1 Corintios 13:2 - DIOSPA QHELQACHISQ

² Jinallataj manachus wajkunata munakuymanchu chayqa, Diospa simi nisqanta sut'inchasqay, jinataj tukuy pakasqa yachaykunata, chantá kay pachapi tukuy imamanta yachasqay qhasi manakaj kanman. Jinallataj sitajchus noqa orqokunata ithirichinaypaj jina Diospi sinch'ita atinikuyta atiyman, manataj wajkunata munakuymanchu chayqa, noqaqa mana ni imapaj valeymanchu.

Qheshwa Biblia DC

² Diospa palabrantachus sut'ichayman, yachaymantaj tukuy pakasqa yachaykunata, tukuy kay pacha imasmantawan; feniytaj kapuwanman orqosta ithirichinaypaj jina, manataj munakuyniy kapuwanmanchu chayqa, mana imachu kani.

DIOSPA QHELQACHISQAN DEUTEROCANONICAL

² Jinallataj manachus wajkunata munakuymanchu chayqa, Diospa simi nisqanta sut'inchasqay, jinataj tukuy pakasqa yachaykunata, chantá kay pachapi tukuy imamanta yachasqay qhasi manakaj kanman. Jinallataj sitajchus noqa orqokunata ithirichinaypaj jina Diospi sinch'ita atinikuyta atiyman, manataj wajkunata munakuymanchu chayqa, noqaqa mana ni imapaj valeymanchu.

Quechua South Bolivia: Dios Parlapawanchej

² Sichus willarajtaj cayman. Tucuy pacaska imasta sut'ita entiendeyman. Diospa tucuy cheka cajnintapis yachayman. Sitajchus tucuy sonkoywan Diospi jap'icuskay canman orkosta khepanta khepanta wajnejman okharichinaycama. Manataj munacuymanchu chayka, mana imapischu cani.

1 Corintios 13:2 ပူးပေါင်းရင်းမြစ်များ

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

San Mateo 17:20

Jesustaj kuticherqa: Qankuna noqapi mana atinikusqaykichejrayku mana supayta qharqoyta aterqankichejchu. Noqataj kayta sut'ita niykichej: Noqapi atinikusqaykichejchus mostaza muju jinallapis kanman chayqa, kay orqota niwajchej: Kaymanta jaqayman ithirikuy, nispa, ithirinmantaj. Mana imapis qankunapaj kanmanchu mana ruway atinaqa.

San Mateo 21:19

Ñan kantupitaj higo sach'ata rikorqa, poqoyninta pallarikuyta munaspataj qayllaykorqa. Chaywanpis laqhellata tarerqa. Chantá chay sach'ata nerqa: Kunanmantapacha amaña jayk'aj poqonkichu, nispa. Sach'ataj chaypacha ch'akiporqa.

San Mateo 21:21

Jesustaj kuticherqa: Noqaqa kayta sut'ita niykichej: Sichus mana iskayrayaspa, Diospi atinikuwajchej chayqa, higo sach'awan imatachus ruwarqani, chaymanta astawanraj ruwawajchej. Kay orqotapis niwajchej: Ithiriy kaymanta, qochamantaj wijch'uykukuy, nispa, ajinataj kanman.

Hechos 13:1

Antioquía iglesiapi Diosmanta sut'inchajkuna, yachachejkuna ima karqanku. Paykuna karqanku: Bernabé, Niger nisqa Simón, Cirenemanta Lucio, Manaén, pichus kamachej Herodespa uywasqa masin karqa chay, Saulo ima.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 15:14

Wawqe panaykuna, noqa allinta yachani qankunaqa k'acha kaywan, tukuy yachaywan ima junt'a kasqaykichejta, qankunapura yuyaychanakunaykichejpaj.

Romanos 16:25

Dios yupaychasqa kachun, pichus sinch'ita sayachiyta atisunkichej Jesucristomanta sumaj willayta willasqayman jina, chay. Jesucristomanta sumaj willaypi Diosqa qankuna mana judío kajkunapaj imatachus wakichisqanta sut'inchan. Chay imatachus wakichisqanqa unaymantapacha pakasqa karqa.

1 Corintios 11:4

Pi qharichus umanta suk'umpaykukuspa Dioswan parlarikunman, chayrí Diospa simi nisqanta sut'inchanman chayqa, Cristota mana jatun respetowanchu qhawashan.

1 Corintios 12:28

Diostaj Iglesiapi sapa ujta ruwanayojta churan: Ñawpajta Jesuspa kuraj kachankunata, qhepanta Diosmanta sut'inchajkunata, chaymanta nisqanta yachachejkunata, chaymantataj t'ukuna imakunata ruwajkunata, onqosqakunata qhaliyachejkunata, yanapajkunata, iglesiata pusarejkunata, chantá mana rejsisqa parlayta atejkunata ima.

