1 Corintios 4:5 - DIOSPA QHELQACHISQ

⁵ Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

Qheshwa Biblia DC

⁵ Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

DIOSPA QHELQACHISQAN DEUTEROCANONICAL

⁵ Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

Quechua South Bolivia: Dios Parlapawanchej

⁵ Chayraycu ama ni imatapis khawaraychejchu manaraj Señor jamushajtenka. Pay jamuspa lakhapi pacaska imasta c'anchayman orkhonka. Sapa uj runaj sonkonpi yuyaskantataj sut'inchanka. Chanta sapa uj runata ruwaskanmanjina Dios mentanka.

1 Corintios 4:5 ပူးပေါင်းရင်းမြစ်များ

Job 12:22

Diosqa mana rikukoj kajta sut'iman rikhurichin, tukuy ima pakasqa kajtataj sut'iman orqhon.

Proverbios 12:8

Runaqa yachayniyoj kasqanman jina jatunchasqa kanqa, mana yuyayniyoj runarí pisipaj qhawasqa kanqa.

Eclesiastés 11:9

Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Eclesiastés 12:14

Diosqa tukuy ima ruwasqanchejmanta cuentata mañawasunchej. Jinallataj pakasqa kajmanta, sut'ipi kajmanta, allin kajmanta, mana allin kajmantapis watuwasunchej.

Jeremías 16:17

Tukuy ruwasqaykichejta rikuni, nitaj noqamanta ni ima pakasqa kayta atinchu, nitaj millay ruwasqaykichejpis ñawiymanta pakasqachu.

Jeremías 23:25

Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.

San Mateo 10:26

Jesús nillarqataj: Chayrayku, ama runakunata manchachikuychejchu. Tukuy pakasqa kajpis, jinallataj mana sut'inchasqa kajpis sut'inchakonqapuni.

San Mateo 24:30

Chaypacha Runaj Churinpa jamuyninmanta señal janajpi rikhurimonqa. Jinapitaj tukuy kay pachapi ayllukuna mayta manchachikuspa, waqanqanku. Chantá paykuna Runaj Churinta janaj pachamanta phuyu patapi jamushajta rikuwanqanku, jatun atiywan, jatun kayniypa lliphipiyninwan ima.

San Mateo 24:46

Jaqay mayordomo kusikuyniyojmin kanqa, sichus patronnin ajinata ruwashajta taripanqa chayqa.

San Mateo 25:21

Patronnintaj nisqa: Walejpacha, qanqa sumaj kamachi kanki. Kay pisi qolqewan allinta ruwasqaykirayku, kunanqa aswan sumaj ruwanaman churasqayki. Noqawan khuska kusirikunachej, nispa.

San Mateo 25:23

Patronnintaj payta nisqa: Walejpacha, qanqa sumaj kamachi kanki. Kay pisi qolqewan allinta ruwasqaykirayku, kunanqa aswan sumaj ruwanaman churasqayki. Noqawan khuska kusirikunachej, nispa.

San Lucas 6:37

Ama pitapis juchachaychejchu ama juchachasqa kanaykichejpaj, nitaj juzgaychejchu ama juzgasqa kanaykichejpaj. Wajkunaj juchankutapis pampachay, Diostaj juchaykichejtapis pampachallanqataj.

San Juan 21:22

Jesustaj kuticherqa: Sichus kutimunaykama pay kawsananta munani chayqa, qanpata ima ruwanayki tiyan? Qanrí noqata qhatiwaypuni, nispa.

San Juan 21:23

Jesús ajinata nisqanrayku, Jesusta qhatejkuna aswan qhepaman paykunapura ninakorqanku chay yachachisqa mana wañunanta. Jesusrí mana nisqachu: Mana wañonqachu, nispaqa. Aswanpis nisqa: Sichus kutimunaykama pay kawsananta munani chayqa, qanpata ima ruwanayki tiyan? nispa.

San Juan 5:44

Qankunaqa qankunapuralla jatunchanakuyta munankichej, manataj Dios jatunchasunaykichejta mask'ankichejchu. Jina chayqa, imaynatataj noqapi atinikuwajchejri?

Romanos 14:4

Qanrí, pitaj kanki wajpa wata runanta juchachanaykipajri? Chay wata runaj patronnillan niyta atin allin kasqanta chayrí mana allin kasqantapis. Ajinaqa tukuy imata mikhojpis mana mikhojpis sinch'ita sayanqanku, imaraykuchus Tukuyta Kamachej Jesucristo atiyniyojmin sinch'ita sayachinanpaj.

Romanos 2:1

Chayrayku, qanqa judío kashaspapis, mana ni imata kutichikuyta atinkichu, imaraykuchus wajkunata juchachaspaqa, qan kikillaykitataj juchachakushanki. Qan wajkunata juzgashaspapis, kikillantataj ruwanki.

Romanos 2:16

Chay jinaqa Jesucristomanta sumaj willayta willasqay yachachin Diospa juzganan p'unchay qayllamushasqanta. Chaypachataj Diosqa tukuy runakuna pakaypi ruwasqankuta Jesucristonejta juzganqa.

