1 Pedro 2:9 - DIOSPA QHELQACHISQ

⁹ Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Qheshwa Biblia DC

⁹ Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

DIOSPA QHELQACHISQAN DEUTEROCANONICAL

⁹ Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Quechua South Bolivia: Dios Parlapawanchej

⁹ Kancunarí Diospa ajllacuskasnin canquichej. Camachejninchej Diosman kayllaycuchejcuna, payman t'akaska ayllun canquichej. Yuyaskanmanjina paypa runasnin canayquichejpaj wajyasorkachej lakha juchamanta paypa sumaj c'anchayninpi causanayquichejpaj. Wajyasorkachejtaj paypa c'acha ruwaskasninta tucuy runasman willaranayquichejpaj.

1 Pedro 2:9 ပူးပေါင်းရင်းမြစ်များ

Salmos 106:5

Noqaqa ajllakusqaykikuna kusisqa kawsakusqankuta rikuyta munani. Aylluykiwan khuska kusikuyta munani, qanpata kajkunawan khuska jatunchasunaypaj.

Salmos 118:27

Tata Diosqa Diospuni, paymin k'anchawajninchejqa. Raymi ruwayta qallariychej, sach'aj thansanta k'utuspataj, altarpa wajran chayman apaychej.

Salmos 135:4

Payqa Jacobta paypata kananpaj ajllakorqa, Israelta ayllun kananpaj ajllakorqa.

Salmos 22:30

30 (31) Qhepanejman mirajkunapis Tata Diospa kamachiyninpi kanqanku, paykunataj qhepa mirajkunaman Tukuyta Kamachej Diosmanta parlanqanku.

Salmos 33:12

Kusikuyniyoj pi suyojtachus Tata Diosqa Diosnin kajtin. Chay aylluta payqa paypata kananpaj ajllakun.

Salmos 73:15

Sichus paykuna jinallataj yuyayman karqa chayqa, Diospa wawankunata wasanchayman karqa.

Isaías 26:2

Kunantaj chay llajtaj punkunkunata kichariychej, chayninta cheqan runakuna yaykunankupaj, pikunachus Diosta mana wasanchankuchu, chaykuna.

Isaías 41:8

Chaywanpis Tata Dios nin: Qanrí Israel, kamachiy kanki, qantaj Jacob, ajllakusqay kanki. Kawsaqey Abrahampa mirayninmanta ajllakusqay kanki.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 44:1

Kunanqa Jacobpa ayllun Israel, ajllakusqay kamachíy, uyariway, ari:

Isaías 61:6

Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Isaías 62:12

Chaypacha israelitakunata sutichanqanku: “Tata Diospaj T'aqasqa Ayllu”, “Tata Dios Pagaspa Kacharichisqan Kajkuna”, nispa. Jerusalentataj sutichanqanku: “May Munasqa Llajta”, “Mana Saqerpayasqa Llajta”, nispa.

Isaías 66:21

Chantá paykunamanta wakinta ajllakusaj sacerdotekuna, levitakuna kanankupaj. Ajinata noqa Tata Diosqa nini.

Isaías 9:2

2 (1) Laqhapi purej runakunaqa jatun k'anchayta rikonqanku, wañuypa laqhayayninpi tiyakoj runakunamantaj k'anchaykamonqa.

Malaquías 3:17

Tukuy Atiyniyoj Tata Dios nin: Noqaj wakichisqay p'unchaypi paykunaqa watej aylluy kanqanku. Imaynatachus uj tata nisqanta kasukoj wawanta khuyan, ajinallatataj noqapis paykunamanta khuyakusaj.

San Mateo 4:16

Laqhapi tiyakoj runakuna uj jatun k'anchayta rikonqanku. Wañuy llanthu cheqapi tiyakojkunamanpis uj k'anchay lliphipimonqa, nispa.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Lucas 1:79

Pay jamun laqhapi tiyakojkunata, wañuypa llanthunpi kajkunatapis k'anchananpaj. Chantá puriyninchejta cheqanchaspa, allinpi kawsayta qowasunchej. Ajinata nispa, Zacariasqa Diosta jatuncharqa.

San Juan 17:19

Paykunarayku wañunaypaj kawsayniyta qanman jaywayki, ajinamanta paykunapis cheqa kajta jap'ikusqankunejta qanpaj t'aqasqallataj kanankupaj.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Hechos 26:28

Agripatajrí Pablota nerqa: Yuyankichu manaraj imapi Cristota qhatikojman tukuchiwayta? nispa.

Romanos 9:24

Noqanchej chay ajllakusqan ukhumanta kashanchej, wakin judiokunamanta, wakintaj mana judío kajkuna ukhumanta.

1 Corintios 3:17

Sichus pipis Diospa templonta urmachin chayqa, Diospis chay runata urmachillanqataj, imaraykuchus Diospa templonqa payllapaj t'aqasqa. Qankunamin chay templo kankichej.

Efesios 1:14

Diosqa Santo Espirituta qowanchej chayaqeta jap'inanchejmanta señata jina. Jinataj noqanchej chay chayaqeta jap'isunchej, maypachachus Dios rantikusqanta paypata kananpaj kacharichenqa, chaypacha, ajinamanta jatun kayninta yupaychananchejpaj.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

Efesios 3:21

Cristoj Iglesianmanta tukuy kajkuna, Cristoman ujchasqa kasqanchejrayku Diosta wiñay wiñaypaj yupaychana. Ajina kachun.

Deuteronomio 10:15

Chaywanpis Tata Diosqa qankunaj tataykichejta munakorqa, tukuy ayllu ukhumantataj paykunaj mirayninkuta ajllakorqa. Chaykunaqa qankuna kankichej, imaynatachus kunan rikushanchej, chay.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Deuteronomio 18:2

Paykunaqa mana llajta masinku jinachu jallp'ata jap'enqanku, imaraykuchus paykunajta Tata Diosmin chayaqenku kanqa, imaynatachus nisqanman jina.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Deuteronomio 7:6

Qankunaqa Tata Diosniykichejpaj t'aqasqa ayllu kankichej. Paymin kay pachapi tukuy suyumanta ajllakusorqachej, paypata may munasqa ayllun kanaykichejpaj.

Filipenses 3:14

Ñawpajman rishallanipuni, maymanchus chayanay kashan, chayman chayanaykama, janaj pachapi kaj t'inkata jap'inaypaj. Chay t'inkata jap'inanchejpaj Diosqa Cristo Jesusnejta wajyawarqanchej.

Colosenses 1:13

Diosqa laqhayaypi kamachejpa atiyninpi kawsashasqanchejmanta orqhospa, munasqa Churinpa kamachiyninman churawarqanchej.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

1 Pedro 1:2

Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Pedro 4:11

Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

Apocalipsis 20:6

Kusisqamin, Diospaj t'aqasqataj kanku pikunachus ñawpaj kaj kawsarimuypi kawsarimpojkunaqa. Qhepa kaj wañoyqa manaña paykunata imanayta atinchu. Aswanpis, paykuna Diospata, chantá Cristojtawan ima sacerdotenkuna kanqanku, paywantaj waranqa watata kamachenqanku.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.

1 Samuel 12:22

Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.