1 Corintios 2:6 - DIOSPA QHELQACHISQ

⁶ Chaywanpis noqayku Diospi atinikuypi wiñay tukusqa kajkunawan yachayniyoj jina parlayku. Mana runakunaj yachayninkuwanchu, nitaj kamachejkunaj yachayninkuwanchu parlayku, imaraykuchus paykuna chinkapunanku kashan.

Qheshwa Biblia DC

⁶ Chaywampis parlayku yachaykunamanta yachajpura, mana kay mundoj yachayninmantachu, nitaj kamachejkunaj yachayninmantachu; imaraykuchus chay yachaykunaqa chinkananku tiyan.

DIOSPA QHELQACHISQAN DEUTEROCANONICAL

⁶ Chaywanpis noqayku Diospi atinikuypi wiñay tukusqa kajkunawan yachayniyoj jina parlayku. Mana runakunaj yachayninkuwanchu, nitaj kamachejkunaj yachayninkuwanchu parlayku, imaraykuchus paykuna chinkapunanku kashan.

Quechua South Bolivia: Dios Parlapawanchej

⁶ Nerkaniña mana cay pacha yachaysapa parlaywanchu jamuskayta. Chayka mana niyta munanchu willaraskay mana yachayniyoj caskanta. Diospi wiñaska runaswan cashaspaka yachaywan parlaycu. Cay yachayrí mana cay pachaj yachayninchu nitaj cay pacha camachejcunaj yachaynincuchu. Paycunaka chincapushancu.

1 Corintios 2:6 ပူးပေါင်းရင်းမြစ်များ

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Job 12:19

Sacerdotekunata ruwanankumanta wijch'un, kamachejkunatapis kamachiyninkumanta orqhopun.

Job 12:21

Sumaj runapaj qhawasqa kajkunata manakajpaj qhawachin, sinch'i kallpayojkunatataj mana kallpayojta saqen.

Salmos 146:4

Paykuna wañupuspaqa, jallp'aman tukupunku, chay p'unchaypachataj yuyaychakusqankupis chinkapun.

Salmos 33:10

Tata Diosqa suyukunaj wakichikusqankuta manakajman tukuchin. Diosta mana manchachikoj runakunaj yuyasqankutapis chawarachin.

Salmos 37:37

Cheqan, llimphu kawsayniyoj runata qhawariy. Chay jina runapajqa allin kawsay kanqa.

Isaías 40:23

Tata Diosqa atiyniyoj runakunata manakajman tukuchin. Kay pachapi kamachejkunatapis manapis kankumanchu jinaman tukuchillantaj.

San Mateo 13:22

Khishkarara jallp'api t'akasqa, chay mujupis Diospa simi nisqanta uyarejwan ninakullantaj. Chaywanpis kay kawsaymanta phutikuykuna, qhapajyayta munapayaywan ima payta q'otiyan, jinataj chaykunaqa Diospa simi nisqanta p'ampaykuspa, mana wiñajta saqenkuchu.

San Mateo 19:21

Chantá Jesús payta nerqa: Sichus maychus kajta Diospa munayninta junt'ayta munanki chayqa, tukuy kapuyniykita vendemuspa, wajchakunaman chay qolqeta rak'iray. Ajinamanta janaj pachapi tukuy imayoj kanki. Chaymantataj kutimuspa, yachachisqay kanaykipaj noqata qhatiway, nispa.

San Mateo 5:48

Janaj pachapi kashaj Tata Diosniykichejqa cheqan munakuyniyoj. Chayrayku qankunapis ajinallataj kaychej. Ajinata nispa Jesús yachacherqa.

San Lucas 16:8

Chayta yachaspa, patronqa mana allin mayordomota jatunchasqa, yuyayniyoj kasqanmanta. Noqataj niykichej: Diosman mana kutirikoj runakunaqa imata ruwanapaj aswan yuyayniyoj kanku Diospa wawankunamanta nisqaqa.

1 Corintios 1:28

Jinallataj Dios kay pachamanta mana walej kajta, qhesachasqata, qhasi manakajpaj qhawasqata ima ajllakorqa. Ajinata ruwarqa, runa imatachus aswan kasqanta qhawan, chayta manakajman tukuchinanpaj.

1 Corintios 12:8

Santo Espíritu wakinman qon yuyaywan, yachaywan ima sumajta yuyaychayta atinankupaj. Wakinmantaj kikin Santo Espiritullataj atiyta qon sumajta yachaspa parlanankupaj.

