1 Pedro 1:3 - DIOSPA QHELQACHISQ

³ Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

Qheshwa Biblia DC

^3-4 Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

DIOSPA QHELQACHISQAN DEUTEROCANONICAL

³ Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

Quechua South Bolivia: Dios Parlapawanchej

³ Señorninchej Jesucristoj Diosnin Tatanka may jatunchaska cachun. Dioska may jatun qhuyacuyninwan mosoj causayta kowarkanchej. Wiñay causayniyoj cananchejpajtaj Jesucristota wañuymanta causarichimorka. Chayraycu Diospipuni confiacunchej.

1 Pedro 1:3 ပူးပေါင်းရင်းမြစ်များ

1 Reyes 8:15

Paytaj nerqa: Jatunchasqa kachun Israelpa Tata Diosnin, pichus tatay Davidman parlasqanta kunan junt'an kay jina nisqanta:

1 Crónicas 29:20

Chantá Davidqa tukuy israelitakunata nerqa: Kunanqa qankunañataj Tata Diosta yupaychaychej, nispa. Chantá tantasqa israelitakunaqa ñawpa tatankoj Tata Diosninkuta yupaycharqanku, chantá Tata Diospa ñawpaqenpi, jinataj kuraj kamachejpa ñawpaqenpiwan qonqoriykukuspa, pampakama k'umuykorqanku.

2 Crónicas 31:8

Kuraj kamachej Ezequías yanapajninkunawan chay tantasqankuta qhawaj rispa, Tata Diosta jatuncharqanku, Israel ayllutataj samincharqanku.

Salmos 41:13

13 (14) Israelpa Tata Diosnin wiñay wiñaynintinpaj yupaychasqa kachun. Jinapuni kachun.

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Éxodo 34:6

Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

Isaías 26:19

Chaywanpis aswan qhepaman llajtaykumanta wañusqakuna kawsarimponqanku, ayankupis sayarimponqanku. Jallp'a ukhupi puñojkunaqa rijch'arimonqanku, kusiywantaj qhaparenqanku, imaraykuchus qanqa k'anchayta chhullata jina apachimunki. Chantá wañusqakunaqa jallp'a ukhumanta p'utumonqanku.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

San Juan 1:13

Paykunataj Diospa wawankuna kanku mana qharej yumasqanraykuchu, nitaj runa munasqanraykuchu, nillataj pi qharej munayninmantachu, manachayqa Dios munasqanrayku.

Romanos 12:12

Jinallataj Tukuyta Kamachej Jesús kutimunanta suyashaspa, kusikuychej. Diosta kasusqaykichejrayku ñak'arispaqa, pacienciakuychej, mana sayk'uspataj, Dioswan parlarikuychejpuni.

Romanos 15:13

Qankuna Diospi atinikusqaykichejrayku suyakuyniyoj kankichej. Chayrayku Diosmanta mañakuni tukuy kusiywan, sonqo tiyaykuywan ima sonqoykichejta junt'achinanta. Ajinamanta Santo Espiritunejta Diospi atinikuspa suyakusqaykichejqa astawan astawan kanqa.

Romanos 4:25

Jesucristomin juchanchejrayku wañunanpaj jaywaykusqa karqa, jinataj cheqan runapaj qhawasqa kananchejpaj kawsarichisqa karqa.

Romanos 5:10

Diospa contranpiraj kashajtinchej, Dios kikin Churinpa wañuyninnejta paywan allinyachiwarqanchej. Jina chayqa, astawanraj ari Dioswan allinyachisqaña kaspa, Cristo kawsashasqanrayku qhespichisqapuni kasunchej.

Romanos 8:11

Ajinaqa pichus wañusqamanta Jesusta kawsarichej Diospa Espíritun qankunapi tiyakushan. Chayrayku imaynatachus Tata Dios Cristo Jesusta wañusqakunamanta kawsaricherqa, ajinallatataj Diosqa Espiritunnejta wañoj ukhuykichejtapis kawsarichillanqataj.

Romanos 8:24

Chayta suyananchejpaj qhespichisqa karqanchej. Sichus imatachus suyashasqanchej tiyapuwasunmanña chayqa, imapajñataj suyasunmanri?

1 Corintios 13:13

Kunanqa kay kinsa imakunata ruwana tiyan: Diospi atinikuna, Dios nisqanta junt'anantapuni suyana, chantá wajkunata munakuna ima. Chay kinsamanta astawan kurajqa munakuymin.

1 Corintios 15:20

Chaywanpis Cristo wañusqamanta kawsarimpusqanqa jinapuni. Pay wañojkunamanta ñawpajta kawsarimoj kaspa, yachayta qon qhepanejman wajkunapis kawsarimunallankutataj.

2 Corintios 1:3

Tukuyta Kamachej Jesucristonchejpa Tata Diosninta yupaychana, imaraykuchus payqa khuyarikoj Tata, tukuy imapi sonqochaj Diostaj.

