1 Corintios 14:3 - DIOSPA QHELQACHISQ

³ Diosmanta sut'inchajrí runakunaman parlan yuyayninpiña kanaman chayanankupaj, jinataj kallpachasqa, sonqochasqataj kanankupaj.

Qheshwa Biblia DC

³ Diospa palabranta sut'inchajqa, runasman parlan cheqanta purinankupaj, k'amispa, sonqochaspataj.

DIOSPA QHELQACHISQAN DEUTEROCANONICAL

³ Diosmanta sut'inchajrí runakunaman parlan yuyayninpiña kanaman chayanankupaj, jinataj kallpachasqa, sonqochasqataj kanankupaj.

Quechua South Bolivia: Dios Parlapawanchej

³ Astawanpis willarajka runaspaj parlashan wiñachinapaj, callpachanapaj, sonkochanapajpis.

1 Corintios 14:3 ပူးပေါင်းရင်းမြစ်များ

San Lucas 3:18

Ajinata Juan chay jina ashkha yuyaychaykunawan sumaj willayta runakunaman willarqa.

Hechos 13:15

Chantá tantakuna wasipi kurajkuna Moisespa kamachisqanmanta qhelqasqata, Diosmanta sut'inchajkunaj qhelqasqankuta ima tukuypa uyarinanta ñawirerqanku. Jinaspataj, Pablotawan Bernabetawan nicherqanku: Wawqekuna, sichus imallatapis niyta munawajchej kay runakunaj sonqonkuta oqharinaykichejpaj chayqa, kunan parlayta atinkichej, nispa.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

Hechos 15:32

Chantá Diosmanta sut'inchaj Judaswan, Silaswantaj, wawqe panakunata sonqocharqanku sinch'itapuni sayanankupaj.

Hechos 4:36

Jinaqa paykuna ukhupi karqa Leví jatun ayllumanta José sutiyoj uj runa, paytaj Chipre churumanta karqa. Jesuspa kuraj kachankuna payta sutichasqanku Bernabé, nispa. Chay niyta munan Sonqochaj.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.

Romanos 12:8

Sichus pimanpis sonqota oqharinapaj atiyta qon chayqa, chayta sumajta ruwachun. Jinallataj sichus pimanpis tiyapuyninmanta jaywarinapaj atiyta qon chayqa, mana mich'akuspa yanaparichun. Sichus pimanpis iglesiata pusananpaj atiyta qon chayqa, tukuy sonqo imachus ruwananta ruwachun. Chantá sichus pimanpis khuyarinapaj atiyta qon chayqa, kusiywan khuyarichun.

Romanos 14:19

Ajinaqa, ujkuna ujkuna allinta kawsakunapaj atisqanchejta ruwana, jinataj purajmanta kallpachanakuspa yanapanakuna.

Romanos 15:2

Tukuyninchej wawqe pananchejta yanapana allin kajta ruwayta yachanankupaj. Ajinamanta Diospi astawan atinikunankupaj paykunata kallpachasunchej.

1 Corintios 10:23

Qankuna ninkichej: Noqaqa imatachus munasqayta ruwayta atini, nispa. Arí, jinapuni. Chaywanpis mana tukuychu walej. Arí, imatachus munasqanchejta ruwayta atinchej. Chaywanpis mana tukuyninchu yuyayninpiña kanaman chayananchejpaj yanapawanchej.

1 Corintios 14:12

Ajinallataj qankunawanpis kanman. Chayrayku sichus qankuna Santo Espíritu ruwanapaj atiykunata qosunaykichejta munankichejpuni chayqa, astawan munaychej, mayqenkunachus iglesiamanta kajkunata yanapanqa yuyayninkupiña kanaman chayanankupaj, chaykunata.

1 Corintios 14:17

Ichapis Diosta pachis nispa nisqaykeqa sumaj kanman. Jinapis pichus uyarisojkunata yuyayninkupiña kanaman chayanankupaj mana yanapankichu.

