1 Corintios 2:1 - DIOSPA QHELQACHISQ

¹ Wawqe panakuna, qankunaman jamuspaqa, noqa mana sumaj yachayniyoj jinachu parlarqani, nillataj qankunata t'ukuchinaypaj jinachu Diospa pakasqa wakichisqanmanta parlarqaykichej.

Qheshwa Biblia DC

¹ Hermanos, qankunaman jamuspaqa, mana jatuchaj yachaysapa palabraswanchu willarqani Diospa pakasqa yachayninmantaqa.

DIOSPA QHELQACHISQAN DEUTEROCANONICAL

¹ Wawqe panakuna, qankunaman jamuspaqa, noqa mana sumaj yachayniyoj jinachu parlarqani, nillataj qankunata t'ukuchinaypaj jinachu Diospa pakasqa wakichisqanmanta parlarqaykichej.

Quechua South Bolivia: Dios Parlapawanchej

¹ Nokapis, hermanosníy, mana jatun sumaj parlaywanchu nitaj yachayniywanchu jamorkani Diospa sumaj willanasninta kancunaman willaraspaka.

1 Corintios 2:1 ပူးပေါင်းရင်းမြစ်များ

Éxodo 4:10

Moisestajrí kuticherqa: Ay, Dios Tatáy, noqaqa mana sumajta parlayta yachanichu, mana qan parlawasqaykillamantachu, ni qaynallamantachu, nitaj kunallanmantachu. Noqaqa unaypuni jina karqani. Parlashajtiytaj, qalloyqa watakullawan, nispa.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

Hechos 20:21

Ajinallatataj noqa judiokunaman, mana judío kajkunamanpis sut'ita yachacherqani Diosman kutirikunamanta, Tukuyta Kamachej Jesucristopi atinikunamanta ima.

Hechos 22:18

Chay mosqoypi jina rikusqaypi Jesús niwarqa: Kunanpacha Jerusalenmanta usqhayllata ripuy, imaraykuchus kaypi imatachus noqamanta willasqaykita mana uyarisonqankuchu, nispa.

Romanos 16:18

Chay jina runakuna mana Tukuyta Kamachej Jesucristoj munasqantachu ruwanku, manachayqa wijsallankumanta qhawanku. Jinataj k'achata parlaspa, misk'i simiwan manaraj allin yachajkunata q'otiyanku.

Romanos 16:25

Dios yupaychasqa kachun, pichus sinch'ita sayachiyta atisunkichej Jesucristomanta sumaj willayta willasqayman jina, chay. Jesucristomanta sumaj willaypi Diosqa qankuna mana judío kajkunapaj imatachus wakichisqanta sut'inchan. Chay imatachus wakichisqanqa unaymantapacha pakasqa karqa.

1 Corintios 1:17

Cristoqa mana bautizajtachu kachamuwarqa, manachayqa paymanta sumaj willayta willanaypaj, mana jatun yachayniyoj jina sumajta parlaspachu, Cristo cruzpi wañusqan ama qhasi manakajman tukunanpaj.

1 Corintios 1:6

Chayqa sut'ita yachayta qon, Cristomanta imatachus willasqayqa cheqapuni kasqanmanta.

1 Corintios 2:13

Noqayku chaykunamanta parlayku, mana runaj yachachisqanman jinachu, aswanpis Santo Espíritu yachachiwasqaykuman jina. Ajinaqa Santo Espiritumanta kaj imakunata sut'inchayku Espíritoj qosqan parlaykunawan.

1 Corintios 2:4

Jesucristomanta willaspa, chantá parlaspa ima mana sumaj yachayniyoj jinachu parlarqaykichej, nisqayta jap'ikunaykichejpaj jina. Manachayqa noqa munarqani Santo Espíritu atiyninta rikuchinanta, chaynejllata qankuna nisqayta jap'ikunaykichejpaj.

1 Corintios 2:7

Aswanpis Diospa pakasqa yachayninmanta parlayku, mayqenchus manaraj kay pacha ruwasqa kashajtin wakichisqaña karqa Diospa jatun kayninpa k'anchayninpi paywan khuska kananchejpaj, chaymanta.

2 Corintios 10:10

Wakinkuna ninku: Pabloqa qhelqasqan cartankunallapi k'arajta k'amiyta yachan. Chaywanpis uyapurakuspa, payqa pisi kallpa, parlasqanpis mana kasu ruwanapaj jinachu, nispa.

2 Corintios 11:6

Noqa mana paykuna jina sumajtachu parlayta atini chaypis, allin yachayniyoj kani, noqaykutaj qankunawan kashaspa, yachayniyoj kasqaykuta tukuy imapi sut'ita rikucherqayku.

2 Tesalonicenses 1:10

Maypachachus Jesús kutimonqa chaypacha, ajllakusqankuna payta jatunchanqanku, paypi atinikojkunapis t'ukuspa yupaychanqanku. Qankunapis paykunawan khuska kallankichejtaj, imaraykuchus paymanta willasqaykuta jap'ikorqankichej.

1 Timoteo 1:11

Chay cheqan yachachiyta willanaypaj may yupaychasqa Diosninchej noqata churawarqa, Jesucristomanta jatunchasqa sumaj willayman jina.

2 Timoteo 1:8

Chayrayku qan Tukuyta Kamachej Jesusninchejmanta ujkunaman willayta ama p'enqakuychu, nitaj noqamantapis, Jesusrayku carcelpi wisq'asqa kashajtiypis. Aswanpis Tata Dios kallpata qosusqanman jina wakichikuy, Jesusmanta sumaj willayrayku noqawan khuska ñak'arichisqa kanaykipaj.

1 Juan 4:14

Noqaykutaj Churinta rikorqayku, willaykutaj Tata Diosqa payta kay pachaman kachamusqanta, tukuy runata qhespichinanpaj.

Apocalipsis 1:2

Chantá Juan chay tukuy imata rikusqanmanta testigo jina willarqa Diospa nisqanmanta, chantá Jesucristoj willasqanmanta ima.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.