1 Juan 2:27 - DIOSPA QHELQACHISQ

²⁷ Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

Qheshwa Biblia DC

²⁷ Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

DIOSPA QHELQACHISQAN DEUTEROCANONICAL

²⁷ Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

Quechua South Bolivia: Dios Parlapawanchej

²⁷ Dios churarka Santo Espirituta kancunaj sonkosniyquichejman kancunapi tiyacunanpaj. Ajinapitaj yachachejka mana pisisunquichejchu, imaraycuchus Espiritulla kancunaman yachachin tucuy imamanta. Espíritoj yachachiskanka chekapunimin manataj llullachu. Yachachiskas caskayquichejmanjinataj Jesucristowan ujchaska causacuychej.

1 Juan 2:27 ပူးပေါင်းရင်းမြစ်များ

Proverbios 28:5

Millayta ruwaj runakunaqa justiciamanta mana yachankuchu. Tata Diosta mask'ajkunarí chay tukuy imata allinta yachanku.

Levítico 7:35

Chaykunata noqa Tata Dios sacerdoteykuna kanankupaj t'aqarqani, chaymantapacha noqaman q'olachispa jaywanamanta Aaronman, mirayninmanwan ima qorqani.

Números 7:43

Eliasafqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

San Juan 14:16

Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa.

San Juan 14:17

Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.

San Juan 14:26

Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

San Juan 16:13

Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Juan 6:45

Diosmanta sut'inchajkunaj qhelqasqankupi nin: Diosqa tukuyninkuman yachachenqa, nispa. Ajinaqa pikunachus Tata Diosta uyarispa yachaqakunku, chaykuna noqaman jamunku.

1 Corintios 2:12

Noqanchejqa Diosman mana kutirikojkunaj yuyasqankuman jinachu yuyanchej, manachayqa Diosmanta jamoj Espíritu noqanchejpi kashan yachananchejpaj imatachus Dios munasqanraykulla qowasqanchejta.

1 Corintios 2:13

Noqayku chaykunamanta parlayku, mana runaj yachachisqanman jinachu, aswanpis Santo Espíritu yachachiwasqaykuman jina. Ajinaqa Santo Espiritumanta kaj imakunata sut'inchayku Espíritoj qosqan parlaykunawan.

2 Corintios 1:21

Diosmin noqaykuta, qankunatawan Cristoman ujchaspa, sinch'ita sayachiwanchej. Chantá, pay ajllakuwarqanchej paypata kananchejpaj.

Efesios 4:21

Manachayqa paymanta willajta uyarerqankichej, munasqanman jinataj kawsayta yacharqankichej cheqa kajta yachachisqanman jina.

Colosenses 2:6

Qankunaqa Jesucristota Kamachejniykichejta jina jap'ikorqankichej. Chayrayku paypa munasqanman jina kawsanaykichej tiyan.

1 Tesalonicenses 2:13

Chayrayku noqaykupis mana sayk'uspa Diosta pachis nillaykupuni, imaraykuchus Diospa willayninta qankunaman willajtiyku, tukuy sonqo jap'ikorqankichej, mana runaj parlasqanta jinachu, manachayqa Diospa nisqanta jina. Chayqa Diospa nisqanpuni, kunantaj qankuna Jesuspi atinikojkunapi imachus ruwananta ruwashan.

1 Tesalonicenses 4:9

Diosta qhatejkunapura munakunamanta manaña imatapis ninayku kanchu, imaraykuchus Dios kikinmin qankunapura munakunaykichejta yachachisunkichej.

1 Timoteo 2:7

Noqataj chaymanta willanaypaj Jesuspa kuraj kachan churasqa kani, jinallataj mana judío kajkunaman Jesuspi atinikunamanta, chantá cheqa kajmanta ima yachachinaypaj. Ajinata nispaqa, cheqanta nini, manataj llullakushanichu.

1 Pedro 1:23

Qankuna watejmanta paqarerqankichej, mana wañoj tata mamamantachu. Manachayqa mana jayk'aj wañojmanta paqarerqankichej, chaytaj Diospa wiñay wiñaypaj kawsaj simi nisqannejta.

1 Juan 2:28

Kunanqa, wawaykuna, Cristowan allinpipuni kawsakuychej, pay ujtawan kutimojtin, mana manchachikuspa, nitaj p'enqakuspa, paypa ñawpaqenpi rikhurinanchejpaj.

1 Juan 3:24

Pikunachus Diospa kamachisqanta kasojkunaqa Dioswan k'acha kawsakuypi kashanku, Diospis paykunawan kawsakushallantaj. Noqanchejpis Dios noqanchejwan kawsakushasqanta yachallanchejtaj, imaraykuchus qowasqanchej Santo Espíritu noqanchejpi tiyakun, chayrayku.

2 Juan 1:2

Qankunata munakuykichej, chay cheqa kaj willayrayku, mayqenchus sonqonchejpi kashan, wiñaypajtaj noqanchejwan kanqa, chayrayku.