1 Corintios 16:2 - DIOSPA QHELQACHISQ

² Sapa semana qallariyta sapa ujniykichej ganakusqaykichejman jina wakinta t'aqaychej. Chantá chayta waqaychaychej, chayamojtiy, amaña qolqeta tantanaykichejpaj.

Qheshwa Biblia DC

² Sapa semanaj ñaupaj p'unchaynimpi, sapa ujniykichej t'aqaychej mashkhallatapis kapususqaykichejman jina. Chaytataj waqaychaychej. Chayamojtiytaj amaña qolqeta tantankichejchu.

DIOSPA QHELQACHISQAN DEUTEROCANONICAL

² Sapa semana qallariyta sapa ujniykichej ganakusqaykichejman jina wakinta t'aqaychej. Chantá chayta waqaychaychej, chayamojtiy, amaña qolqeta tantanaykichejpaj.

Quechua South Bolivia: Dios Parlapawanchej

² Sapa Domingo p'unchaypi sapa uj kancunamanta kolkenmanta jap'icuskanmanjina jallch'anaman churachun. Chayta wakaychaychej chayamojtiy ama kolketa tantanayquichej cananpaj.

1 Corintios 16:2 ပူးပေါင်းရင်းမြစ်များ

Génesis 26:12

Chay wata Isaac chay jallp'api tarporqa, sumajtataj poqocherqa, imaraykuchus Tata Dios payta yanaparqa.

Génesis 30:27

Labantajrí kuticherqa: Ama ripuychu ari, kakullay. Noqa yachani qanrayku Tata Dios saminchaspa yanapawasqanta.

Génesis 30:30

Manaraj kayman chayamushajteyqa, uywayki pisilla karqa. Kunantajrí ashkhaña tiyapusunki. Chayamusqaymantapacha Tata Dios ashkhata qosunki. Kunantajrí aylluypajñataj llank'arikuyta munani ari, nispa.

Génesis 32:10

10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni.

Génesis 33:11

Waqeta aparimususqayta jap'ikullaway. Tata Dios yanapawasqanrayku tukuy imayoj kani, manataj imapis pisiwanchu, nispa. Chay jinatapuni Jacob nisqanrayku, Esaú jap'ikorqa.

2 Crónicas 31:10

Sadocpa ayllunmanta kuraj kaj sacerdote Azariastaj kuticherqa: Tata Diospa Templonman chay qonankuta apamuyta qallarisqankumantapacha sajsakunaykukama mikhuyku, may ashkharajtaj puchuwayku. Kay chhikaraj puchun, Tata Diosqa Israel ayllunta yanapasqanrayku, nispa.

Marcos 14:8

Kay warmeqa atisqanta ruwan. Payqa sumaj q'apashaj jawinawan ukhuyta jawin, ajinamantataj ñawpaykun p'ampakunay p'unchaypaj.

San Lucas 16:10

Pichus pisi imawan maychus kajta ruwajqa ashkhawanpis maychus kajta ruwallanqataj. Pisiwan mana cheqanta ruwajrí manallataj ashkhawanpis cheqanta ruwanqachu.

San Lucas 24:1

Semana qallariy p'unchayta chhapu chhapullataraj, chay warmikuna, maypichus Jesús p'ampasqa karqa, chayman rerqanku, sumaj q'apashaj jawinata wakichisqankuta apaspa.

San Juan 20:19

Chay kikin semana qallariy p'unchay ch'isiyaykuytaña, Jesuspa yachachisqankuna uj wasipi tantasqa kasharqanku. Judiokunaj kurajninkukunata manchachikusqankurayku wasej punkun sumaj wisq'asqa kasharqa. Jinapi Jesús rikhuriytawan, chawpinkupi sayarqa, paykunatataj napaykorqa: Diospa sonqo tiyaykuynin qankunawan kachun, nispa.

San Juan 20:26

Pusaj p'unchayninman Jesuspa yachachisqankuna ujtawan wasipi tantakorqanku. Tomaspis paykunawan kasharqa. Wasej punkun sumaj wisq'asqa kashajtin, Jesús ujtawan chawpinkupi rikhurispa, paykunata napaykorqa: Diospa sonqo tiyaykuynin qankunawan kachun, nispa.

Hechos 20:7

Noqayku semanaj qallariynin p'unchaypi Jesusta qhatikojkunawan khuska tantakorqayku, Jesuspa Cenanta mikhunaykupaj, chaypitaj Pabloqa Diospa simi nisqanta yachachisharqa. Q'ayantin puririnan kasqanraykutaj, chawpi tutakama yachacherqa.

2 Corintios 8:10

Qankunaj allinniykichejta munaspa, noqa imatachus ruwanaykichejta yuyaychaykichej: Walej kanman, imatachus qayna watamantapacha qallarerqankichej, chayta junt'anaykichejta. Chaypacha qankuna yanapata qoyta munarqankichej, manataj nillarqankichejchu, aswanpis qankuna ñawpajta qoyta qallarerqankichej.

Deuteronomio 8:18

Aswanpis Tata Diosniykichejmanta yuyarikuychejpuni, imaraykuchus paymin tukuy imata tarispa, qhapajyanaykichejpaj kallpata qosunkichej. Ajinatamin payqa ñawpa tataykichejwan trato ruwasqanta, qankunawan junt'anqa, imaynachus kunan kashan, ajinata.

Apocalipsis 1:10

Uj kuti Tukuyta Kamachej Jesuspa p'unchayninpi noqa Santo Espíritoj kamachiyninpi kaspa, Tata Diosta yupaychasharqani. Jinallaman qhepaymanta jatunmanta uj parlamojta uyarerqani, chay parlasqantaj trompetaj waqasqan jina karqa.