1 Corintios 2:7 - DIOSPA QHELQACHISQ

⁷ Aswanpis Diospa pakasqa yachayninmanta parlayku, mayqenchus manaraj kay pacha ruwasqa kashajtin wakichisqaña karqa Diospa jatun kayninpa k'anchayninpi paywan khuska kananchejpaj, chaymanta.

Qheshwa Biblia DC

⁷ Astawanqa parlayku Diospa pakasqa yachayninmanta; chaytaj pakasqa karqa manaraj kay mundota ruwashajtin, wiñaymantapacha, janaj pachaman pusasqas kananchejpaj.

DIOSPA QHELQACHISQAN DEUTEROCANONICAL

⁷ Aswanpis Diospa pakasqa yachayninmanta parlayku, mayqenchus manaraj kay pacha ruwasqa kashajtin wakichisqaña karqa Diospa jatun kayninpa k'anchayninpi paywan khuska kananchejpaj, chaymanta.

Quechua South Bolivia: Dios Parlapawanchej

⁷ Astawanpis Diospa pacaska yachayninta parlaycu. Cay yachayninpi Dios manaraj cay pachata ruwashaspa yuyarka nokanchej wiñaypaj c'anchayninpi causacunanchejta.

1 Corintios 2:7 ပူးပေါင်းရင်းမြစ်များ

Salmos 78:2

Rijch'anachinawan parlarisaj, unaymantapacha imachus pakasqa kajta sut'inchasaj.

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

San Mateo 13:35

Ajinamanta Jesusqa Diosmanta sut'inchajpa nisqanta junt'arqa: Rijch'anachinakunawan parlarisaj, sut'inchasajtaj imakunachus pakasqa karqanku Dios kay pachata ruwasqanmantapacha, chaykunata, nispa.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 8:29

Pikunatachus Dios ñawpajmantapacha rejserqa, chaykunata pay qallariypi churarqa Churin jina kanankupaj, ajinapi Churenqa ashkha wawqekuna ukhupi kuraj kaj kananpaj.

Romanos 8:30

Pikunatachus qallariypi ajllarqa, chaykunata wajyarqa. Chay wajyasqankunatataj cheqan runapaj qhawarqa, ajinata qhawaspataj, jatun kayninwan paykunata jatuncharqa.

1 Corintios 2:1

Wawqe panakuna, qankunaman jamuspaqa, noqa mana sumaj yachayniyoj jinachu parlarqani, nillataj qankunata t'ukuchinaypaj jinachu Diospa pakasqa wakichisqanmanta parlarqaykichej.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Efesios 3:10

Ajinamanta kunanqa janaj pachapi tukuy atiyniyojkuna, jinataj kamachejkuna ima iglesianejta Diospa imaymana yachayninta rejsenqanku.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

Hebreos 11:3

Diospi atinikusqanchejrayku yachanchej Diosqa kamachisqannejta tukuy kaj chhikata ruwasqanta. Ajinaqa, kunan imatachus rikushanchej, chay tukoyqa manakajmanta ruwasqa karqa.

1 Pedro 1:11

Cristoj Espíritun paykunapi kaspa, ñawpajmantapacha sut'inchasqa Cristo ñak'arinanmanta, chaymantataj jatunchasqa kananmanta ima. Paykunataj mayk'ajchus, chantá imaynamantatajchus chay kananta yachayta munaspa, mayta watorqanku.

1 Pedro 5:1

Kunanqa iglesiapi kurajkunata yuyaychariyta munani, paykuna jina noqapis iglesiapi kurajllataj kashaspa. Noqaqa Cristo imaynatachus ñak'arisqanta rikorqani, jinataj Cristoj jatun kaynin tukuy kay pachapi rikuchikojtin, noqapis chaypi qankunawan kasaj.

1 Pedro 5:10

Chantá qhasilla k'acha yanapayninta qoj Diosqa pisi p'unchaykunata ñak'arisqaykichejmanta qhepaman wiñay tukusqata ruwasonqachej. Jinallataj thuruyachisonqachej, kallpachasonqachej, chantá sayachisonqachej ima, imaraykuchus paymin Jesucristonejta wajyasorqachej jatun kayninpa lliphipiyninpi kawsanaykichejpaj.

2 Pedro 1:3

Diosqa may sumaj atiyninnejta tukuy ima necesitasqanchejta qowarqanchej, cheqanta ruwaspa kawsananchejpaj. Chaytataj jap'inchej Diosta rejsisqanchejrayku, pichus mana ni imapi pantaj kayninnejta, tukuy atiyniyoj kayninnejta ima wajyawarqanchej, chay Diosrayku.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.