1 Corintios 3:5 - DIOSPA QHELQACHISQ

⁵ Chaywanpis, pitaj Pablori? Pitaj Apolosri? Noqayku Diospa kamachinkunalla kayku, qankunataj noqaykunejta Jesucristopi atinikorqankichej. Chantá sapa ujniyku imatachus Tukuyta Kamachej Jesucristo kamachiwasqaykuman jina ruwarqayku.

Qheshwa Biblia DC

⁵ Kunanqa, pitaj Pablori? Pitaj Apolosri? Noqayku Diospa kamachisnin kayku, qankunataj noqaykunejta creerqankichej; chaytataj sapa ujniykuman Señor atiyta qowasqaykuman jina.

DIOSPA QHELQACHISQAN DEUTEROCANONICAL

⁵ Chaywanpis, pitaj Pablori? Pitaj Apolosri? Noqayku Diospa kamachinkunalla kayku, qankunataj noqaykunejta Jesucristopi atinikorqankichej. Chantá sapa ujniyku imatachus Tukuyta Kamachej Jesucristo kamachiwasqaykuman jina ruwarqayku.

Quechua South Bolivia: Dios Parlapawanchej

⁵ Chayraycu ¿imataj Pabloka? ¿Imataj Apolospis? Diospa yanapajcunallan caycu. Nokaycunejta Cristopi jap'icorkanquichej. Sapa ujpis Dios churawaskaycumanjina ruwaycu.

1 Corintios 3:5 ပူးပေါင်းရင်းမြစ်များ

San Mateo 25:15

Payqa uj kamachiman 5.000 qolqeta qosqa, ujmantaj 2.000 qolqeta, ujninmantaj waranqallata. Ajinata sapa ujman qosqa ruwayta atisqankuman jina. Chaymantataj chay patrón karuman ripusqa.

San Lucas 1:2

Chayta qhelqarqanku Jesuspa ñawpa yachachisqankuna willasqankuman jina, pikunatachus Jesús nisqanta willaramunankupaj kacharqa, chaykunamanta.

San Juan 3:27

Chantá Juan kuticherqa: Runaqa mana imatapis jap'iyta atinmanchu, manachus Dios qonman chayqa.

Hechos 18:24

Chaypacha Alejandriamanta Apolos sutiyoj uj judío Efesoman chayamorqa. Pay sumajta parlaj, Diospa Qhelqachisqantapis allinta yachaj.

Hechos 19:1

Corintopi Apolos kashajtin, Pablo orqorara cheqanejta rerqa Éfeso llajtaman chayanankama. Chaypitaj wakin wawqekunawan tinkorqa.

Romanos 15:16

Jesucristoj kamachin jina, paymanta sumaj willayta mana judío kajkunaman willaranaypaj. Ajinamanta paykuna Santo Espiritunejta sumaj jaywana jina Diospaj t'aqasqa kanqanku.

1 Corintios 12:28

Diostaj Iglesiapi sapa ujta ruwanayojta churan: Ñawpajta Jesuspa kuraj kachankunata, qhepanta Diosmanta sut'inchajkunata, chaymanta nisqanta yachachejkunata, chaymantataj t'ukuna imakunata ruwajkunata, onqosqakunata qhaliyachejkunata, yanapajkunata, iglesiata pusarejkunata, chantá mana rejsisqa parlayta atejkunata ima.

1 Corintios 16:12

Wawqenchej Apolosta maytapuni nerqani wawqekunawan khuska qankunata watukoj rinanta. Paytajrí kunanpi mana qankunata watukoj riyta atenqachu. Chaywanpis, mayk'ajchus qankunaman rinanpaj jina kanqa, chaypacha renqa.

1 Corintios 3:10

Dios noqawan k'achapuni kaspa, noqa sumajta yachaj albañil jina cimientota churarqani. Kunantaj wajkuna chaypa patanpi wasichashanku. Chaywanpis, sapa uj allinta qhawachun cimiento churasqapi imaynatachus wasichashasqanta.

1 Corintios 3:22

Pablo kachun, Apolos kachun, Cefas kachun, kay pacha kachun, kawsay kachun, wañuy kachun, kunan p'unchaypis kachun, jamoj p'unchaypis kachun, tukuy chaykunaqa qankunajta.

