaynintinpaj. Ajina kachun.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

1 Pedro 1:14

Chayrayku kasukoj wawakuna jina kaychej, amataj sonqoykichejpa munasqanta ruwaychejchu, imaynatachus ñawpajta manaraj Diosmanta allinta yachashaspa ruwaj kankichej, jinataqa.

1 Pedro 2:1

Chayrayku qankunaqa kay jina millay ruwaykunata saqeychej: Tukuy imaymana q'otiriyota, puraj uya kayta, envidiakuyta, runaj contranpi tukuy imaymana rimakuytawan ima.

1 Juan 2:17

Kay pachapi mana allin kajqa tukukapushan, jinallataj mana allinta kajta munanapis. Diospa munayninta ruwajrí, wiñaypaj kawsanqa.