1 Corintios 15:2 - DIOSPA QHELQACHISQ

² Chay sumaj willaynejta qhespichisqa kankichej, sichus willasqaymanta jap'ikuspa, sinch'ita sayashankichej chayqa. Mana jina chayrí, sumaj willayta jap'ikusqaykichej qhasillapaj kanman.

Qheshwa Biblia DC

² Chayrayku qankunachus chay willasqay palabrasta jap'ikunkichej chayqa, salvasqas kankichej. Mana jina chayqa, qhasillapaj creesqaykichejqa kanqa.

DIOSPA QHELQACHISQAN DEUTEROCANONICAL

² Chay sumaj willaynejta qhespichisqa kankichej, sichus willasqaymanta jap'ikuspa, sinch'ita sayashankichej chayqa. Mana jina chayrí, sumaj willayta jap'ikusqaykichej qhasillapaj kanman.

Quechua South Bolivia: Dios Parlapawanchej

² Chay sumaj willanasnejta juchamanta cacharichicushanquichej willaraskaytachus sumajta wakaychanquichej chayka. Yuyanitaj mana yankhallachu creeskayquichejta.

1 Corintios 15:2 ပူးပေါင်းရင်းမြစ်များ

Proverbios 23:23

Cheqa kajta rantikuy, amataj vendeychu. Jinallataj yachaytapis, unanchaytapis, yuyayniyoj kaytapis amallataj vendeychu.

Proverbios 3:1

Wawáy, yachachisusqaymanta ama qonqapuychu, kamachisqaytataj sonqoykipi waqaychay.

Proverbios 4:13

Yachachisusqaymanta ch'ipakuy, amataj qonqayman churaychu. Chay nisqayman jina ruway, imaraykuchus chaymin kawsanaykeqa.

San Lucas 8:13

Rumirara jallp'api t'akasqa mujurí ninakun, pikunachus Diospa simi nisqanta uyariytawan kusiywan jap'inku, chaykunaman. Chaywanpis paykuna mana allin saphichasqa kasqankurayku, pisi p'unchayllata Diospi atinikunku, llakiy qhatejtintaj, qhepaman kutiripunku.

Hechos 2:47

Jinallataj paykuna Diosta yupaychallarqankupuni, runakunataj allin ñawiwan paykunata qhawaj kanku. Chantá Tukuyta Kamachej Jesusqa sapa p'unchay Iglesiaman yapasharqa, pikunachus qhespichisqa kananku karqa, chaykunata.

Hechos 8:13

Kikillantataj Simonpis Jesuspi atinikuspa, bautizachikorqa. Chaymantataj Felipewanpuni purerqa, may t'ukuna imakunata, runaj mana jayk'aj rikusqanta ruwashajta rikuspataj, mayta t'ukorqa.

Romanos 1:16

Noqaqa Jesuspa sumaj willayninmanta mana p'enqakunichu, imaraykuchus Jesuspa sumaj willayninnejta Dios yachayta qowanchej atiyniyoj kasqanta paypi tukuy atinikojkunata qhespichinanpaj, ñawpajta judiokunata, jinallataj mana judiokunatapis.

Romanos 11:22

Qhaway ari, Dios may jina k'acha kasqanta, jinallataj cuentaman churay Diosqa mana imallatapis pasachej kasqanta. Diosqa juchallejkunaj juchankuta mana qhawakullarqachu chaypis, qanwan k'acha karqa. Sitajchus qan k'acha kasqanmanta jap'ikuspa kawsanki chayqa, Diosqa k'achallapuni kanqa. Mana jap'ikunkichu chayrí, qanpis k'utusqallataj kanki.

1 Corintios 1:18

Wakinkuna yuyanku Cristo cruzpi wañusqanmanta willanaqa mana yuyayniyoj runaj thawtisqan kasqanta. Chaykunarí mana qhespichisqachu kanqanku. Chaywanpis noqanchej qhespichisqa kajkunapaj chay willayqa Diospa atiynin.

