1 Corintios 8:4 - DIOSPA QHELQACHISQ

⁴ Chantá, imatataj nisunman lantikunaman jaywasqa mikhunamantari? Yachanchej jina lanteqa mana imachu kay pachapeqa. Yachallanchejtaj uj k'ata Dioslla kasqanta.

Qheshwa Biblia DC

⁴ Chay mikhunata lantikunaman jaywasqamantaqa, yachanchej jina, lanteqa mana imachu kay pachapeqa. Yachallanchejtaj uj k'ata Dioslla kasqanta.

DIOSPA QHELQACHISQAN DEUTEROCANONICAL

⁴ Chantá, imatataj nisunman lantikunaman jaywasqa mikhunamantari? Yachanchej jina lanteqa mana imachu kay pachapeqa. Yachallanchejtaj uj k'ata Dioslla kasqanta.

Quechua South Bolivia: Dios Parlapawanchej

⁴ Cunan jaywaska miqhunamanta: Yachanchejjina chay waj dioska mana imapischu ruwaskalla caskanraycu. Astawanpis Dioska ujllamin.

1 Corintios 8:4 ပူးပေါင်းရင်းမြစ်များ

Salmos 86:10

Ajinata ruwanqanku, imaraykuchus qanllamin atiyniyoj Dios kanki, manchayta t'ukuna imakunatataj ruwanki.

Isaías 37:16

Tukuy Atiyniyoj Tata Dios, Israelpa Diosnin, querubinkunaj chawpinkupi tiyakoj Dios, kay pachapi kaj chhika suyukunaj Diosninku. Qanmin ruwarqanki janajta, kay pachatawan.

Isaías 37:20

Kunanrí Tata Diosniyku, asiriokunaj makinmanta kacharichiwayku ari, ajinamanta kay pachapi kaj chhika suyukuna yachanankupaj qan k'atalla Tata Dios atiyniyoj Dios kasqaykita, nispa.

Isaías 41:24

Chaywanpis qankuna lantikuna, mana imachu kankichej, manallataj imatapis ruwayta atinkichejchu. Chayrayku qankunata yupaychajkuna qhesachasqa, pisipaj qhawasqataj kanku, nispa.

Isaías 44:24

Manaraj paqarikushajtiyki, Tata Dios ruwasorqaña, chaymantataj pagaspa kacharichisorqa, paytaj ajinata nin: Noqamin tukuy imata ruwaj Tata Dios kani. Noqalla janajta jatunman aysarqani. Kay pachata ruwashajtiy, mana pipis noqawanchu kasharqa.

Isaías 44:6

Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

Isaías 45:14

Chantá Tata Dios israelitakunaman nillantaj: Egipto suyumanta campo runakunata, Etiopiamanta ranqherokunata ima kamachinkichej. Jinallataj Sabá cheqamanta jatunkaray runakuna qankunaman k'umuykusonqanku, jinataj wata runaykichej kanqanku. Qhepaykichejta cadenawan watasqa jamonqanku. Ñawpaqeykichejman qonqoriykukuspataj, nisonqachej: Cheqapuni Diosqa qankuna ukhupi kashan, chay Diosmanta jawataj mana waj dios kanchu, nispa.

Isaías 45:5

Noqamin Tata Dios kani. Noqamanta jawaqa mana waj dios kanchu. Qan mana rejsishawajtiykipis, noqa qanta maqanakunaykipaj sumajta wakichiyki.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Jeremías 10:14

Tukuy runarí mana yuyayniyoj, wamputaj kanku. Lantikunata ruwajkunaqa p'enqakuymanta uyankuta mana mayman churayta atenqankuchu. Lantikuna qhasi manakaj q'otiriyolla kasqankurayku, mana kawsayniyojchu kanku.

Marcos 12:29

Jesustaj kuticherqa: Tukuy kamachisqakunamantaqa kaymin aswan kuraj kajqa: Israel, uyariy: Tata Diosninchejqa uj k'ata Diosmin.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Hechos 19:26

Chaywanpis qankuna rikushankichej, uyarishankichejtaj, imaynatachus Pablo tukuyman yuyayta qosqanta: Runaj makinwan ruwasqaqa mana dioskunachu kanku, nispa. Paytaj ashkha runaj sonqonta tijrachishan, mana Éfeso llajtallapichu, manachayqa tukuy Asiantinpi.

1 Corintios 8:1

Kunanqa lantikunaman jaywasqa mikhunamanta tapuwasqaykichejman kutichiyta munani. Tukuyninchej kaymanta yachanchejña. Chaywanpis yachayniyoj kanaqa may kasqanchejta yuyachiwanchej. Munakuyniyoj kanarí iglesiata kallpachan.

1 Corintios 8:10

Nisunman: Qan chayta yachashaspa, lanti yupaychana wasipi mikhoj tiyaykurikuwaj. Sichus jinallaman pisi kallpa wawqeyki mikhushajta rikusunkiman chayqa, manachu paypis lantikunaman jaywasqa mikhunata mikhuyta munallanmantaj?

1 Corintios 8:11

Ajinaqa, lantikuna mana imachu kasqankuta yachashaspa qan mikhusqaykirayku, pisi kallpa wawqeyki Diosmanta karunchakunman, piraykuchus Cristo wañorqa, chay.

Gálatas 4:8

Ñawpajta qankuna manaraj Diosta rejserqankichejchu. Chaypachataj mana dioschu kanku, chaykunaj wata runan karqankichej.

Efesios 4:6

Diospis uj k'atalla tiyan, paytaj tukuypa Tatanchej. Payllataj tukuyta kamachin, jinataj tukuy noqanchejnejta munasqanta ruwan, tukuypitaj kashan.

Deuteronomio 3:24

Tukuyta Kamachej Tata Diosníy, kamachiyki kani, qantaj may jatun kayniykita, jinataj may jina atiyniyoj kasqaykitawan rikuchiwayta qallarerqanki. Mana janaj pachapi, nitaj kay pachapipis qan jina waj dios kanchu, chay jina t'ukunata ruwajqa.

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.

Deuteronomio 4:35

Tata Dios chaykunata rikuchisorqachej, paylla cheqapuni Dios kasqanta yachanaykichejpaj, paymanta jawataj waj dios manapuni kasqanta.

Deuteronomio 4:39

Chayrayku kunanqa yachaychej, sonqoykichejpitaj unanchaychej, janaj pachapi, kay pachapipis Tata Dioslla Dios kasqanta. Paymanta jawaqa mana waj diosqa kanchu.

Deuteronomio 6:4

Israelitakuna, uyariychej: Diosninchejqa Tata Diosmin, pay k'atalla Diosqa.

1 Timoteo 1:17

Chayrayku wiñaypaj Kuraj Kamachej Dios yupaychasqa, jatunchasqataj kachun. Payqa mana jayk'aj wañunchu, mana rikukoj, uj k'ata Dios wiñay wiñaynintinpaj. Ajina kachun.

1 Timoteo 2:5

Uj k'atalla Dios tiyan, jinallataj Dioswan runakunata allinyachiyta atej runapis uj k'atalla, chaytaj Cristo Jesús.

Judas 1:25

Tukuyta Kamachej Jesucristonchejnejta uj k'ata Qhespichej Dios jatunchasqa kachun, yupaychasqataj. Chantá pay wiñay wiñaynintinpaj jatun atiyniywan tukuy imapi kamachichun. Ajina kachun.