1 Pedro 1:2 - DIOSPA QHELQACHISQ

² Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.

Qheshwa Biblia DC

² Qankunata Dios Tata ajllakorqa ñaupajmantapacha yuyasqanman jina, Santo Espiritunejta llimphuchaspa, Jesucristota kasunaykichejpaj, yawarninwantaj ch'ajchusqas kanaykichejpaj. Khuyakuy, sonqo tiyasqa kayta, qankunapi yapakuchun.

DIOSPA QHELQACHISQAN DEUTEROCANONICAL

² Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.

Quechua South Bolivia: Dios Parlapawanchej

² Manaraj cay pachata ruwashaspa Dios Tataka kancunata ajllacuyta yuyarka. Paytaj munarka Santo Espiritunejta payman t'akaskas llimphu causayniyoj canayquichejta. Ajinata ajllacusorkachej Jesucristota casunayquichejpaj, wañuyninnejtapis paywan ujchaska causacunayquichejpaj. Munani Diospa c'acha yanapaynin astawan astawan kancunawan cananta, tucuy imapi allinta causacunayquichejpaj.

1 Pedro 1:2 ပူးပေါင်းရင်းမြစ်များ

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Isaías 65:22

Wasikunata ruwakojtinku, mana wajkunachu chaypi tiyakaponqanku. Jinallataj uva huertata mallkikojtinku, mana wajkunachu poqosqanta mikhukaponqanku. Aylloyqa sach'a jina unayta kawsanqa. Jinamanta ajllakusqaypis makinkoj tarpusqanta mikhurikonqanku.

Isaías 65:9

Manachayqa Jacobpa churinkunata mirachisaj, Judá ayllumantataj wakinta ajllakusaj, orqoykunata chayaqenkupaj paykunaman qonaypaj. Ajllakusqaykunaqa chayaqenkupaj jallp'ata jap'enqanku, chaypitaj kamachiykuna tiyakonqanku.

Daniel (hebreo) 4:1

1 (3.31) Kuraj kamachej Nabucodonosor uj cartata qhelqachispa, tukuynin kamachisqan suyukunaman apacherqa. Kay jinata chay cartapi willarqa: Noqa kuraj kamachej Nabucodonosor tukuy suyukunapi tiyakojkunata napaykuykichej: Qankunapaj allin kawsay kachun, nispa.

Daniel (hebreo) 6:25

25 (26) Chantá kuraj kamachej Darío waj kamachisqata qhelqarqa, tukuy suyukunapi tiyakojkunaman, tukuy llajtakunaman, kay pachapi kaj imaymana parlayniyojkunaman ima kay jinata nichispa: Munani qankuna allin kawsaypi kawsakunaykichejta, tukuy imapitaj allin risunaykichejta.

Levítico 1:5

Chantá Tata Diospa ñawpaqenpi torota ñak'anqa. Chaymanta Aaronpa mirayninmanta kaj sacerdotekuna toroj yawarninta jap'ispa ch'ajchonqanku, Dioswan Tinkukuna Toldoman yaykuna punkupi altarpa patanta, chantá tukuy muyuyninta ima.

San Mateo 24:22

Manachus Dios chay p'unchaykunata pisiyachinman chayqa, mana pipis qhespichisqachu kanman. Aswanpis payqa ajllakusqankunata munakusqanrayku chay p'unchaykunata pisiyachenqa.

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

San Mateo 24:31

Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.

Marcos 13:20

Manachus Tukuyta Kamachej Dios chay p'unchaykunata pisiyachinman chayqa, mana pipis qhespichisqachu kanman. Aswanpis, payqa ajllakusqankunata munakusqanrayku chay p'unchaykunata pisiyachenqa.

Marcos 13:22

Ajinamanta llulla cristokuna, mana cheqanta sut'inchajkuna ima rikhurimonqanku. Paykunataj runaj mana jayk'aj rikusqan t'ukunata, waj t'ukuna imakunata ima ruwaspa, runata pantachenqanku. Atispaqa, Diospa ajllakusqankunatapis pantachinkuman.

Marcos 13:27

Chantá pay angelninkunata kachamonqa Diospa ajllakusqankunata kay pachaj tawantin cheqamanta tantanankupaj, kay pachaj ujnin k'uchunmantapacha janajpa ujnin kantunkama, nispa.

San Lucas 18:7

Diospa ajllakusqankuna tuta p'unchay paymanta justiciata mañakushajtinku, manachu paykunapaj justiciata ruwanqa? Payqa unaytarajchu suyachikonqa? Mana, icharí?

Hechos 15:18

Ajinata Tukuyta Kamachej Dios nin, pichus kay imakunata ruwananta unaymantapachaña rejsicherqa, chay, nispa.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

Hechos 20:32

Kunanqa Diospa makinman churaykichej, mañaykichejtaj Diospa sonqochaj simi nisqanman jina kawsanaykichejta. Paypa simi nisqanqa manchay atiyniyojmin qankunata kallpachasunaykichejpaj, Diostaj chaynejta chayaqeykichejtapis qankunaman qosonqachej tukuy ajllakusqankunawan khuska.

Romanos 1:5

Noqaqa Jesucristonejta Diospa kachan kanaypaj ajllasqa kani, tukuy suyupi runakunaman willarajtiy, paypi creenankupaj, jinataj payta kasunankupaj.