1 Corintios 14:26

Ajinaqa wawqe panakuna, kaykama imatachus parlasqanchejta uj iskay simipi nisunchej. Diosta yupaychanaykichejpaj tantakuspaqa, ujniykichej takiyta atiwajchej, ujniykichejtaj yachachiyta. Jinallataj ujniykichej Dios imatachus sut'inchasqanta sut'inchayta atiwajchej, ujniykichejtaj waj parlaykunapi parlayta, chayrí waj parlaykunapi parlasqankuta sut'inchayta ima. Chaywanpis chay tukuy imata ruwaychej sapa ujniykichej kallpachasqa kanaykichejpaj.

1 Corintios 14:31

Ajinamanta ujmanta uj, tukuyniykichej Diosmanta sut'inchayta atinkichej, Diosmanta astawan yachanaykichejpaj, jinataj sonqoykichejpi kallpachasqa kanaykichejpaj.

1 Corintios 8:1

Kunanqa lantikunaman jaywasqa mikhunamanta tapuwasqaykichejman kutichiyta munani. Tukuyninchej kaymanta yachanchejña. Chaywanpis yachayniyoj kanaqa may kasqanchejta yuyachiwanchej. Munakuyniyoj kanarí iglesiata kallpachan.

2 Corintios 1:4

Payqa tukuy llakiyninchejpi sonqochawanchej, noqanchejpis llakiypi, ñak'ariypi kajkunata sonqochananchejpaj, imaynatachus noqanchejpis Diosnejta sonqochasqa kanchej, ajinata.

2 Corintios 2:7

Aswanpis qankuna juchanta pampachaychej, paytataj sonqochaychej ama sinch'i llakiywan atipachikunanpaj.

Efesios 4:29

Ama millay ch'ichi kajta parlaychejchu, manachayqa imachus allin kajllata. Ajina parlasqaykichejwan uyarisojkunata wiñanankupaj yanapankichej.

Efesios 6:22

Chayrayku payta qankunaman kachamuni, imaynachus kashasqaykuta willasunaykichejpaj, qankunata sonqochasunaykichejpaj ima.

Colosenses 4:8

Payta qankunaman kachamuni imaynachus kashasqaykuta willasunaykichejpaj, sonqoykichejtataj oqharinanpaj.

1 Tesalonicenses 2:11

Yachallankichejtaj qankunata kallpachasqaykuta, sonqochasqaykuta ima, imaynatachus uj tata wawankunata uywaspa ruwan, ajinata.

1 Tesalonicenses 2:3

Jesucristomanta qankunaman willaspaqa, mana llullakuspachu parlarqayku. Manachayqa noqayku allin kajta munana sonqowan parlarqayku, mana pitapis q'otiyayta munaspachu.

1 Tesalonicenses 3:2

Jinamanta wawqenchej Timoteota qankunaman kachamorqayku. Payqa Diospa kamachin, Cristomanta sumaj willayta willanapi yanapawajniyku ima. Noqaykutaj payta kachamorqayku qankunata kallpachasunaykichejpaj, jinallataj Jesuspi atinikuspa sinch'ita sayayta yanapanasuykichejpaj.

1 Tesalonicenses 4:1

Kunanqa wawqe panakuna, Tukuyta Kamachej Jesuspa sutinpi mañarikuyku, Diospa munasqanman jina kawsakunaykichejta. Diosta qhatejkuna jina imaynatachus kawsanata ña yachacherqaykuña, qankunataj ajinata kawsashankichejña. Chaywanpis qankunata mayta niyku ajinallatapuni kawsanaykichejpaj kallpakunaykichejta.

1 Tesalonicenses 4:18

Chayrayku, ajinata yachachisqaywan purajmanta sonqochanakuychej.

2 Tesalonicenses 3:12

Chay jina kajkunataqa kamachiyku, k'amiykutaj Tukuyta Kamachej Jesucristoj sutinpi, llank'aspa mikhunankupaj ganakunankuta.

