1 Corintios 4:8 - DIOSPA QHELQACHISQ

⁸ Qankunajtaqa tukuy imatachus munasqaykichej tiyapusunkichejña, qhapajñataj kankichej, jinataj kuraj kamachejkuna jina mana noqallaykuwan kamachishankichej. Walej kanman cheqapuni kuraj kamachejkuna jina kamachinaykichej, noqaykupis qankunawan khuska kamachinaykupaj.

Qheshwa Biblia DC

⁸ Qankunaqa sajsasqaña kankichej, qhapajñataj kankichej, reyes jina mana noqallaykuwan kamachishankichej. Jina kanman chayqa, walej kanman cheqamanta kamachinaykichej, noqaykupis qankunawan khuska chay reinopi kanaykupaj!

DIOSPA QHELQACHISQAN DEUTEROCANONICAL

⁸ Qankunajtaqa tukuy imatachus munasqaykichej tiyapusunkichejña, qhapajñataj kankichej, jinataj kuraj kamachejkuna jina mana noqallaykuwan kamachishankichej. Walej kanman cheqapuni kuraj kamachejkuna jina kamachinaykichej, noqaykupis qankunawan khuska kamachinaykupaj.

Quechua South Bolivia: Dios Parlapawanchej

⁸ ¡Kancunaka rijch'acunquichej sajsaskasmanña, mosoj causaypi khapajyachiskasmanñataj rijch'acapunquichej! ¡Mana nokaycullawan camachishanquichejña! ¡Munayman Dioswan camachishanayquichejta, nokaycupis kancunawan cusca camachiyta atinaycupaj!

1 Corintios 4:8 ပူးပေါင်းရင်းမြစ်များ

Proverbios 13:7

Wakinkunaqa mana imayoj kashaspapis, qhapajpis kankuman jina kawsanku. Wakinkunatajrí tukuy imayoj kashaspapis, wajchapis kankuman jina kawsanku.

Proverbios 25:14

Pichus: Qosqayki, nishaspa mana imatapis qonchu, chay runaqa rijch'akun wayraj apasqan phuyuman, mayqenchus mana paranchu, chayman.

Isaías 5:21

Imallachus kanqa qankunawan yachaysapaman tukojkuna, may yuyayniyoj kasqaykichejta yuyakojkuna.

Jeremías 28:6

Arí, may allinchá kanman ajinata Tata Dios ruwajtenqa. Tata Dios sut'inchasqayki junt'akunanta munachun, Diospa Templonpi kaj imakunata kutichimpunankupaj, jinallataj Babiloniaman apasqa kajkunatapis kutichimpunankupaj.

Números 11:29

Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

San Mateo 5:1

Uj p'unchay Jesús ashkha runata jamushajta rikuspa, uj orqoman wicharerqa. Chaypi tiyakushajtintaj, yachachisqankuna payman qayllaykorqanku.

San Lucas 6:25

Ay, mikhunawan sajsasqa kajkuna, qankunawanqa imallachus kanqapis, imaraykuchus qhepaman sinch'ita yarqhachikunkichej. Ay, kunan asikojkuna, qankunawanqa imallachus kanqa, imaraykuchus qhepaman sinch'ita llakikunkichej, waqankichejtaj.

Hechos 26:29

Pablotaj kuticherqa: Manaraj imapipis, chayrí unaymantawanpis Dios munachun noqa jina Jesuspi atinikoj kanaykichejta, mana qanllachu, manachayrí tukuy uyariwajkuna ima. Chaywanpis mana munaymanchu noqa jina cadenawan watasqa kanaykichejta, nispa.

Romanos 12:3

Dios k'acha kayninpi kay ruwanata qowasqanrayku, noqa sapa ujniykichejta niykichej: Ama qankuna may sumaj kasqaykichejta yuyakuychejchu. Manachayqa sapa uj paymanta maychus kasqallanta yuyachun, imaynatachus Dios sapa ujman atiyta qosqanman jina.

1 Corintios 1:5

Jesucristonejta Diosqa qankunata tukuy imapi qhapajyachisunkichej, sumajta parlayta yachanaykichejpaj, yachayniyoj kanaykichejpaj ima.

1 Corintios 4:18

Qankunamanta wakin mayta wapuykachashankichej, yuyaspa noqa qankunata watukoj manaña kutimunayta.

1 Corintios 5:6

Chay jina ruwajta qhawakuspalla runaykachasqaykichejqa manapuni allinchu. Manachu yachankichej juchaqa tukuyman chimpaykusqanta, imaynatachus pisi levaduralla tukuy masata poqochin, ajinata?

2 Corintios 11:1

Walej kanman, qankuna manapis yuyayniypichu kashayman jina parlasqayta awantarinawaykichej. Arí, pacienciawan awantariwaychej.

2 Corintios 13:9

Chayrayku noqayku pisi kallpa kasqaykumanta kusikuyku, sichus qankuna chaynejta kallpachasqa kankichej chayqa. Jinallatataj noqayku Dioswan parlarikuspa, mañarikuyku qankuna wiñay tukusqa kanaman chayanaykichejpaj.

Gálatas 6:3

Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.

Filipenses 1:27

Kayta niykichej: Qankuna allinta puriychej Cristomanta sumaj willayta allinpi rikhurichinaykichejpaj jina. Ajinapi noqa watukoj jamuspapis, chayrí karupi kashaspapis, qankuna sinch'ita sayashasqaykichejta uyariyta munani, jinallataj uj sonqolla kashasqaykichejta. Chantá uyariyta munallanitaj khuska Jesusmanta sumaj willayta mana sayk'uspa willashasqaykichejta.

Filipenses 2:12

Munasqa wawqe panakuna, noqa qankunawan kashajtiy, qankuna kasuwajpuni kankichej. Kunanrí qankunamanta karupi kashajtiy, astawanraj kasunawaykichej tiyan. Chayrayku atisqaykichejta ruwaychej qhespichisqa kasqaykichej imatachus ruwasqanta rikuchinaykichejpaj Diosta kasuspa, chantá payta may jatun respetowan qhawaspa ima.

Apocalipsis 3:17

Qanqa nishanki: Noqaqa qhapaj kani, tukuy imayoj, manataj imamantapis pisinichu, nispa. Jinapis mana reparakunkichu khuyana kasqaykita, mana imayoj, wajcha, ñawsa, q'alallataj.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.