1 Corintios 2:8 - DIOSPA QHELQACHISQ

⁸ Kay pachapi kamachejkunamanta mana pipis Diospa wakichisqanmanta entiendeyta aterqankuchu. Yachankumanchus karqa chayqa, Tukuyta Kamachej may jatunchasqa Cristota mana jayk'ajpis cruzman chakatankumanchu karqa.

Qheshwa Biblia DC

⁸ Manataj pipis kamachejkunamanta kay pachapi rejserqachu kay imastaqa; rejsinkumanchus karqa chayqa, mana jayk'ajpis chakatankumanchu karqa janaj pacha k'anchayniyoj Señorta.

DIOSPA QHELQACHISQAN DEUTEROCANONICAL

⁸ Kay pachapi kamachejkunamanta mana pipis Diospa wakichisqanmanta entiendeyta aterqankuchu. Yachankumanchus karqa chayqa, Tukuyta Kamachej may jatunchasqa Cristota mana jayk'ajpis cruzman chakatankumanchu karqa.

Quechua South Bolivia: Dios Parlapawanchej

⁸ Cay yachayta cay pacha camachejcunamanta ni mayken repararkancuchu. Reparancumanchus carka chayka, wiñay atiyniyoj Señorninchejta mana chacatancumanchu carka.

1 Corintios 2:8 ပူးပေါင်းရင်းမြစ်များ

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

San Mateo 13:22

Khishkarara jallp'api t'akasqa, chay mujupis Diospa simi nisqanta uyarejwan ninakullantaj. Chaywanpis kay kawsaymanta phutikuykuna, qhapajyayta munapayaywan ima payta q'otiyan, jinataj chaykunaqa Diospa simi nisqanta p'ampaykuspa, mana wiñajta saqenkuchu.

San Lucas 23:34

Chaymanta qhepamantaj Jesús nerqa: Tatáy, juchankuta pampachay, imaraykuchus mana yachankuchu imatachus ruwasqankuta, nispa. Chaykamataj soldadokuna suerteta choqaspa, Jesuspa p'achanta rak'inakorqanku.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 7:48

Noqanchejpa kurajninchejkunamanta, chayrí fariseokunamanta kanmanchu pillapis paypi atinikojqa?

San Juan 8:19

Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

Hechos 13:27

Chaywanpis Jerusalenpi tiyakojkuna, kamachejninkukuna ima mana repararqankuchu pichus Jesús kasqanta, nitaj entienderqankuchu Diosmanta sut'inchajkunaj qhelqasqankuta, sapa samarina p'unchaypi chayta ñawirispapis. Aswanpis Jesusta wañuchisqa kananpaj juchacharqanku, ajinamantataj ñawpa sut'inchajkunaj nisqankuta junt'arqanku.

Hechos 7:2

Estebantaj kuticherqa: Wawqeykuna, tatakuna ima, uyariwaychej: Ñawpa tatanchej Abraham manaraj Jaranman tiyakoj ripushaspa, Mesopotamiapi tiyakusharqa, chaypitaj Jatun Atiyniyoj Dios payta nerqa:

1 Corintios 1:20

Ajinaqa, maytaj chay yachayniyojri? Maytaj chay yachachejri? Maypitaj kay pachapi kaj imakunamanta churanakoj kashanri? Diosqa payta mana qhatejkunaj yachayninkuta p'enqaypi rikhuricherqa.

1 Corintios 2:6

Chaywanpis noqayku Diospi atinikuypi wiñay tukusqa kajkunawan yachayniyoj jina parlayku. Mana runakunaj yachayninkuwanchu, nitaj kamachejkunaj yachayninkuwanchu parlayku, imaraykuchus paykuna chinkapunanku kashan.

2 Corintios 3:14

Paykunataj chayta mana entiendeyta aterqankuchu yuyayninku laqhayachisqa kasqanrayku. Kunan p'unchaykama israelitakuna chay ñawpa tratota ñawirejtinku, yuyayninkoqa velowan jina qhatasqa. Chaywanpis chay velo qhatarakun, maypachachus Cristopi atinikunku, chaypachalla.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Efesios 4:18

Paykunaj yuyayninkoqa mana allin yuyaykunawan laqhayachisqa kashan. Chayrayku Diospa qosqan kawsaymanta karupi kashanku, rumi sonqo kasqankuraykutaj mana imatapis yachankuchu.

1 Timoteo 1:13

Ñawpajta Cristoj contranta rimaj kani. Jinataj payta chejnispa qhatiykachaj kani, paypajtaj millayta parlaj kani. Chaywanpis pay khuyarikuwarqa, imaraykuchus noqa manaraj Cristomanta jap'ikushaspa, imatachus ruwashasqayta mana yacharqanichu.

Santiago 2:1

Munasqa wawqe panaykuna, may jatunchasqa Tukuyta Kamachej Jesucristopi atinikojkuna kaspa, amapuni ujkunallata allinpaj qhawaychejchu, wajkunatataj pisipaj.