1 Corintios 4:6 - DIOSPA QHELQACHISQ

⁶ Wawqe panakuna, tukuy kaykunata qankunaj allinniykichejpaj parlani. Chantá willarqaykichej noqawan, Apoloswan ima imaynachus kasqaykumanta, qankuna noqaykumanta yachakunaykichejpaj. Sichus qankuna Diospa Qhelqachisqanmanta nisqayta uyarinkichej chayqa, mana mayqenniykichejpis may kasqanta yuyaspa, ujman sayakunkichejchu nitaj ujkunata pisipaj qhawankichejchu.

Qheshwa Biblia DC

⁶ Hermanos, qankunata munakusqayrayku kay imasta willaykichej, noqamantawan Apolosmantawan yachakunaykichejpaj. Escribisqamanta astawanqa ama yuyaychejchu; pajtataj uj runarayku qankunapura qhesachanakuspa may wapus kawajchej.

DIOSPA QHELQACHISQAN DEUTEROCANONICAL

⁶ Wawqe panakuna, tukuy kaykunata qankunaj allinniykichejpaj parlani. Chantá willarqaykichej noqawan, Apoloswan ima imaynachus kasqaykumanta, qankuna noqaykumanta yachakunaykichejpaj. Sichus qankuna Diospa Qhelqachisqanmanta nisqayta uyarinkichej chayqa, mana mayqenniykichejpis may kasqanta yuyaspa, ujman sayakunkichejchu nitaj ujkunata pisipaj qhawankichejchu.

Quechua South Bolivia: Dios Parlapawanchej

⁶ Hermanosníy, cay imasta ricuchinatajinalla allinniyquichejpaj willayquichej. Nokamantawan Apolosmantawan yachacuychej Diospa palabranmanjinalla runasta khawayta. Ama kancunaka uj yachachejta jatunpaj khawaychejchu wajtataj manacajpajka.

1 Corintios 4:6 ပူးပေါင်းရင်းမြစ်များ

Salmos 146:3

Atiyniyojkunapi ama atinikuychejchu, imaraykuchus paykuna runalla kaspa, mana yanapayta atisonqachejchu.

Salmos 8:4

4 (5) Imataj runa kasqa paymanta yuyarikunaykipajri? Imataj runa kasqa payta cuentaman churanaykipajri?

Isaías 2:22

Chayrayku amaña runapi atinikuychejchu, Imataj runari? Runaj kawsaynenqa uj samay jinalla.

Hechos 18:24

Chaypacha Alejandriamanta Apolos sutiyoj uj judío Efesoman chayamorqa. Pay sumajta parlaj, Diospa Qhelqachisqantapis allinta yachaj.

Hechos 19:1

Corintopi Apolos kashajtin, Pablo orqorara cheqanejta rerqa Éfeso llajtaman chayanankama. Chaypitaj wakin wawqekunawan tinkorqa.

Romanos 12:3

Dios k'acha kayninpi kay ruwanata qowasqanrayku, noqa sapa ujniykichejta niykichej: Ama qankuna may sumaj kasqaykichejta yuyakuychejchu. Manachayqa sapa uj paymanta maychus kasqallanta yuyachun, imaynatachus Dios sapa ujman atiyta qosqanman jina.

1 Corintios 1:12

Qankunamanta wakin kay jinata nisqankichej: Noqa Pablota qhatini, nispa. Wakintaj: Noqarí Apolosta, nispa. Wakintaj nisqankichej: Noqaqa Cefasta, nispa. Wakintajrí: Noqaqa Cristota qhatikuni, nispa nisqankichej.

1 Corintios 1:19

Diospa Qhelqachisqanpi nin: Noqaqa yachayniyojkunaj yachayninkuta chinkachisaj, qhesachasajtaj yuyayniyojkunaj yuyayninkuta, nispa.

1 Corintios 1:31

Chayrayku Diospa Qhelqachisqanpi nin: Pillapis jatunchakuyta munajqa Tukuyta Kamachej Jesucristomanta jatunchakun, nispa.

1 Corintios 13:4

Pichus munakuyniyojqa pacienciayoj, k'achataj. Jinallataj mana envidiakunchu, nitaj may kasqanta yuyakunchu, nillataj runaykachanchu.

1 Corintios 3:19

Runaj yachaynenqa Diospaj qhasi manakaj. Diospa Qhelqachisqanpi nin: Diosqa yachayniyojkunata yachaynillankupitaj ch'ipaykun, nispa.

1 Corintios 3:21

Chayrayku ama pi runatapis qhatisqaykichejrayku runaykachaychejchu, imaraykuchus tukuy ima qankunajta:

1 Corintios 5:2

Qankunatajrí may kasqaykichejta yuyakushankichej. Manachu astawanqa chay jina millay ruwasqanmanta llakikunaykichej karqa? Manachu chay jina millayta ruwaj runataqa qankuna ukhumanta qharqonaykichej karqa?