Gálatas 6:16

Jinapi noqa nini: Kay kamachisqaman jina tukuy purejkunamanqa sonqo tiyaykuy, khuyakuytaj kachun, pikunachus cheqapuni Diospa ayllun kanku, chaykunaman, nispa.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Efesios 2:4

Chaywanpis Diosqa khuyakuypi may jina qhapaj kaspa, may jinatapuni munakuwarqanchej.

Efesios 3:20

Diosqa tukuy imata ruwayta atin, mañakusqanchejmantapis yuyasqanchejmantapis aswantaraj, noqanchejpi llank'ashan, chay jatun atiyninnejta.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

1 Tesalonicenses 1:3

Tata Diosninchejwan parlarikuspa, qankunamanta yuyarikuykupuni Diospi tukuy sonqo atinikuspa ruwasqaykichejmanta, munakuspa wajkunata sinch'ita yanapasqaykichejmanta ima. Chantá yuyarikullaykutaj Tukuyta Kamachej Jesucristo ñak'ariykunapi yanapanasuykichejta pacienciawan suyasqaykichejmanta.

1 Tesalonicenses 4:13

Munasqa wawqe panakuna, yachanaykichejta munayku, Diosta qhatejkunamanta pikunachus wañupojkunawan imachus kananmanta. Chayta yachaspa, mana llakikunkichejchu, pikunachus mana ni ima allin kajtapis suyashankuchu, chaykuna jina.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

1 Timoteo 1:14

Chantá Tukuyta Kamachej Diosninchej qhasilla k'acha yanapayninwan may jinatapuni yanapawarqa. Jinallataj Cristo Jesusnejta paymanta jap'ikuyta, jinataj munakuyta ima Dios yanapallawarqataj.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

Hebreos 3:6

Cristorí Diospa Churin kaspa, Diospa ayllunpi imachus ruwananta sumajta junt'arqa. Noqanchejmin chay ayllun kanchej, sichus sonqonchejpi kallpachakusunchej, chantá Cristopi atinikuspa allin kajta suyakusqanchejpi sinch'ita sayasunchej chayqa.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

1 Pedro 1:13

Chayrayku, qankuna allinta qhawarikuspa yuyaychakuychej, amataj sonqoykichejpa munasqanwan atipachikuychejchu. Chantá Dios qhasilla k'acha yanapayninrayku imatachus qosonqachej, chayta tukuy sonqo suyaychej. Chayta jap'inkichej, maypachachus Jesucristo kay pachaman ujtawan kutimonqa, chaypacha.

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.

1 Pedro 1:23

Qankuna watejmanta paqarerqankichej, mana wañoj tata mamamantachu. Manachayqa mana jayk'aj wañojmanta paqarerqankichej, chaytaj Diospa wiñay wiñaypaj kawsaj simi nisqannejta.

1 Pedro 2:2

Imaynatachus ñuñoj wawaqa lecheta may jinata munan, ajinallatataj qankunapis mana imawan chhapusqa Diospa simi nisqanta munaychej, chaynejta qhespichisqa kasqaykichejpi runayanaykichejpaj.

1 Pedro 3:15

Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.

1 Pedro 3:5

Ñawpajtapis Diospi atinikoj warmikunaqa ajinata k'achanchakoj kanku, sapa ujpis qosankuman k'umuykukoj sonqo kaspa.

1 Juan 2:29

Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

1 Juan 3:3

Pichus Jesucristopi atinikuspa jinapuni kananta suyakojqa pay kikin llimphuchakun, imaynachus Jesucristopis llimphupuni, ajina.

1 Juan 3:9

Diospa wawanña kajqa mana juchallispallapuni purinchu, imaraykuchus paypeqa Diospa kawsaynin kashan. Ajinaqa pichus Diosmanta paqarejqa manaña juchallispallapuni puriyta atinmanchu.

1 Juan 4:7

Munasqa wawqe panakuna, purajmanta munakunanchej tiyan, imaraykuchus munakunaqa Diosmantamin. Pichus runa masinta munakojqa Diospa wawanmin, Dioswantaj k'achata kawsakun.

1 Juan 5:1

Tukuy pichus creen Jesusqa Diospa kachamusqan Cristo kasqanta chayqa, payqa Diospa wawan. Jinallataj Tata Diosta munakojqa Tataj wawankunatapis munakullantaj.

1 Juan 5:18

Yachanchej Diospa wawanña kajkunaqa manaña juchallispallapunichu purisqankuta, imaraykuchus Diospa Churin paykunata waqaychan, Kuraj Supaytaj paykunata mana imanaytapis atinñachu.

1 Juan 5:4

Tukuy pichus Diospa wawan kajqa Diosman mana kutirikojkunaj yuyasqankuman jina kawsayta atipan. Diosman mana kutirikojkunaj yuyasqankuman jina kawsanataqa Jesuspi atinikuspamin atipanchej.