1 Corintios 5:8 - DIOSPA QHELQACHISQ

⁸ Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.

Qheshwa Biblia DC

⁸ Chayrayku, kunanqa ruwaychej Pascuataqa sumaj sonqowan, cheqa kajwan. Chaykunamá mana levadurayoj t'anta jina kanku; astawanqa ruwana tukuy sonqowan, cheqan yuyaywantaj.

DIOSPA QHELQACHISQAN DEUTEROCANONICAL

⁸ Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.

Quechua South Bolivia: Dios Parlapawanchej

⁸ Ajinaka pascuanchejta ruwanachej ama mauc'a causaypa levaduranwanchu, nitaj sajra ruwanaj levaduranwanchu. Manachayrí mosoj causayninchejpi c'acha sonkowan pascuanchejta ruwanachej.

1 Corintios 5:8 ပူးပေါင်းရင်းမြစ်များ

Salmos 32:2

Kusikuyniyojmin, Tata Diospa mana juchachasqan runaqa, pejpa sonqonpichus q'otiyayta yuyana mana kanchu, chay runa.

Salmos 42:4

4 (5) Kaymanta yuyarikuspa, llakikuywan waqarikuni. Yuyarikuni imaynatachus ashkha runawan rispa, paykunata Diospa Templonkama pusasqayta kusiymanta qhaparispa, yupaychaspa ima. Chaypachamá jatun raymipi kusikuy karqa.

Éxodo 12:15

Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Éxodo 12:19

Qanchis p'unchayta wasiykichejpi mana levadura kananchu tiyan. Sichus pipis levadurayojta imatapis mikhunman chayqa, pay israelitakuna ukhumanta wijch'usqa kanqa, Israel llajtayoj kachun, chayrí waj llajtayojpis.

Éxodo 12:8

Chay ch'isitaj aychata kankaspa, jaya qhorayojta, chantá mana levadurayoj t'antatawan ima mikhunkichej.

Éxodo 13:6

Qankuna mana levadurayoj ruwasqa t'antataqa qanchis p'unchayta mikhunkichej, qanchis kaj p'unchaypitaj Tata Diospaj raymita ruwankichej.

Éxodo 13:7

Qanchis p'unchayta mana levadurawan ruwasqa t'antata mikhunkichej. Chaypachataj tukuy llajtaykichejkunapi mana levadura kananchu tiyan, ni levadurawan ruwasqa t'antapis.

Isaías 25:6

Chaypachataj Tukuy Atiyniyoj Dios Sión orqopi tukuy suyupaj jatun mikhuyta wakichenqa misk'i mikhuykunawan, sumaj kaj vinowan ima. Chantá sumaj kaj aycha mat'akunata mikhuchenqa, aswan sumaj poqosqa vinotawan ujyachenqa.

Isaías 30:29

Qankuna Diospa ayllunmanta kajkunapajrí takiykuna kanqa, Pascua jatun raymi ch'isipi jina. Sonqoykichejqa kusisqa kanqa, imaynatachus qenata tocarej runaqa israelitakunata Tata Diospa orqonman kusiywan pusan israelitakunaj pakakunanku Tata Diosta jatunchanankupaj, ajina.

Levítico 23:6

Chay kikin killallapitaj chunka phishqayoj p'unchayta Tata Diospa sutinpi Mana Levadurayoj T'anta mikhuna raymita ruwallankichejtaj. Qanchis p'unchayta mana levadurayoj t'antata mikhunkichej.

San Mateo 16:12

Chaymantaña yachachisqankunaqa yuyayninkuman churakorqanku Jesusqa mana t'anta ruwana levaduramantachu parlashasqanta, manachayqa fariseokunaj, chantá saduceokunaj yachachisqankumanta.

San Mateo 16:6

Chaypachallataj Jesús nerqa: Allinta qhawakuspa, karunchakuychej fariseokunaj levadurankumanta, saduceokunajmantawan, nispa.