1 Corintios 13:1

Sichus noqa kay pachapi kaj chhika parlaykunata parlayta atiyman, angelkunaj parlayninkutapis parlallaymantaj, wajkunatataj mana munakuymanchu chayqa, lataj talán nisqan jinalla kayman, chayrí chhulloj chhulloj waqasqan jinalla.

1 Corintios 13:3

Sitajchus noqa tukuy tiyapuwasqanta wajchakunaman rak'irayman, ukhuytapis ninaman enqhaykusqa kananpaj jaywaykuyman chayqa, chaymanta jatunchakuyta atiyman. Chaywanpis manachus wajkunata munakuymanchu chayqa, chay ruwasqaywan ni imata tariymanchu.

1 Corintios 13:8

Munakuyniyoj runaqa tukuy tiempo munakullanpuni. Uj p'unchay Diospa simi nisqanta sut'inchana tukukaponqa. Waj parlaypi parlanapaj atiypis manaña kanqachu. Diospa pakasqa yachayninta yachanapis manaña necesariochu kanqa.

1 Corintios 14:29

Ajinallatataj Diosmanta sut'inchajkunapis iskay, chayrí kinsa parlachunku, uyarejkunataj imatachus nisqankuta allinta watuchunku cheqachus manachus kasqanta reparanankupaj.

1 Corintios 14:39

Ajinaqa wawqe panakuna, iglesia jina tantakuspaqa, Diosmanta sut'inchayta munaychej, amataj mana rejsisqa parlaykunapi parlajkunata jark'aychejchu.

1 Corintios 14:4

Chantá pichus mana rejsisqa parlaypi parlajqa pay wiñanallanpaj yanapakun. Pichus Diosmanta sut'inchajrí iglesiamanta tukuy kajkuna yuyayninkupiña kanaman chayanankupaj yanapan.

1 Corintios 15:51

Kunanqa uj pakasqa yachayta sut'inchasqaykichej: Mana tukuychu wañusunchej, chaywanpis tukuy waj jinaman tukuchisqa kasunchej.

1 Corintios 16:22

Pichus Tukuyta Kamachej Jesucristota mana munakojqa maldicisqa kachun. Jamuy ari, Tukuyta Kamachej Jesusniyku.

1 Corintios 4:1

Qankunaqa Cristoj kamachinkunata jinalla qhawanawayku tiyan, imaraykuchus noqayku Diospa wakichisqanmanta chay pakasqa yachayta yachachinaykupaj kamachisqa kayku.

1 Corintios 7:19

Ajinaqa uj qhari circuncidasqa kanan, chayrí mana circuncidasqa kanan mana aswanchu. Aswanqa Diospa kamachisqanta junt'ana.

1 Corintios 8:4

Chantá, imatataj nisunman lantikunaman jaywasqa mikhunamantari? Yachanchej jina lanteqa mana imachu kay pachapeqa. Yachallanchejtaj uj k'ata Dioslla kasqanta.

2 Corintios 12:11

Noqa kikiymanta parlaspaqa, mana yuyayniypichu kashaymanpis jina parlarqani. Chaytarí qankunallataj parlachiwarqankichej. Mana imachu kani chaypis, noqaqa mana imapipis aswan pisichu kani, pikunachus yuyakunku Jesucristoj may sumaj kuraj kachankuna kasqankuta, chaykunamanta nisqaqa. Chayrayku qankunamin noqata jatunchanawaykichej karqa.

Gálatas 5:16

Niykichej ari: Diospa Espiritunta kasuspa kawsaychej. Ajinata ruwankichej chayqa, juchallinaman aysaj sonqoykichejpa munasqanta kasunawan mana apachikunkichejchu.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

Gálatas 6:3

Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.

Efesios 3:4

Chayta ñawirispa, qankuna yachayta atinkichej imaynatachus noqa yachasqayta, Dios imatachus wakichisqanta Jesucristonejta junt'ananpaj, chay pakasqa yachaymanta.

Efesios 6:19

Noqapajpis mañapullawaychejtaj sumaj willaymanta parlashajtiy, Dios imatachus ninayta yuyaychanawanpaj. Ajinamanta mana manchachikuspa, Diospa wakichisqanmanta pakasqa yachayta sut'inchayta atisaj.

Colosenses 1:26

Chay willayqa wiñaymantapacha pakasqa karqa. Kunantajrí Diosqa ajllakusqankunaman chayta sut'inchanña.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

1 Juan 4:8

Pichus runa masinta mana munakojrí mana Dioswan k'achata kawsakunchu, imaraykuchus Diosqa cheqatapuni tukuyta munakojmin.