1 Corintios 5:1 - DIOSPA QHELQACHISQ

¹ Kunantaj kaymantañataj parlayta munaykichej: Qankunamanta ujniykichej tatanpa warminwan tiyakapushasqanmanta yachakun. Chay jina millaytaqa Diosman mana kutirikojkunapis mana ruwankuchu.

Qheshwa Biblia DC

¹ Cheqamanta qankuna ukhupi qhenchachakuy kasqan uyarikun. Chay jina qhenchachakoyqa gentilespurapipis mana kanchu. Uj runa qankuna ukhupi tatampa warminwan kashan.

DIOSPA QHELQACHISQAN DEUTEROCANONICAL

¹ Kunantaj kaymantañataj parlayta munaykichej: Qankunamanta ujniykichej tatanpa warminwan tiyakapushasqanmanta yachakun. Chay jina millaytaqa Diosman mana kutirikojkunapis mana ruwankuchu.

Quechua South Bolivia: Dios Parlapawanchej

¹ Tucuyña uyarishancu kancuna chaupipi khenchachacuy caskantaka. Cayjina khenchachacuyka mana canchu ni chay mana Diosta rejsejcuna uqhupipis. Uyaricun tatanpa warminwan uj tiyacushaskan.

1 Corintios 5:1 ပူးပေါင်းရင်းမြစ်များ

Génesis 35:22

Uj kutirí chaynejpi Israel tiyakushajtin, kuraj kaj churin Rubén Bilawan puñuykorqa. Bilaqa tatanpa ujnin warmin karqa. Jacobtaj chayta yachaspa, maytapuni phiñakorqa. Jacobpata churinkuna chunka iskayniyoj karqanku.

Génesis 37:2

Jacobpa ayllun kay jinata kawsarqanku. Chaypacha Joseqa chunka qanchisniyoj watayoj karqa. Paytaj Jacob tatanpa ujnin warmin Biláj churinkunawan chantá Jacobpa ujnin warmin Zilpaj churinkunawan ima ovejata michej karqa. Josetajrí wawqenkunaj mana allin ruwasqankuta tatanman willaj.

Génesis 49:4

Chaywanpis kunanqa manaña kuraj kaj jina maypaj qhawasqachu kanki, imaraykuchus qan mana sayachiy ashkha yaku rishaj jina kanki. Qanqa ujnin warmiywan puñuykorqanki, ajinamantataj puñunayta ch'ichichaspa, manakajpaj qhawawarqanki.

2 Samuel 16:22

Chantá altopata wasi patiopi uj toldota Absalonpaj churaporqanku, chaypitaj tukuy Israel ayllu rikunanta, tatanpa waj warminkunawan puñuykakaporqa.

2 Samuel 20:3

Davidqa Jerusalenpi kamachinan wasiman kutipuspa, kamachinan wasi qhawajkuna chunka waj warminkunata, uj wasiman wisq'aykucherqa, soldadokunawan qhawachispa. Chaypitaj paykunata mikhuchillarqapuni. Chaywanpis manañataj ujtawan paykunawanqa puñuykorqachu. Ajinata chay warmikunaqa wisq'asqa qhepakorqanku warmisapa jina wañupunankukama.

1 Crónicas 5:1

Rubenqa Israelpa kuraj kaj churin karqa. Chaywanpis tatanpa ujnin kaj warminwan puñuykusqanrayku, kuraj kaj churi jina jap'inanta Israelqa churin Joséj churinkunaman qorqa. Chayrayku Rubenqa manaña kuraj kaj churi jina yupasqachu karqa.

Jeremías 2:33

Waynaykikunata mask'ayta sumajta yachanki. Phisu warmikunamanpis chay millay ruwasqaykita yachachinki.

Ezequiel 16:47

Qantaj paykunamanta yachakuspa purerqanki, paykuna jina millachikunapaj ruwaspa. Chaywanpis mana sajsaspa, paykunamanta aswan millaytaraj ruwarqanki.

Ezequiel 22:10

Wakinkunaqa tatankoj warminwan khuchichakunku, wakinkunataj warminku killa yawarninpi kashajtinpis, paywan puñuykunku.

Levítico 18:8

Ama tataykej warminwan puñuykuspa, tataykita pisipaj qhawankichu.

Levítico 20:11

Sichus pillapis tatanpa warminwan puñuykapuspa, tatanta p'enqaypi rikhurichinman chayqa, chay qhari, jinallataj warmipis wañuchisqa kanqanku. Wañuchisqa kanankupajqa paykunalla juchayoj kanqanku.

Amós 2:7

Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Hechos 15:29

Ama lantikunaman jaywasqa aychata mikhuychejchu, nitaj yawarta, nillataj jeq'eqasqa chayrí sipisqa uywakunaj aychantapis. Amallataj khuchichakuychejchu. Chaykunamanta karunchakuspa, allinta ruwankichej. Tinkunakama kachun, nispa.

1 Corintios 1:11

Munasqa wawqe panakuna, chayta nini, imaraykuchus Cloejpa ayllunmanta kajkuna willawarqanku qankuna ukhupi jap'inakuy kasqanta.