Marcos 8:15

Jinapi, Jesús paykunata ajinata k'amerqa: Allintapuni qhawakuychej fariseokunaj levadurankumanta, jinallataj Herodespa levaduranmantapis, nispa.

San Lucas 12:1

Waranqa waranqa runakuna Jesusman tantakamorqanku, anchata k'iskikamuspataj, sarunakusharqanku. Jesustaj ñawpajta yachachisqankunata nerqa: Sumajta qhawakuychej fariseokunaj levadurankumanta. Chay niyta munan puraj uya kayninkumanta.

San Juan 1:47

Chantá Jesús Natanaelta payman qayllaykushajta rikuspa, nerqa: Kay runaqa israelitapuni, imaraykuchus payqa mana pitapis q'otiyanchu, nispa.

1 Corintios 3:3

imaraykuchus Diosman mana kutirikojkuna imaynatachus purinku, jinallataraj purishankichej. Qankuna ukhupi qhawanakuykuna, churanakuykuna, t'aqanakuykuna ima tiyan. Chaykunata ruwaspaqa, qankuna manapis Diosta qhatejkunachu kawajchej jina ruwashankichej, Diosman mana kutirikojkuna jinataj yuyashankichej.

1 Corintios 5:1

Kunantaj kaymantañataj parlayta munaykichej: Qankunamanta ujniykichej tatanpa warminwan tiyakapushasqanmanta yachakun. Chay jina millaytaqa Diosman mana kutirikojkunapis mana ruwankuchu.

1 Corintios 5:6

Chay jina ruwajta qhawakuspalla runaykachasqaykichejqa manapuni allinchu. Manachu yachankichej juchaqa tukuyman chimpaykusqanta, imaynatachus pisi levaduralla tukuy masata poqochin, ajinata?

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

2 Corintios 2:17

Mana noqaykoqa wakinkuna jinachu kayku, pikunachus Diospa simi nisqanta q'ewispa parlanku, chaykuna jina. Aswanpis noqayku Diospa kachasqankuna jina, ch'uwa sonqowan Diospa ñawpaqenpi cheqan kajta parlayku, Cristowan ujchasqa kasqaykurayku.

2 Corintios 8:8

Chayta nispaqa, noqa mana kamachishaykichejchu imatachus ruwanaykichejta. Manachayqa yachanaykichejta munani, imaynatachus ujkuna tukuy sonqo yanapanankupaj qolqeta qoshanku, chaymanta. Ajinamanta qankuna reparakuyta atinkichej imayna munakuywanchus wajkunata yanapanaykichejpaj qoshasqaykichejta.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

Deuteronomio 16:16

Tata Diosniykichejpa ñawpaqenpi tukuy qharikuna watapi kinsa kutita rikhurenqanku, may cheqatachus Tata Dios ajllakonqa, chaypi. Kay raymikunapi rikhurinanku tiyan: Mana Levadurayoj T'anta nisqa raymipi, Semana nisqa raymipi, Ch'ujlla Ruwana nisqa raymipi ima. Chay raymikunapeqa mana pipis ch'usaj makillaqa Tata Diosman renqachu.

Deuteronomio 16:3

Uywa ñak'asqaj aychantaqa mana levadurayoj t'antatawan mikhunkichej. Mana levadurayoj t'antata qanchis p'unchayta mikhunkichej, imaraykuchus chay t'anta niyta munan “ñak'ariy t'anta”. Qankunaqa Egiptomanta usqhay usqhayta llojsimorqankichej, chayrayku kawsanaykichejkama mayk'ajchus Egiptomanta llojsimusqaykichejta yuyarikunkichej.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

1 Pedro 4:2

Ajinaqa kay pachapi kawsanaykichejkamaqa manaña sonqoykichejpa munasqanman jinachu kawsankichej, manachayqa imata jina Diospa munasqanta ruwaspa kawsankichej.