1 Corintios 13:4 - DIOSPA QHELQACHISQ

⁴ Pichus munakuyniyojqa pacienciayoj, k'achataj. Jinallataj mana envidiakunchu, nitaj may kasqanta yuyakunchu, nillataj runaykachanchu.

Qheshwa Biblia DC

⁴ Munakoyqa parienciayoj, k'achataj; munakoyqa mana qhawanakuychu, munakoyqa mana alabakuychu, nitaj tharamallachu.

DIOSPA QHELQACHISQAN DEUTEROCANONICAL

⁴ Pichus munakuyniyojqa pacienciayoj, k'achataj. Jinallataj mana envidiakunchu, nitaj may kasqanta yuyakunchu, nillataj runaykachanchu.

Quechua South Bolivia: Dios Parlapawanchej

⁴ Munacojka mana sayc'uspa muchucun, c'acha cajtapuni ruwan. Mana envidiacunchu manataj jatunchacunchu, nitaj pay quiquinta curajpaj khawacunchu.

1 Corintios 13:4 ပူးပေါင်းရင်းမြစ်များ

Génesis 30:1

Raquelqa Jacobpaj mana wawayoj kayta atispa, ñañan Leawan jap'inakorqa. Chantá qosan Jacobta nerqa: Wawallichiway, manachayqa wañusaj, nispa.

Génesis 37:11

Wawqenkunaqa Josemanta anchatataj envidiakorqanku. Tatantajrí Josejpa mosqokusqan ima niytachus munasqanta yachayta munaspa, unanchasharqa.

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

Salmos 10:5

Tukuy ima ruwasqanpipis allillanpuni rin, justiciayki imaynachus kasqan paypa umanman mana yaykunchu. Payqa tukuy awqankunamantapis alqochakun.

Proverbios 10:12

Chejnikoyqa phiñanakuyta sayarichin. Munakuyrí tukuy mana allin ruwasqata pampachan.

Proverbios 13:10

Runaykachajqa ch'ajwallata jatarichin. Yachayniyoj kajrí yuyaychasqata jap'ikun.

Proverbios 17:14

Ch'ajwata jatarichinaqa mayuta yaku wasaykoj jinawan ninakun. Chayrayku ch'ajwa manaraj qallarishajtin, ayqekuy.

Proverbios 17:9

Pichus contranta juchallejta qhespichejqa munakuyta t'ikarichin. Pichus contranpi imatachus ruwasqanta willajrí kawsaqenta karunchachin.

Proverbios 19:22

Runamantaqa mana wasanchaj kananta suyanchej. Aswan allinmin wajcha runa kana llulla kanamantaqa.

Proverbios 31:20

Jinallataj wajchakunata tukuy sonqo yanapan, pisichikojkunatapis.

Proverbios 31:26

Sumaj yachaywanpuni imatapis parlan, munakuywantaj imatapis yachachin.

Eclesiastés 10:4

Sichus kamachej qanwan phiñarikun chayqa, imachus ruwanaykita ama saqeychu. Pacienciayoj kayqa jatunta pantaykunamanta jark'an.

San Mateo 27:18

Pilato repararqa judío kurajkuna Jesusta envidiakuspa, payman pusamusqankuta.

Hechos 7:9

Jacobpa churinkuna, pikunachus ñawpa tatanchej kajkunaqa wawqenku Joseta chejnispa, wata runata jina venderqanku, Egipto suyuman apasqa kananpaj. Diostajrí Josewan karqa, payta waqaychaspa.

Romanos 1:29

Paykuna kay jina ch'ichi millayta ruwasqankuwan junt'a kanku: Mana cheqanta ruwanawan, millayta ruwanawan, qolqe munapayaywan, envidiawan, runa wañuchi kaywan, phiñanakuta mask'aywan, q'otiriyuwan, millayta ruwaspa purinawan, chantá cuento q'epi kaywan ima.

Romanos 13:13

Chantá maychus kajta ruwaspa, p'unchaypi purina jinata purinachej, amataj imaymana millay machaykunapi, imaymana millay khuchiriyopi, churanakuypi, nitaj envidianakuypipis.

1 Corintios 3:3

imaraykuchus Diosman mana kutirikojkuna imaynatachus purinku, jinallataraj purishankichej. Qankuna ukhupi qhawanakuykuna, churanakuykuna, t'aqanakuykuna ima tiyan. Chaykunata ruwaspaqa, qankuna manapis Diosta qhatejkunachu kawajchej jina ruwashankichej, Diosman mana kutirikojkuna jinataj yuyashankichej.

1 Corintios 4:18

Qankunamanta wakin mayta wapuykachashankichej, yuyaspa noqa qankunata watukoj manaña kutimunayta.

1 Corintios 4:6

Wawqe panakuna, tukuy kaykunata qankunaj allinniykichejpaj parlani. Chantá willarqaykichej noqawan, Apoloswan ima imaynachus kasqaykumanta, qankuna noqaykumanta yachakunaykichejpaj. Sichus qankuna Diospa Qhelqachisqanmanta nisqayta uyarinkichej chayqa, mana mayqenniykichejpis may kasqanta yuyaspa, ujman sayakunkichejchu nitaj ujkunata pisipaj qhawankichejchu.

1 Corintios 5:2

Qankunatajrí may kasqaykichejta yuyakushankichej. Manachu astawanqa chay jina millay ruwasqanmanta llakikunaykichej karqa? Manachu chay jina millayta ruwaj runataqa qankuna ukhumanta qharqonaykichej karqa?