1 Corintios 14:20

Wawqe panakuna, ama wawa jina yuyaychejchu. Mana allin kajllapaj wawa jina kaychej, imatapis qhawanapirí wiñay tukusqa runa jina kaychej.

1 Corintios 2:1

Wawqe panakuna, qankunaman jamuspaqa, noqa mana sumaj yachayniyoj jinachu parlarqani, nillataj qankunata t'ukuchinaypaj jinachu Diospa pakasqa wakichisqanmanta parlarqaykichej.

1 Corintios 2:13

Noqayku chaykunamanta parlayku, mana runaj yachachisqanman jinachu, aswanpis Santo Espíritu yachachiwasqaykuman jina. Ajinaqa Santo Espiritumanta kaj imakunata sut'inchayku Espíritoj qosqan parlaykunawan.

1 Corintios 2:8

Kay pachapi kamachejkunamanta mana pipis Diospa wakichisqanmanta entiendeyta aterqankuchu. Yachankumanchus karqa chayqa, Tukuyta Kamachej may jatunchasqa Cristota mana jayk'ajpis cruzman chakatankumanchu karqa.

1 Corintios 3:1

Munasqa wawqe panakuna, noqa qankunawan kashaspa, mana Diospa Espiritunpa pusasqan runakunaman jinachu parlarqaykichej, imajtinchus qankuna Diosman manaraj kutirikojkuna jina purinkichej. Chayrayku qankunaman parlarqaykichej, kunallanraj Cristoman kutirikojkunaman jinalla.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

2 Corintios 13:11

Munasqa wawqe panakuna, kay jinata nispa tukuychani: Qankuna kusisqa kawsakuychej. Wiñay tukusqa kanaykichejkama wiñallaychejpuni. Ujkuna ujkuna sonqochanakuychej. Uj sonqolla kaychej, qankunapurataj allinta kawsakuychej. Chantá munakuyta, sonqo tiyaykuytawan qoj Dios qankunawan kanqa.

2 Corintios 4:3

Sichus Jesusmanta willasqayku, chay sumaj willay velowan jina pakasqallaraj kashan chayqa, chinkay ñanpi kajkunallapaj pakasqa kashan.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Colosenses 1:28

Chayrayku Cristomanta willayku tukuy runata yuyaychaspa, tukuy yachaywan yachachispa ima. Ajinata ruwayku tukuy runata Cristowan ujchasqa kawsakunapi yuyayninpiña kashajta rikhurichinaykupaj.

Colosenses 4:12

Qankunamanta ujniykichej, Cristoj kamachin Epafras napaykamullasunkichejtaj. Payqa Dioswan parlarikuspa mañapusunkichejpuni Tata Dios kallpachanasuykichejpaj, yuyayninpiña kanaman chayanaykichejpaj, chantá Diospa munasqanta junt'anaykichejpaj ima.

Hebreos 5:14

Mikhunarí wiñay tukusqa runakunapaj, pikunachus imachus allin, imatajchus mana allinchu kasqanta sapa kuti reparaspa yachankuña, chaykunapaj.

Hebreos 6:1

Chayrayku, wiñay tukusqa kananchejkama ñawpajman rispa, Diosmanta astawan astawan yachakuspallapuni kanachej. Jesucristoman kutirikuspa qallariypi imatachus yachakorqanchej, chay ñawpaj kaj yachachiykunata saqena. Amaña watej watej kay imakunamanta yachachinachu: Mana allin kajta ruwanamanta, Diosman kutirikuna kasqanmanta, Diospi atinikuna kasqanmanta.

Santiago 3:15

Chay jina yachayqa mana Diosmantachu. Aswanpis chayqa Diosman mana kutirikojkunaj yuyasqankuman jina, chantá runaj yuyasqanman jina, Supaymanta ima.

Santiago 3:2

Tukuyninchej ashkha kutita pantanchej. Sichus siminchejta watarikuyta atisunman chayrí, mana pantaj runa jina kasunman, ukhunchejwantaj tukuy imapi kasuchikuyta atisunman.

1 Pedro 5:10

Chantá qhasilla k'acha yanapayninta qoj Diosqa pisi p'unchaykunata ñak'arisqaykichejmanta qhepaman wiñay tukusqata ruwasonqachej. Jinallataj thuruyachisonqachej, kallpachasonqachej, chantá sayachisonqachej ima, imaraykuchus paymin Jesucristonejta wajyasorqachej jatun kayninpa lliphipiyninpi kawsanaykichejpaj.