1 Corintios 3:7

Chayrayku pichus sumaj willayta willaj, jinataj pichus yachachej mana chaykamachu kanku. Aswanqa Dioslla, pichus astawan astawan Cristopi atinikuyta yanapawanchej, chay.

1 Corintios 9:17

Munasqayraykullachus willarayman chayqa, pagachikuyta atiyman. Chaywanpis kamachiwasqanta junt'anayrayku willarashani, imaraykuchus Dios willaranayta kamachiwarqa.

2 Corintios 11:23

Cristoj wata runanchu kanku? Noqaqa aswanraj. Ajinata nispaqa, manapis yuyayniypichu kashayman jina parlashani. Chaywanpis paykunaj ruwasqankumanta nisqaqa ruwasqayqa aswan ashkha. Noqaqa aswan ashkha kutita carcelpi wisq'asqa karqani, jinallataj mana yupay atina seq'osqa. Chantapis, aswan ashkha kutita wañuy patapi rikhurerqani.

2 Corintios 3:3

Arí, sut'i kashan, qankuna Cristoj qhelqasqan cartan kasqaykichejta, noqaykutaj chay cartata tukuyman rejsicherqayku. Chay cartaqa mana tintawanchu qhelqasqa, aswanpis kawsaj Diospa Espiritunwan. Manataj rumi tablapichu ch'eqosqa karqa, aswanpis runaj sonqon ukhupi.

2 Corintios 3:6

Kikin Diosllataj mosoj tratomanta yachachejkuna kanaykupaj churawarqayku. Chay tratotaj mana qhelqasqa kamachisqaman jinachu, aswanpis Santo Espirituman jina, imaraykuchus qhelqasqa kamachisqakunaqa juchallejta wañuchin, Santo Espiritutajrí kawsachin.

2 Corintios 4:1

Chayrayku noqayku Diospa khuyakuyninnejta paypaj ruwananman churasqa kaspa, mana q'enaqakuykuchu.

2 Corintios 4:5

Noqaykoqa mana noqayku kikiykumantachu willashayku. Manachayqa Jesucristo Tukuyta Kamachej kasqanta willayku. Jinallataj noqayku qankunaj kamachiykichejkuna jina kayku, Jesusta munakusqaykurayku.

2 Corintios 4:7

Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.

2 Corintios 5:18

Chay tukuy imaqa Diosmanta jamun, pichus Cristonejta paywan allinyachiwarqayku, chaywan. Chantapis kamachiwarqayku paywan allinyachisqa kanamanta wajkunaman willanaykuta.

2 Corintios 6:1

Ajina ari, Diospa ruwayninpi yanapakojkuna kaspa, noqayku mañarikuyku ama pisipaj qhawanaykichejta Diospa qhasilla k'acha yanapayninta jap'isqaykichejta.

2 Corintios 6:4

Aswanpis tukuy ima ruwasqaykupi rikuchiyta munayku Diospa sumaj kamachinkuna kasqaykuta. Ima ñak'ariypis qhatiriwajtiyku, noqayku sonqoykuta tiyaykuchispa ñak'ariyku pisichikuypi, llakiykunapi ima.

Efesios 3:7

Chay sumaj willayta willanaypaj noqa churasqa kani, Dios noqawan k'acha kasqanrayku, chantá khuyarikuwasqanrayku. Ajinata ruwaspataj, Dios may jina atiyniyoj kasqanta rejsicherqa.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

Colosenses 1:25

Diostaj qankunaj allinniykichejrayku Iglesiata yanapanaypaj churawarqa, jinataj qankunaman willachisqanta maychus kajta willanaypaj.

1 Timoteo 1:12

Tukuyta Kamachej Cristo Jesusninchejta pachis nini, pichus kallpachawarqa, chayta. Payqa noqapi atinikunanpaj jina kasqayta qhawawaspa, paypa ruwananpi ruwaysikunaypaj churawarqa.

1 Pedro 4:10

Sapa ujniykichejman Dios uj imata ruwanapaj atiyta qosorqachej, qankunataj chaywan ujkuna ujkunata yanapakuychej. Sumaj mayordomokuna jina Diospa imaymana k'acha yanapayninta allinta apaykachaychej.