1 Corintios 8:1

Kunanqa lantikunaman jaywasqa mikhunamanta tapuwasqaykichejman kutichiyta munani. Tukuyninchej kaymanta yachanchejña. Chaywanpis yachayniyoj kanaqa may kasqanchejta yuyachiwanchej. Munakuyniyoj kanarí iglesiata kallpachan.

2 Corintios 12:20

Noqa manchachikushani, qankunata watukoj jamuspaqa, ichá mana munasqayman jinachu qankunata taripanaymanta, nitaj qankunapis munasqaykichejman jinachu taripawanawaykichejmanta. Chantá manchachikullanitaj qankuna ukhupi churanakuykuna kananta, qhawanakuykuna, phiñanakuykuna, t'aqanakuykuna ima. Jinallataj kanman qhasimanta tumpanakuykuna, cuento apaykachaykuna, jatunchakuykuna, ch'ajwata sayarichiy ima.

2 Corintios 6:6

Chaywanpis noqaykoqa Diospa sumaj kamachinkuna kasqaykumanta yachayta qoyku llimphu kawsayniyoj kaspa, yachayniyoj kaspa, llamp'u sonqo kaspa, chantá k'acha kaspa ima. Ajinata ruwayku Santo Espíritoj kamachiyninpi kaspa, ch'uwa sonqo munakuywan ima.

Gálatas 5:26

Ama runaykachanachu, nitaj ujkuna ujkuna phiñanakunapaj jina imatapis ruwanachu, nillataj envidiawan qhawanakunachu.

Efesios 4:2

Llamp'u sonqo kaychej, k'achataj. Jinallataj pacienciayoj kaychej, chantá munakusqaykichejrayku ujkuna ujkuna awantanakuychej.

Efesios 4:32

Manachayqa ujkuna ujkunawan k'acha kaychej, khuyakuyniyojtaj. Chantá ujkuna ujkuna qhespichinakuychej, imaynatachus Diospis Cristonejta juchaykichejta pampacharqa, ajinata.

Filipenses 1:15

Arí, wakenqa Cristomanta willanku qhawanakuspa, churanakuspa ima. Wakintajrí allin sonqowan paymanta willanku.

Colosenses 1:11

Mañapullaykutaj Diosqa may jina jatun atiyninwan qankunata kallpachananta, tukuy mana allin kajkuna qhatirejtin pacienciakunaykichejpaj.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

Colosenses 3:12

Qankunaqa Diospa ajllakusqan kankichej, paypaj t'aqasqa, may munasqataj. Chayrayku qankuna khuyakuywan, k'acha kaywan, llamp'u sonqo kaywan, mana phiñakoj kaywan, pacienciawan ima p'achawan jina p'achallikuychej.

1 Tesalonicenses 5:14

Ajinallatataj wawqe panakuna, mañarikuyku qhellakunata k'aminaykichejta, manchalikunata kallpachanaykichejta, pisi kallpayojkunatapis yanapanaykichejta, tukuywantaj pacienciayoj kanaykichejta.

1 Timoteo 6:4

chay runa mana imata yachaspalla runaykachan. Chay jina runaqa wañurin tapunakuymanta, imallamantapis churanakuymantawan. Chaykunarí chhoqonakuyta apamun, t'aqanakuyta, turiyanakuyta, chantá manakajta yuyaytapis.

2 Timoteo 2:25

Payqa mana uyarikuyta munajkunata llamp'u sonqowan k'amispa, cheqan ñanman churachun. Ichapis chay jinamanta Dios munanman paykuna payman kutirikunankuta, cheqa kajta rejsinankupaj.

2 Timoteo 3:10

Qanrí, Timoteo imatachus yachachisqayta sumajta yachanki, jinallataj imaynatachus kawsasqayta, imatatajchus ruwayta munasqayta ima. Yachallankitaj imaynatachus Diospi atinikusqayta, pacienciakusqayta, munakuyniyoj kasqayta, chantá ruwanaypi sinch'ita sayasqayta ima.

2 Timoteo 4:2

Diospa simi nisqanmanta mana sayk'uspa parlaypuni tutapis, p'unchaypis, mayk'ajllapis. Jinataj wawqe panakuna pantajtinku, cheqan ñanman churay, k'amiy, chantá pacienciawan yachachispa, Jesucristota qhatejkunaj sonqonkuta oqhariy.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.

Santiago 4:5

Chayrayku Diospa Qhelqachisqanpi ajinata nin: Diospa qowasqanchej Espiritoqa sinch'ita munakuspa, celosakuwanchej, nispa.

1 Pedro 2:1

Chayrayku qankunaqa kay jina millay ruwaykunata saqeychej: Tukuy imaymana q'otiriyota, puraj uya kayta, envidiakuyta, runaj contranpi tukuy imaymana rimakuytawan ima.

1 Pedro 3:8

Ajinaqa tukuyniykichej uj sonqolla kaychej. Ujkuna ujkuna khuyarinakuychej, Jesucristota qhatejkunapurataj q'ayachanakuspa kawsakuychej. Jinallataj allin sonqoyoj kaychej, chantá llamp'u sonqo ima.

1 Pedro 4:8

Tukuy imamanta astawanqa qankunapura tukuy sonqo munakuychej, imaraykuchus munakoyqa may chhika juchata qonqayman churan.

2 Pedro 1:7

Chaymantaj yapaychej Diosta qhatejkunapura allinta kawsakuyta, chaymantaj tukuyta munakuspa kawsayta yapaychej.

1 Juan 4:11

Munasqa wawqe panakuna, sichus Dios ajinata munakuwarqanchej chayqa, ajinallatataj noqanchejpis ujkuna ujkuna munakunanchej tiyan.