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

Romanos 11:2

Diosqa ayllunta mana qhesachanchu, imaraykuchus ñawpajmantapacha paykunata ayllunpaj rejsikaporqa. Manachu yachankichej Diospa Qhelqachisqanpi imatachus Eliasmanta nisqanta? Eliasqa Israelpa contranta Diosman willakuspa, nisqa:

Romanos 11:28

Israelitakunamanta ashkha Jesucristoj sumaj willayninpa contranpi kanku, chaytajrí qankuna mana judiokunaj allinniykichejpaj. Chaywanpis paykuna Diospaj may munakusqan ayllunraj kashanku, imajtinchus payqa ñawpa tatanku Abrahamta, Isaacta, chantá Jacobta ima ajllakorqa.

Romanos 15:16

Jesucristoj kamachin jina, paymanta sumaj willayta mana judío kajkunaman willaranaypaj. Ajinamanta paykuna Santo Espiritunejta sumaj jaywana jina Diospaj t'aqasqa kanqanku.

Romanos 16:19

Qankuna sumaj kasukoj kasqaykichejta tukuy yachankuña, noqataj chayrayku kusikuni. Kunanrí munani allin kajta ruwanaykichejpaj yuyayniyoj kanaykichejta, mana allin kajpajtajrí wawa jina kanaykichejta.

Romanos 16:26

Chay willayqa Diosmanta sut'inchajkunaj qhelqasqankupi rejsichisqaña karqa, wiñaypaj kawsaj Diospa kamachisqanman jina. Kunantajrí chay pakasqa yachayqa rejsichisqaña runakuna jap'ikunankupaj, kasunankupajtaj.

Romanos 8:13

Sichus qankuna juchallinaman aysaj sonqoykichejpa munasqanman jinachus kawsankichej chayqa, wañunkichej. Sitajchus Santo Espiritunejta juchallinaman aysaj sonqoj munasqanta wañuchinkichej chayrí, kawsankichej.

Romanos 8:33

Jina kajtenqa, pitaj Diospa ajllakusqankunata ch'ataykuwasunmanri? Ni pi, imaraykuchus Diospuni cheqan runapaj qhawawanchej.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

2 Corintios 10:5

Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.

2 Corintios 13:14

Tukuyta Kamachej Jesucristoj qhasilla k'acha yanapaynin, Tata Diospa munakuynin, chantá Santo Espiritumanta jamoj k'acha kawsakuy ima tukuy qankunawan kachun. Ajina kachun.

Deuteronomio 7:6

Qankunaqa Tata Diosniykichejpaj t'aqasqa ayllu kankichej. Paymin kay pachapi tukuy suyumanta ajllakusorqachej, paypata may munasqa ayllun kanaykichejpaj.

Colosenses 3:12

Qankunaqa Diospa ajllakusqan kankichej, paypaj t'aqasqa, may munasqataj. Chayrayku qankuna khuyakuywan, k'acha kaywan, llamp'u sonqo kaywan, mana phiñakoj kaywan, pacienciawan ima p'achawan jina p'achallikuychej.

2 Tesalonicenses 2:13

Diospa munakusqan wawqe panakuna, noqayku qankunamanta Diosta pachis ninaykupuni tiyan. Diosqa qankunata qallariymantapacha ajllakusorqachej qhespichisqa kanaykichejpaj Santo Espíritu llimphuchasqannejta, chantá cheqa kajta jap'ikusqaykichejnejta ima.

2 Timoteo 2:10

Chayrayku, tukuy imata ñak'arispa awantashani Diospa ajllakusqankunata munakusqayrayku, paykunapis Cristo Jesusnejta qhespichisqa kayta, chantá wiñay kusiytawan tarinankupaj.

Tito 1:1

Noqa Pabloqa Diospa wata runan kani, Jesucristoj kachantaj. Pay kachawarqa paymanta sumaj willayta Diospa ajllakusqankunaman willanaypaj, chantá cheqa kajmanta yachachinaypaj ima, ajinamanta paykuna Diospa munasqanman jina puriyta yachanankupaj.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

Hebreos 11:28

Chaymanta qhepaman Moisesqa Diospi atinikusqanrayku Pascua raymita ruwarqa, kamacherqataj israelitakuna wasinkoj punkunkuta yawarwan ch'ajchunankuta, wañuchej ángel kuraj kaj churinkuta ama wañurachinanpaj.

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

1 Pedro 1:14

Chayrayku kasukoj wawakuna jina kaychej, amataj sonqoykichejpa munasqanta ruwaychejchu, imaynatachus ñawpajta manaraj Diosmanta allinta yachashaspa ruwaj kankichej, jinataqa.

1 Pedro 1:19

Aswanpis, Cristo cruzpi wañuspa yawarninta jich'asqanwan qankuna kacharichisqa kankichej. Payqa mana ch'ichiyoj, mana iman imanasqa cordero jina jaywasqa karqa.

1 Pedro 1:20

Manaraj kay pacha ruwasqa kashajtin, Cristo chaypaj ajllasqa karqa. Paytaj kay qhepanejman rikhurimorqa qankunaj allinniykichejpaj.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

2 Pedro 1:2

Kunantaj napaykuykichej: Diosqa qhasilla k'acha yanapayninta, chantá sonqo tiyaykusqa kayta ima astawan astawan qankunaman qosuchun, Tata Diosta, Tukuyta Kamachej Jesucristota ima rejsisqaykichejnejta.

2 Juan 1:1

Noqa iglesiapi kuraj kaj jina kay cartata ajllasqa mamaman, chantá wawankunaman ima qhelqaspa apachini, pikunatachus cheqatapuni munakuni, chaykunaman. Mana noqallachu paykunata munakuni, manachayqa cheqa kajta tukuy jap'ikojkunapis munakullankutaj.

2 Juan 1:13

Diospa ajllasqan ñañaykej wawankunapis napaykamusunku. Ajina kachun.

Judas 1:2

Diospa khuyakuynin, sonqo tiyaykuynin, munakuynin ima qankunapi may jinapuni kachun.