1 Corintios 12:3 - DIOSPA QHELQACHISQ

³ Chayrayku kayta yachanaykichejta munani: Mana pipis Diospa Espiritunnejta parlajqa ninmanchu: Jesús maldicisqa kachun, nispa. Nillataj pipis niyta atinchu: Jesusqa Tukuyta Kamachejmin, nispa, manachus Santo Espíritoj yanapasqan kanman chayqa.

Qheshwa Biblia DC

³ Chayrayku yachachiykichej, mana pipis niyta atinmanchu Diospa Espiritumpi kashaspaqa, Jesús maldicisqa kasqanta; nillataj pipis niyta atinmanchu Jesús Señor kasqanta, mana Santo Espiritupi kaspaqa.

DIOSPA QHELQACHISQAN DEUTEROCANONICAL

³ Chayrayku kayta yachanaykichejta munani: Mana pipis Diospa Espiritunnejta parlajqa ninmanchu: Jesús maldicisqa kachun, nispa. Nillataj pipis niyta atinchu: Jesusqa Tukuyta Kamachejmin, nispa, manachus Santo Espíritoj yanapasqan kanman chayqa.

Quechua South Bolivia: Dios Parlapawanchej

³ Chayraycu kancunaman willayta munani: Ni pipis Diospa Espiritunwan parlaspaka, “Jesuska maldeciska”, ninchu. Runaka Espiritunejllata, “Jesuska Señorniymin”, niyta atin.

1 Corintios 12:3 ပူးပေါင်းရင်းမြစ်များ

Salmos 109:20

Ajinata Tata Dios ch'ataykuwajkunaman kutichichun, pikunachus noqapaj mana allinta parlajkunaman.

San Mateo 22:43

Jinapi Jesús nerqa: Chantá imaraykutaj Davidqa Santo Espiritunejta Cristota nerqa: Tukuyta Kamachejníy, nispa? David ajinata nerqa:

Marcos 9:39

Jesustajrí nerqa: Ama jark'aychejchu. Pillapis sutiypi t'ukuna imakunata ruwajqa mana noqapaj sajrata rimanmanchu.

San Juan 13:13

Qankuna niwankichej: Yachachejniyku, Tukuyta Kamachej, nispa. Chayta niwaspataj, walejta niwankichej, imaraykuchus chaypuni noqa kani.

San Juan 13:14

Noqachus yachachejniykichej, Tukuyta Kamachejtaj kashaspa, chakiykichejta mayllarqaykichej chayqa, ajinallatataj qankunapis chakiykichejta mayllanakunaykichej tiyan.

San Juan 15:26

Noqarí qankunaman Sonqochajta kachamusaj, chay Santo Espiritutaj Tataymanta jamuspa, cheqa kajmanta yachachisonqachej. Maypachachus Santo Espíritu Tata Diosmanta jamonqa chaypacha, pay noqamantamin willanqa.

Hechos 8:37

Felipetaj kuticherqa: Sichus cheqatapuni tukuy sonqoykiwan Jesuspi atinikunki chayqa, bautizasqa kayta atinki, nispa. Eunucotaj kuticherqa: Arí, atinikuni, yachanitaj Jesucristo Diospa Churin kasqanta, nispa.

Romanos 10:9

Sichus simiykiwan tukuypa uyarinanta rimarinki Jesusqa Tukuyta Kamachej Dios kasqanta, sitajchus tukuy sonqo creenki Dios wañusqamanta Jesusta kawsarichisqanta chayqa, qhespichisqa kanki.

Romanos 9:3

Noqa kikiy munayman maldicisqa kayta, Cristomanta t'aqasqa kayta ima, aylluyta munakuspa paykunata yanapanayrayku, pikunachus ayllu masiy kanku, chaykunata.

1 Corintios 16:22

Pichus Tukuyta Kamachej Jesucristota mana munakojqa maldicisqa kachun. Jamuy ari, Tukuyta Kamachej Jesusniyku.

1 Corintios 8:6

Chaywanpis noqanchejpajqa uj Dioslla tiyan, Tata Dios. Paymanta tukuy ima jamun, noqanchejtaj paypaj kawsanchej. Jinallataj Tukuyta Kamachejqa ujlla tiyan, Jesucristo. Paynejta Dios tukuy ima kaj chhikata ruwarqa, paynejllatataj noqanchejman kawsayta qowanchej.

2 Corintios 11:4

Chayta nini, imaraykuchus pipis jamuspa, noqayku willarqaykuña, chaymanta waj jina Jesusmanta willajtin, qankuna chay willasqanta jap'ikullankichej. Santo Espirituta jap'ikorqanchej chaypis, waj runa waj jina espiritumanta qankunaman willajtin, chaytapis jap'ikullankichejtaj. Kikillantataj pipis Jesuspa sumaj willayninmanta waj jinata yachachejtin, chaytapis jap'ikullankichejtaj.

2 Corintios 3:5

Manataj niykumanchu noqallaykumanta imatapis ruwayta atinallaykuta, manachayqa niyku imatapis ruwanaykupaj chay ateyqa Diosmanta jamusqanta.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Deuteronomio 21:23

chay ayataqa ama tutantinta sach'api warkhusqata saqenkichejchu. Manachayqa chay p'unchaypacha chay runaj ayanta p'ampankichej, imaraykuchus warkhusqa runaqa Diospa maldicisqanmin. Ajinata ruwaspa, Tata Diosniykichej qosusqaykichej jallp'ata mana ch'ichichankichejchu.

Apocalipsis 1:10

Uj kuti Tukuyta Kamachej Jesuspa p'unchayninpi noqa Santo Espíritoj kamachiyninpi kaspa, Tata Diosta yupaychasharqani. Jinallaman qhepaymanta jatunmanta uj parlamojta uyarerqani, chay parlasqantaj trompetaj waqasqan jina karqa.