1 Timoteo 1:4

Chantá wawqe panakunata nillaytaj qhasi manakaj cuentokunamanta ama watunankuta, nillataj ñawpa tatakunaj mana tukukuyniyoj listasqa sutinkuta kasu ruwanankuta. Chay qhasi manakaj imakunaqa runakunata churanachin, manataj paykunata yanapanchu Diospi atinikuspa kawsakunankupaj.

1 Timoteo 4:13

Jinallataj qanta watukusoj jamunaykamaqa Diospa Qhelqachisqanta tukuypa uyarinanta ñawirispallapuni kay. Chantá wawqe panakunaj sonqonkuta oqhariy, yachachiytaj.

1 Timoteo 6:2

Jesucristota qhatej patronniyoj kajkunaqa patronninkuta ama pisipaj qhawachunkuchu Diosta qhatikoj masinku kasqankurayku. Aswanpis aswan allinta paykunata kasuchunku, imaraykuchus pikunaj kamachiyninpichus kashanku, chaykuna munasqa wawqenku kanku. Timoteo, kay imakunata yachachiy, chantá Jesucristota qhatejkuna kasunankuta yuyaychay.

2 Timoteo 4:2

Diospa simi nisqanmanta mana sayk'uspa parlaypuni tutapis, p'unchaypis, mayk'ajllapis. Jinataj wawqe panakuna pantajtinku, cheqan ñanman churay, k'amiy, chantá pacienciawan yachachispa, Jesucristota qhatejkunaj sonqonkuta oqhariy.

Tito 1:9

Jinallataj iglesiata pusarejqa cheqa kajta yachaqakusqanmanta ch'ipakunan tiyan, jinallataj cheqa kajta wajkunaman yachachinan tiyan. Ajinata ruwaspa, wawqe panakunata kallpachayta atenqa, jinallataj churanakojkunatapis pantashasqankuta reparachenqa.

Tito 2:15

Chaykunata qan yachachinayki tiyan. Uyarisojkunata cheqan ñanman churay, kasusunankupaj jina k'amispa. Amallataj runa pisipaj qhawasunankupaj jina imatapis ruwaychu.

Tito 2:6

Ajinallatataj waynakunatapis yuyaychay allinta qhawarikuspa purinankupaj.

Tito 2:9

Qanqa wata runakunatapis yachachillaytaj patronninkuta kasunankuta, chantá imatapis ruwanankuta paykunaj sonqonkuta kusichinankupaj jina. Chantá paykuna amallataj kutichikuchunkuchu,

Hebreos 10:25

Amallataj sayk'uychejchu Diosta yupaychanapaj tantakuyman riyta, imaynatachus wakin riyta saqerparinku, jinataqa. Manachayqa ujkuna ujkuna sonqonchejta oqharinakuna, astawanqa Tukuyta Kamachej Jesuspa kutimunan p'unchay qayllamushasqanrayku.

Hebreos 13:22

Wawqe panakuna, mañarikuykichej, qankunata sonqochayta munaspa uj iskay simipi nispa imatachus qhelqasqayta tukuy sonqo jap'ikunaykichejta.

Hebreos 3:13

Aswanpis, sapa p'unchay purajmanta kallpachanakuychej, tiempo kashajtillanraj. Pajtataj qankuna juchaj q'otiyasqan kaspa, sonqoykichejpi rumiyachisqa kawajchej.

1 Pedro 5:12

Noqa kay pisillata Silvanowan qhelqachimushaykichej, pitachus Diosta kasuspa qhatejta jina qhawani, chaywan. Kay cartanejta sonqoykichejta oqhariyta munani, chantá sut'inta niykichej imachus qhatirisusqaykichejqa Dios qhasilla k'acha yanapayninpi munasqanrayku kasqanta. Chayrayku ari chaypi sinch'ita sayaychej.

Judas 1:20

Qankunarí munasqa wawqe panakuna, Diospi sinch'ita atinikuyniykichejpi wiñaychej. Dioswan parlarikuspaqa, Santo Espíritu imatachus yuyaychasonqachej, chayta parlaychej.