Romanos 2:29

Cheqapuni judioqa sonqon ukhumantapacha judío. Cheqapuni circuncidasqa kajtaj Santo Espiritunejta sonqonpi circuncidasqa kaj, manataj qhelqasqa kamachisqanejtachu. Chay jina judiotaqa Diosmin allinpaj qhawan, amapis runa allinpaj qhawachunchu.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

1 Corintios 1:7

Ajinamanta Dios ruwanapaj atiykunata qosusqaykichejmanta mana imapis pisisunkichejchu, Tukuyta Kamachej Jesucristonchej rikhurimunanta suyashanaykichejkama.

1 Corintios 11:16

Chaywanpis, sichus pipis kaymanta churanakuspa, siminakuyta munanman chayqa, noqayku, jinataj Diospa iglesiankunapis mana waj usuta rejsiykuchu.

1 Corintios 11:26

Ajina ari, qankunapis sapa kuti kay t'antata mikhuspa, kay copamanta ujyaspataj, Tukuyta Kamachej Jesús wañusqanmanta willankichej pay kutimunankama.

1 Corintios 15:23

Chaywanpis sapa uj maychus kananpi kawsarimpun: Ñawpajta Cristoraj kawsarimporqa, chaymantataj Cristo kutimojtin, paypata kajkunapis kawsarimpullasunchejtaj.

1 Corintios 3:13

Chaywanpis sapa uj imaynatachus ruwasqan juicio p'unchaypi sut'inchakonqa. Chay p'unchay Diosqa ninawan jina sapa ujpa ruwasqanta ruphaykuchenqa, imaynachus kasqan yachakunanpaj.

1 Corintios 3:14

Cimiento patapi pejpa ruwasqanchus mana ruphanqa chayqa, chayman jina pay t'inkanta jap'enqa.

1 Corintios 3:8

Sumaj willayta willajwan, chantá pichus yachachejwanqa ujlla kanku. Jinataj sapa ujninku ruwasqankuman jina t'inkankuta jap'enqanku.

2 Corintios 10:18

Pichus anchata jatunchakojrí mana allinpajchu qhawasqa kanqa. Aswanqa, pitachus Dios jatunchan, chay runamin allinpaj qhawasqa kanqa.

2 Corintios 10:9

Manallataj munanichu cartaykunanejta qankunata manchachiyta.

2 Corintios 4:2

Aswanpis pakaypi p'enqay ruwanata qhesachayku. Noqayku mana pitapis q'otiyaykuchu nitaj Diospa simi nisqanta q'ewiykuchu. Manachayqa cheqa kajta sut'inchaspa, noqayku Diospa ñawpaqenpi allinpaj qhawachikuyta munayku, ama pipis mana allin kajta noqaykumanta sonqonkupi yuyanankupaj.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

1 Tesalonicenses 5:2

Qankuna allinta yachankichej Tukuyta Kamachej Jesuspa kutimunan p'unchay kaymanta jinalla chayamunanta, imaynatachus suwaqa mana yuyasqallamanta tutan jamun, ajinata.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

Santiago 4:11

Wawqe panaykuna, ama pipajpis mana allinta parlaychejchu. Sichus pipis Jesucristota qhatej masinpaj mana allinta riman, chayrí imamantapis juchachan chayqa, Diospa kamachisqanpa contranta riman, chantá Diospa kamachisqan mana allinchu kasqanta nin. Sitajchus Diospa kamachisqan mana allinchu kasqanta ninki chayqa, juez jina sayashanki. Chaywanpis qanpa ruwanaykeqa Diospa kamachisqanta kasunayki.

Santiago 5:7

Qankuna wawqe panaykunarí, Tukuyta Kamachej Jesús jamunankama pacienciakuychej. Qhawaychej: Chajrata poqochej runaqa pacienciawan suyan tarpusqanpa poqosqanta oqharinanpaj. Jinallataj ñawpaj parata, qhepa paratapis pacienciawan suyallantaj.

Santiago 5:9

Wawqe panaykuna, ama ujkuna ujkuna qhawanakuspa thutuychejchu, ama Dios juzgasunaykichejpaj. Juezqa jamunanpajña kashan.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.

1 Pedro 5:4

Chantá Kuraj Kaj Michej kutimuspa, payqa wiñaypaj jatunchasqa kanata pilluta jina qosonqachej.

2 Pedro 3:12

Ajinata Diospa juzganan p'unchayta suyaspa, chay p'unchayta aswan usqhayta chayachimunkichej. Chay p'unchaypi janajqa nina lawraypi tukukonqa, jinataj tukuy ima chay jina sinch'i k'ajaypi unuyaponqa.

2 Pedro 3:4

Paykuna nenqanku: Cristo kutimunanta nerqa. Maytaj kutimusqanri? Ñawpa tataykupis wañupunkuña, kunankamataj tukuy ima, qallariypi jina imaynachus karqa, jinallapuni kakushan, nispa.

Judas 1:14

Adanmantapacha qanchis kaj runa Enocqa chay jina runakunamanta kay jinata sut'incharqa: Tata Diosta waranqa waranqa angelninkunawan jamushajta rikorqani

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

Apocalipsis 20:12

Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.