1 Corintios 5:11

Manachayqa noqa chay cartapi niyta munarqaykichej ama kawsakunaykichejta ni mayqen runawan: Noqaqa Cristota qhatikoj nishaspa khuchiriyopi purejwan, chayrí mich'a kajwan, chayrí lanti yupaychajwan, runa masinpaj sajrata rimajwan, chayrí machaykojwan, suwakojwan ima. Chay jina purejkunawan ama mikhullaychejpischu.

1 Corintios 6:13

Jinallataj ninkichej: Mikhunaqa wijsapaj, wijsataj mikhunata jap'inapaj, nispa. Chayqa jinapuni. Diostajrí, iskayninta chinkachenqa. Chaywanpis qankunaqa mana niyta atinkichejchu ukhuykichejqa khuchiriyopi purinapaj kasqanta. Manachayqa ukhuykichej ruwasqa karqa Tukuyta Kamachej Jesuspa munasqanta ruwanaykichejpaj, imajtinchus runaj ukhonqa paypajtamin.

1 Corintios 6:18

Chayrayku qankuna khuchichakuspa purinamanta ayqeychej. Millay khuchiriyopi purina waj juchamanta nisqaqa runaj ukhunpaj astawan llakiyta apamun.

1 Corintios 6:9

Manachu yachankichej mana cheqan kajta ruwajkunaqa Diospa kamachiyninman mana yaykunankuta? Ama q'otiyachikuychejchu: Khuchichakuypi purejkuna, lantikunata yupaychajkuna, warminkuta qosankuta wasanchaspa wajwan khuchichakojkuna, qhari kashaspa warmiman tukojkuna, qharipura jinanakojkunapis Diospa kamachiyninman mana yaykonqankuchu.

2 Corintios 12:21

Manchachikullanitaj, qankunaman watukoj kutimojteyqa, Tata Dios qankunaj ñawpaqeykichejpi p'enqaypi rikhurichinawanmanta. Ichapis waqanay kanqa, pikunachus unayña juchallinku, manataj Diosman kutirikunkuchu, chaykunamanta. Paykuna mana Diosman kutirikunkuchu ch'ichi kawsayninkumanta, khuchichakuspa qhenchachakusqankumanta, munasqankuta ruwaspa kawsasqankumanta ima.

2 Corintios 2:5

Sichus pipis noqata llakichiwarqa chayqa, mana noqallatachu llakichiwarqa, aswanpis tukuy qankunatapis llakichillasorqachejtaj. Ajinata nispaqa, maychus kasqallanta nishani.

2 Corintios 7:12

Ajinaqa cartata qhelqamushaspa, noqa mana chay juchallikojpichu yuyasharqani, nitaj pejpa contranpichus juchallikorqa, chay runapichu. Aswanpis qhelqamorqaykichej, qankuna Diospa ñawpaqenpi reparakunaykichejpaj noqaykurayku imaynatachus phutikusqaykichejta.

Gálatas 5:19

Juchallinaman aysaj sonqoj ruwayta munasqanqa kaykuna kanku: Khuchichakuy, ch'ichi kawsay, millay puriy, khuchiriyopi puriyta munapayay,

Efesios 5:3

Qankuna ukhupirí khuchiriyopi purina ama kachunchu, nillataj millay kawsay, chayrí qolqemanta wañusqa kana ima. Chay jinata juchallispa purinaqa Diospa ayllun ukhupi mana kananchu.

Deuteronomio 22:30

30 (23.1) Ni pipis tatanpa warminwan puñuykonqachu, ama tatanta p'enqaypi rikhurichinanpaj.

Deuteronomio 27:20

Nillanqankutaj: Maldicisqa kachun tatanpa warminwan pichus puñuykojqa, tatanta p'enqaypi rikhurichisqanrayku, nispa. Tukuy israelitakunataj nenqanku: Ajina kachun, nispa.

Colosenses 3:5

Chayrayku ari, ñawpa kawsaypi ima millaytachus ruwaj kankichej, chay munanata wañuchiychej: Amaña khuchichakuspa puriychejchu, nitaj millay kajta ruwaychejchu, nillataj sonqoykichejpa sajra munayninwan, nitaj mana allin kajta munanawan atipachikuychejchu. Jinallataj ama qolqemanta wañusqa kaychejchu, imajtinchus chayqa lantita yupaychaywan ninakun.

1 Tesalonicenses 4:7

Diosqa mana millayta ruwaspa purinapajchu wajyawarqanchej, manachayqa juchamanta t'aqasqa kaspa, Diospa munasqanman jina kawsananchejpaj.

Apocalipsis 2:21

Noqa unayta suyarqani Jezabelqa watej noqata kasuwaspa purinanta. Paytajrí mana munanchu khuchichakuspa purinata saqeyta.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

1 Samuel 2:24

Wawaykuna, manapuni walejchu Tata Diospa ayllun ukhupi chay jinata qankunamanta parlasqankoqa.