1 Corintios 5:6

Chay jina ruwajta qhawakuspalla runaykachasqaykichejqa manapuni allinchu. Manachu yachankichej juchaqa tukuyman chimpaykusqanta, imaynatachus pisi levaduralla tukuy masata poqochin, ajinata?

1 Corintios 8:1

Kunanqa lantikunaman jaywasqa mikhunamanta tapuwasqaykichejman kutichiyta munani. Tukuyninchej kaymanta yachanchejña. Chaywanpis yachayniyoj kanaqa may kasqanchejta yuyachiwanchej. Munakuyniyoj kanarí iglesiata kallpachan.

1 Corintios 9:23

Noqa chay tukuyta ruwani ashkha runakuna Cristomanta sumaj willayta uyarinankupaj, jinallataj noqapis chay sumaj willay runapi imatachus ruwasqanmanta jap'inaypaj.

2 Corintios 10:12

Noqaykoqa mana kikinchakuyta atiykumanchu, pikunachus mayta jatunchakunku, chaykunawan. Chaywanpis paykuna kikinchakuspaqa, mana yuyayniyoj kasqankuta rikuchinku.

2 Corintios 10:15

Noqayku manallataj jatunchakuykuchu wajkunaj ruwasqankumanta noqaykojtapis kanman jina. Aswanpis mayta munashayku qankuna ukhupi astawan llank'ayta, Diospi atinikusqaykichejpi wiñasqaykichejman jina.

2 Corintios 10:7

Qankuna imatapis rijch'aynillanta qhawankichej. Sichus mayqenpis yuyan Cristojta kasqanta chayqa, yachachun noqaykupis Cristojta kasqaykuta.

2 Corintios 11:4

Chayta nini, imaraykuchus pipis jamuspa, noqayku willarqaykuña, chaymanta waj jina Jesusmanta willajtin, qankuna chay willasqanta jap'ikullankichej. Santo Espirituta jap'ikorqanchej chaypis, waj runa waj jina espiritumanta qankunaman willajtin, chaytapis jap'ikullankichejtaj. Kikillantataj pipis Jesuspa sumaj willayninmanta waj jinata yachachejtin, chaytapis jap'ikullankichejtaj.

2 Corintios 12:19

Ichapis qankuna yuyashankichej noqayku ñawpaqeykichejpi allinpi rikhuriyta munaspa kutichikushasqaykuta. Chayqa mana jinachu. Aswanpis noqayku Diospa ñawpaqenpi parlashayku, Cristojta kajkuna jina. Munasqa wawqe panaykuna, tukuy imata ruwayku qankunata yanapasunaykichejpaj, ajinamanta Cristopi astawan atinikunaykichejpaj.

2 Corintios 12:20

Noqa manchachikushani, qankunata watukoj jamuspaqa, ichá mana munasqayman jinachu qankunata taripanaymanta, nitaj qankunapis munasqaykichejman jinachu taripawanawaykichejmanta. Chantá manchachikullanitaj qankuna ukhupi churanakuykuna kananta, qhawanakuykuna, phiñanakuykuna, t'aqanakuykuna ima. Jinallataj kanman qhasimanta tumpanakuykuna, cuento apaykachaykuna, jatunchakuykuna, ch'ajwata sayarichiy ima.

2 Corintios 12:6

Jatunchakuyta munayman chaypis, mana wampuchu kayman, imaraykuchus cheqa kajta parlashani. Chaywanpis mana jatunchakusajchu, ama pipis rikuwaspa, chayrí uyariwaspa imachus kasqaymanta astawanraj yuyananpaj.

2 Corintios 4:15

Chayrayku chay tukuy imata ñak'ariyku qankunaj allinniykichejpaj. Ajinaqa Diospa qhasilla k'acha yanapaynin astawan ashkha runaman chayajtin, aswan ashkhallataj Diosman pachis nispa nenqanku, ajinamanta pay may jatunchasqa kananpaj.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

1 Tesalonicenses 1:5

Maypachachus Jesusmanta sumaj willayta qankunaman willarqayku chaypacha, mana parlaspallachu willarqayku. Manachayqa Diospa atiynin noqaykuwan kasharqa, jinataj Santo Espíritu noqaykunejta yachayta qosorqachej willasqayku cheqanpuni kasqanmanta. Qankuna yachallankichejtaj noqayku qankunawan kashaspa, imaynatachus allinniykichejta mask'aspa purisqaykuta.

2 Timoteo 2:10

Chayrayku, tukuy imata ñak'arispa awantashani Diospa ajllakusqankunata munakusqayrayku, paykunapis Cristo Jesusnejta qhespichisqa kayta, chantá wiñay kusiytawan tarinankupaj.