1 Juan 5:13 - DIOSPA QHELQACHISQ

¹³ Kay imakunata qhelqamuykichej, pikunachus Diospa Churinpi atinikunkichej, chaykunaman, ajinamanta wiñay kawsayniyoj kasqaykichejta yachanaykichejpaj.

Qheshwa Biblia DC

¹³ Kay imasta escribimuykichej, Diospa Churimpi creesqaykichejrayku, yachanaykichejpaj wiñay kausayniyoj kasqaykichejta.

DIOSPA QHELQACHISQAN DEUTEROCANONICAL

¹³ Kay imakunata qhelqamuykichej, pikunachus Diospa Churinpi atinikunkichej, chaykunaman, ajinamanta wiñay kawsayniyoj kasqaykichejta yachanaykichejpaj.

Quechua South Bolivia: Dios Parlapawanchej

¹³ Kancuna, Diospa Wawan Cristopi jap'icojcunaman cayta kelkamuyquichej. Munani chekatapuni yachanayquichejta cunan wiñay causayniyojña caskayquichejta.

1 Juan 5:13 ပူးပေါင်းရင်းမြစ်များ

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

San Juan 2:23

Pascua raymipi Jesús Jerusalenpi kashajtin, ashkha runakuna paypi atinikorqanku, runaj mana jayk'aj rikusqan t'ukunata ruwasqanta rikuspa.

San Juan 20:31

Kaykunarí qhelqasqa kashan, qankuna creenaykichejpaj Jesusqa Diospa Churin Cristo kasqanta, ajinamanta paypa atiyninnejta wiñay kawsayniyoj kanaykichejpaj.

San Juan 21:24

Jesuspa chay yachachisqanqa chay tukuyta willarqa, qhelqarqataj. Yachanchejtaj imatachus nisqanqa ajinapuni kasqanta.

San Juan 3:18

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

San Juan 5:24

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

Hechos 3:16

Jesuspa sutinpi atinikusqaykurayku Diosqa kay suchu runata qhaliyacherqa, pitachus qankuna rikunkichej, rejsinkichejtaj, chayta. Jesuspi atinikusqaykurayku ñawpaqeykichejpi kay suchu runaqa puririshan.

Hechos 4:12

Mana waj runanejta pipis qhespichisqa kayta atinmanchu manachayqa Jesucristonejllata. Diosqa tukuynin kay pachapi mana waj sutita churanchu, paypi atinikuspa noqanchej qhespichisqa kananchejpaj, nispa.

2 Corintios 5:1

Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

Gálatas 4:6

Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

1 Pedro 5:12

Noqa kay pisillata Silvanowan qhelqachimushaykichej, pitachus Diosta kasuspa qhatejta jina qhawani, chaywan. Kay cartanejta sonqoykichejta oqhariyta munani, chantá sut'inta niykichej imachus qhatirisusqaykichejqa Dios qhasilla k'acha yanapayninpi munasqanrayku kasqanta. Chayrayku ari chaypi sinch'ita sayaychej.

1 Juan 1:4

Kay cartata qhelqaspa, qankunaman apachimuyku noqaykuwan khuska qankuna mayta kusikunaykichejpaj.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

1 Juan 2:21

Manamin cheqa kajta mana rejsisqaykichejraykuchu noqa kayta qhelqamuykichej, manachayqa cheqa kajta rejsisqaykichejrayku. Jinallataj qankuna cheqan kaj mana cheqan kajmanta waj jina kasqanta yachankichej.

1 Juan 2:25

Chaymá chay wiñay kawsayqa, mayqentachus kikin Jesucristo qonawanchejta nerqa, chay.

1 Juan 2:26

Noqa kay imakunata qhelqamuykichej qankunata pantachiyta munajkunamanta qhawakunaykichejpaj.

1 Juan 3:23

Kaymin Diospa kamachisqanqa: Diospa Churin Jesucristopi atinikunanchej, kamachiwasqanchejman jinataj ujkuna ujkuna munakunanchej.

1 Juan 4:9

Tata Dios munakuwasqanchejta kay jinamanta rejsichiwarqanchej: Uj k'ata Churinta kay pachaman kachamorqa, paypi atinikuspa wiñay kawsayniyoj kananchejpaj.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

1 Juan 5:11

Tata Diospa sut'inchasqanqa kay jinamin: Diosqa wiñay kawsayta qowasqanchej, chay wiñay kawsaytataj Churinpi atinikuspa jap'inchej.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.