1 Juan 3:23 - DIOSPA QHELQACHISQ

²³ Kaymin Diospa kamachisqanqa: Diospa Churin Jesucristopi atinikunanchej, kamachiwasqanchejman jinataj ujkuna ujkuna munakunanchej.

Qheshwa Biblia DC

²³ Kaymin Diospa kamachiynenqa: Jesucristo Churimpa sutimpi creespa, ujkuna ujkunawan munanakunanchej, kamachiwasqanchejman jina.

DIOSPA QHELQACHISQAN DEUTEROCANONICAL

²³ Kaymin Diospa kamachisqanqa: Diospa Churin Jesucristopi atinikunanchej, kamachiwasqanchejman jinataj ujkuna ujkuna munakunanchej.

Quechua South Bolivia: Dios Parlapawanchej

²³ Dioska camachiwanchej sumajta jap'icunanchejta Jesucristo paypa ajllaska Wawan caskanta. Nokanchejpurataj munanacunanchej tiyan camachiwaskanchejmanjina.

1 Juan 3:23 ပူးပေါင်းရင်းမြစ်များ

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

San Mateo 22:39

Qhepan kaj kamachisqapis ñawpaj kajman rijch'akullantaj: Runa masiykita munakunki qan kikiykita jina, nispa.

Marcos 9:7

Chay jinallaman phuyu rikhurimuspa, paykunata p'ampaykorqa. Chay phuyu ukhumantataj Dios nimorqa: Kaymin munasqa Chureyqa. Paytamin uyariychej, nispa.

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

San Juan 13:34

Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

San Juan 14:1

Chaymanta Jesús yachachisqankunata nerqa: Ama phutikuychejchu. Qankunaqa Diospi atinikuychej, noqapipis atinikullaychejtaj.

San Juan 15:12

Kaytamin kamachiykichej: Qankunapura munakuychej, imaynatachus noqa munakuykichej, ajinata.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 2:23

Pascua raymipi Jesús Jerusalenpi kashajtin, ashkha runakuna paypi atinikorqanku, runaj mana jayk'aj rikusqan t'ukunata ruwasqanta rikuspa.

San Juan 3:18

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

San Juan 6:29

Jesustaj paykunaman kuticherqa: Diosqa kayllata ruwanaykichejta munan: Kachamusqan Churinpi atinikunaykichejta, nispa.

Hechos 16:31

Paykunataj kuticherqanku: Tukuyta Kamachej Jesuspi atinikuy, jinamantataj qan qhespichisqa kanki, wasi aylluykiwan ima, nispa.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

1 Tesalonicenses 4:9

Diosta qhatejkunapura munakunamanta manaña imatapis ninayku kanchu, imaraykuchus Dios kikinmin qankunapura munakunaykichejta yachachisunkichej.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

1 Pedro 4:8

Tukuy imamanta astawanqa qankunapura tukuy sonqo munakuychej, imaraykuchus munakoyqa may chhika juchata qonqayman churan.

1 Juan 2:7

Munasqa wawqe panakuna, mana mosoj kamachisqatachu qhelqamuykichej, manachayqa unaymantapacha uyarerqankichej, chay kamachisqata, mayqentachus yachankichejña, chayta.

1 Juan 3:11

Qallariymantapacha qankuna kay willayta uyarerqankichej: Ujkuna ujkuna munakunanchej tiyan, nispa.

1 Juan 4:15

Pillapis sut'ita rimarin Jesús Diospa Churin kasqanta chayqa, chay runaqa Dioswan ujchasqa kashan, Diostaj paypi tiyakun.

1 Juan 4:21

Diostajrí kay jinata kamachiwarqanchej: Pichus Diosta munakojqa Jesucristota qhatej masintapis munakullachuntaj, nispa.

1 Juan 5:13

Kay imakunata qhelqamuykichej, pikunachus Diospa Churinpi atinikunkichej, chaykunaman, ajinamanta wiñay kawsayniyoj kasqaykichejta yachanaykichejpaj.