1 Juan 1:9 - DIOSPA QHELQACHISQ

⁹ Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

Qheshwa Biblia DC

⁹ Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

DIOSPA QHELQACHISQAN DEUTEROCANONICAL

⁹ Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

Quechua South Bolivia: Dios Parlapawanchej

⁹ Juchasninchejta Diosman sut'ita willacusunman chayrí, juchasninchejta khechuspa konkapun payman allinyaskas cananchejpaj. Imaraycuchus payka chekan, niskantataj junt'ajpunimin. Tucuy sajra cayninchejmanta mana allin ruwaskasninchejmantapis llimphuchawashanchej.

1 Juan 1:9 ပူးပေါင်းရင်းမြစ်များ

1 Reyes 8:30

Kay Templo qhawarisqa, noqa kamachiykej mañakusqayta, Israel aylluykej mañakusqantapis uyariy ari. Janaj pachapi tiyakunki, chaymantapacha uyariwayku, juchaykutataj pampachay.

1 Reyes 8:47

Paykunataj maypichus preso kashaspa, yuyayninkuman churakunkuman, chantá qanman kutirikamuspa, chaypitaj mañakuspa nisunkuman: Noqayku juchalliyku, mana allin kajta ruwaspa. Juchayojpuni kayku, nispa.

Nehemías 1:6

Kunanqa, mañarikuyki uyarinawaykita tuta p'unchay israelitakunarayku mañakususqayta. Noqayku yachakuyku contraykipi juchallisqaykuta. Aylluykunapis, noqapis juchalliyku.

Salmos 19:12

12 (13) Pitaj pantasqanmanta reparakuyta atinmanri? Qhespichiway Tata Dios, mana reparakuspalla juchallisqaymanta.

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

Éxodo 34:7

Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Isaías 45:21

Qankuna allinta parlaychej. Ruwasqaykichejmanta sumajta rimanakuspa, imatachus ninaykichejta wakichikuychej. Pitaj qallariymantapacha chay imakunata ruwarqari? Pitaj unaymantapacha chay imakunata willanri? Manachu Noqa Tata Dios chay imakunamanta willarqaykichej? Noqamanta jawaqa mana waj dios kanchu. Noqalla cheqanta ruwaj Dios, qhespichejtaj kani. Noqamanta jawaqa manapuni ujpis kanchu.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 33:8

Paykunata contraypi tukuy mana allin ruwasqankumanta llimphuchasaj, jinallataj contraypi oqharikuspa tukuy juchallisqankutapis pampachallasajtaj.

Lamentaciones 3:23

Sapa paqarin mosojyan. Tata Diosníy, nisqaykita junt'ajpuni kanki.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 37:23

Manañataj millay lantikunata yupaychaspa ch'ichichakonqankuchu, nitaj millayta ruwanqankuchu, nillataj contrayta oqharikonqankuchu. Noqa paykunata kacharichisaj, maypichus juchallikorqanku, chay cheqamanta, paykunatataj llimphuchasaj. Ajinamanta aylluy kanqanku, noqataj paykunaj Diosninku kasaj.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

San Mateo 3:6

Chay runakunataj juchankuta rimarejtinku, Juanqa Jordán mayupi paykunata bautizaj.

Marcos 1:5

Jinapi ashkha runakuna tukuy Judea jap'iymanta, Jerusalén llajtamanta ima Juanta uyarej jamorqanku. Paykunataj juchankuta rimarispa, Jordán mayupi Juanwan bautizachikorqanku.

San Lucas 22:57

Pedrotajrí nerqa: Mana payta rejsinichu, nispa.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

Hechos 19:18

Chaypachallataj Jesuspi ashkha atinikojkunapis jamuspa, tukuypa uyarinanta willakorqanku ñawpajta millay ruwasqankumanta.

Romanos 3:26

Chayta ruwarqa rejsichinanpaj kunan p'unchay imaynatachus pitapis cheqan runapaj qhawasqanta. Payqa cheqan kajta ruwaj kasqanrayku Jesuspi atinikojkunata cheqanpaj qhawasqa runaman tukuchin.

1 Corintios 1:9

Dios imatachus nisqanta junt'anpuni, paytaj Churin Jesucristo Kamachejninchejwan ujchasqa kawsanaykichejpaj wajyasorqachej.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

Efesios 5:26

Chayta Cristo ruwarqa Iglesian juchamanta t'aqasqa llimphu kananpaj, simi nisqanwan mayllaspataj, yakuwan jina llimphucharqa.

Deuteronomio 7:9

Chayrayku yachaychej ari, Tata Diosniykichejqa pay k'atalla cheqa kaj Dios kasqanta. Yachallaychejtaj payqa, pikunachus payta munakojkunawan, kamachisqantataj junt'ajkunawan ima, may chhika miraykama trato ruwasqanta junt'aj kasqanta.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 10:23

Ajinaqa noqanchej imatachus Dios ruwananta suyakushanchej, chaymanta mana iskayrayaspa, sinch'ita ch'ipakunachej, imaraykuchus Diosqa nisqanta junt'anqapuni.

Hebreos 11:11

Sarapis mana wawa rejsiyta atej karqa, chantá payañataj. Chaywanpis Diospi atinikusqanrayku wawata rejsinanpaj kallpata jap'erqa, imaraykuchus Dios nisqanta junt'ananta tukuy sonqo jap'ikorqa.

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

Apocalipsis 15:3

Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.