1 Corintios 4:7 - DIOSPA QHELQACHISQ

⁷ Imaraykutaj qan yuyakunki aswan sumaj kasqaykita ujkunamanta nisqari? Chayrí imataj tiyapusunki mana Diospa qosusqan? Paychus qosunki chayrí, imaraykutaj runaykachanki qan kikiykipis tariwaj karqa jinari?

Qheshwa Biblia DC

⁷ Pitaj qanta allimpi rikuchisunki, wajkunamanta astawan? Chayrí imataj tiyapusunki mana Diospa qosusqan? Pay qosunki chayri, imaraykutaj wapuykachanki manapis Diosmanta jap'iwajchu karqa jina?

DIOSPA QHELQACHISQAN DEUTEROCANONICAL

⁷ Imaraykutaj qan yuyakunki aswan sumaj kasqaykita ujkunamanta nisqari? Chayrí imataj tiyapusunki mana Diospa qosusqan? Paychus qosunki chayrí, imaraykutaj runaykachanki qan kikiykipis tariwaj karqa jinari?

Quechua South Bolivia: Dios Parlapawanchej

⁷ ¿Imaynatataj yuyanqui jatunchaska cashaskayquita ujcunamanta? ¿Manachu Dios kosorka tucuy jap'iskayquita? Sichus kosorka chayka, ama jatunchacuychu.

1 Corintios 4:7 ပူးပေါင်းရင်းမြစ်များ

Proverbios 2:6

Tata Diosmin yachaytaqa qon. Tukuy yachay, yuyayniyoj kaypis siminmanta llojsimun.

Ezequiel 29:3

Faraonman, runankunamanwan niy: Tukuyta Kamachej Tata Dios kay jinata nisunkichej: Egiptota kuraj kamachej faraón, qanqa sierpe jina mayuyki chawpipi winkuspa, nishanki: Nilo mayoqa noqajta, noqa ruwarqani, nispa. Chayrayku noqa Tata Dios contraykipi kashani.

Daniel (hebreo) 5:18

Kuraj kamachej Belsasar, Patapi Kaj Diosqa tatayki Nabucodonosorman kay suyuta, jatun atiyta, jatunpaj qhawasqa kayta ima qorqa.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

San Lucas 19:13

Manaraj rishaspa, chay runa chunka kamachinkunata wajyasqa, sapa ujmantaj qolqeta jaywarisqa: Kutimunaykama kay qolqetaqa mirachiychej, nispa.

San Juan 1:16

Simi Nisqa sutiyojpa may chhika k'acha kayninwan Diosqa kutin kutinta may jinata saminchawanchej.

San Juan 3:27

Chantá Juan kuticherqa: Runaqa mana imatapis jap'iyta atinmanchu, manachus Dios qonman chayqa.

Romanos 1:5

Noqaqa Jesucristonejta Diospa kachan kanaypaj ajllasqa kani, tukuy suyupi runakunaman willarajtiy, paypi creenankupaj, jinataj payta kasunankupaj.

Romanos 12:3

Dios k'acha kayninpi kay ruwanata qowasqanrayku, noqa sapa ujniykichejta niykichej: Ama qankuna may sumaj kasqaykichejta yuyakuychejchu. Manachayqa sapa uj paymanta maychus kasqallanta yuyachun, imaynatachus Dios sapa ujman atiyta qosqanman jina.

Romanos 12:6

Ajinaqa, Dios qhasilla k'acha yanapayninrayku tukuy imaymana rijch'aj ruwanapaj atiykunata qowanchej sapa ujman munasqanman jina. Chayrayku sichus pimanpis Diospa nisqanta sut'inchanapaj atiyta qon chayqa, pay Diospi atinikusqanman jina sut'inchachun.

1 Corintios 15:10

Chaywanpis, Diospa qhasilla k'acha yanapayninrayku Jesuspa kachan kani. Chay k'acha yanapaynintaj noqapaj mana qhasipajchu karqa, imajtinchus tukuy kuraj kachakunamanta nisqaqa noqa astawan Diospaj llank'arqani. Chaywanpis mana kallpallaywanchu llank'arqani, aswanpis Dios noqanejta k'acha yanapayninwan yanapawasqanrayku llank'arqa.

1 Corintios 3:5

Chaywanpis, pitaj Pablori? Pitaj Apolosri? Noqayku Diospa kamachinkunalla kayku, qankunataj noqaykunejta Jesucristopi atinikorqankichej. Chantá sapa ujniyku imatachus Tukuyta Kamachej Jesucristo kamachiwasqaykuman jina ruwarqayku.

1 Corintios 5:6

Chay jina ruwajta qhawakuspalla runaykachasqaykichejqa manapuni allinchu. Manachu yachankichej juchaqa tukuyman chimpaykusqanta, imaynatachus pisi levaduralla tukuy masata poqochin, ajinata?

1 Corintios 7:7

Noqa munayman mana warmiyojkuna, jinataj warmisapakuna noqa jina mana casaraspalla kakunankuta. Chaywanpis Diosqa sapa ujman imata ruwananpaj atiyta qon. Ujmanqa atiyta qon casarakunanpaj, ujmantaj atiyta qon mana casaraspalla kakunanpaj.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

1 Pedro 4:10

Sapa ujniykichejman Dios uj imata ruwanapaj atiyta qosorqachej, qankunataj chaywan ujkuna ujkunata yanapakuychej. Sumaj mayordomokuna jina Diospa imaymana k'acha yanapayninta allinta apaykachaychej.