1 Corintios 1:21

Dios mana saqerqachu runakuna tukuy yachayninkuwan payta rejsinankuta. Manachayqa Jesusmanta sumaj willayta willasqaykuta jap'ikojkunata qhespichinanta nerqa, chay willasqayku wampoj yuyasqanman rijch'akushajtinpis.

1 Corintios 11:2

Mayta kusikuni noqamanta yuyarikusqaykichejmanta, yachachisqayman jina ruwasqaykichejmantapis.

1 Corintios 15:14

Cristochus mana kawsarimporqa chayrí, willasqaykoqa qhasi manakaj, qhasi manakajllataj paypi atinikusqaykichejpis.

2 Corintios 2:15

Noqaykoj kawsayniykoqa inciensoj q'apaynin jina, mayqentachus Cristoqa Tata Diosman jaywan, chay jina. Chay q'apaytaj junt'arin qhespichisqa kajkuna ukhupi, chinkayman rejkuna ukhupipis.

2 Corintios 6:1

Ajina ari, Diospa ruwayninpi yanapakojkuna kaspa, noqayku mañarikuyku ama pisipaj qhawanaykichejta Diospa qhasilla k'acha yanapayninta jap'isqaykichejta.

Gálatas 3:4

Chay jinata ñak'arisqaykichejqa qhasipajchu karqa? Mana yuyanichu qhasipaj kasqanta.

Efesios 2:8

Diosqa qhasilla k'acha yanapayninnejta qhespichisorqachej, maypachachus Jesucristopi atinikorqankichej, chaypacha. Qhespichisqa kanaqa mana qankuna imatapis ruwasqaykichejraykuchu, manachayqa Diospa qhasilla jaywasqan.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

2 Tesalonicenses 2:15

Chayrayku, wawqe panakuna, sinch'ita sayaychej, jinataj noqayku kikin, chantá cartanejta imatachus yachachisqaykumanta sinch'ita ch'ipakuychej.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

Hebreos 10:23

Ajinaqa noqanchej imatachus Dios ruwananta suyakushanchej, chaymanta mana iskayrayaspa, sinch'ita ch'ipakunachej, imaraykuchus Diosqa nisqanta junt'anqapuni.

Hebreos 2:1

Chayrayku allinmin qhespichisqa kanamanta uyarisqanchejta tukuy sonqo kasunanchej, ama chaymanta pantaykunanchejpaj.

Hebreos 3:14

Noqanchej Cristowan khuska chayaqeta jap'inanchejpaj churasqa kanchej, sichus Diospi atinikusqanchejpi qallariymanta tukukuykama sinch'ita sayasunchej chayqa.

Hebreos 3:6

Cristorí Diospa Churin kaspa, Diospa ayllunpi imachus ruwananta sumajta junt'arqa. Noqanchejmin chay ayllun kanchej, sichus sonqonchejpi kallpachakusunchej, chantá Cristopi atinikuspa allin kajta suyakusqanchejpi sinch'ita sayasunchej chayqa.

Hebreos 4:14

Diospa Churin Jesusqa Kuraj Kaj Sacerdotenchej, pichus janaj pachaman yaykorqa, chay. Chayrayku Jesucristopi atinikusqanchejmanta ch'ipakuspa, sinch'ita sayanallanchejpuni tiyan.

Santiago 2:14

Munasqa wawqe panaykuna, ima walejtaj kanman sichus pipis ninman Jesucristopi tukuy sonqo atinikoj kasqanta, manataj ruwasqanwan ajina kasqanta rikuchinman chayqa? Ajinata Jesucristopi atinikushajtin, Dios payta qhespichinmanchu?

Santiago 2:17

Ajinallataj Jesucristopi atinikuywanpis kashan: Sichus pipis Jesucristopi tukuy sonqo atinikusqanta ruwasqanwan mana rikuchinchu chayqa, Jesucristopi atinikusqan wañusqa, qhasi manakajtaj.

Santiago 2:26

Kay nisqanchejta tukuychanapaj nisunman: Imaynatachus runaj ukhun manaña alman kajtin wañusqa, ajinallatataj Diospi atinikusqanchej wañusqa kashan, manachus allin kajta ruwaspa yachayta qonchej chayqa.