1 Corintios 1:7 - DIOSPA QHELQACHISQ

⁷ Ajinamanta Dios ruwanapaj atiykunata qosusqaykichejmanta mana imapis pisisunkichejchu, Tukuyta Kamachej Jesucristonchej rikhurimunanta suyashanaykichejkama.

Qheshwa Biblia DC

⁷ Chay jinamanta, ama imapis Diospa qosqanmanta qankunapi pisichunchu, Señorninchej Jesucristoj rikhurimunanta suyasqaykichejpi.

DIOSPA QHELQACHISQAN DEUTEROCANONICAL

⁷ Ajinamanta Dios ruwanapaj atiykunata qosusqaykichejmanta mana imapis pisisunkichejchu, Tukuyta Kamachej Jesucristonchej rikhurimunanta suyashanaykichejkama.

Quechua South Bolivia: Dios Parlapawanchej

⁷ Ajinaka mana pisishanquichejchu Santo Espíritoj koskan atiycunapi. Cusiywantaj suyashanquichej Señorninchej Jesucristota Dios ricuchinanta.

1 Corintios 1:7 ပူးပေါင်းရင်းမြစ်များ

Génesis 49:18

Tata Diosníy, suyani qan qhespichinawaykita.

San Mateo 25:1

Jesús nillarqataj: Diospa janaj pacha kamachiynenqa casarakupi kaj chunka sipaskunaman rijch'akun. Paykunaqa lamparankuta oqharikuspa, casarakoj runata taripaj risqanku.

San Lucas 12:36

Qankunaqa casarakuymanta patronninkuta suyaj kamachikuna jina kaychej. Paykuna suyanku, patronninku chayamuspa wajyajtinkama, punkuta kicharinankupaj.

San Lucas 17:30

Ajinallataj kanqa Runaj Churinpa rikhurimunan chay p'unchaypi.

Romanos 8:19

Chayrayku Diospa ruwasqan kaj chhika imata jina suyashan mayk'ajchus Dios rikuchinanta, pikunachus cheqapuni wawankuna kanku, chaykunata.

Romanos 8:23

Mana chayllachu, noqanchej Santo Espirituta señata jina jap'ejkunapis sonqonchejpi ayqollashanchejtaj. Jinallataj suyashanchej Dios imapajchus wawankunapaj rejsikapuwarqanchej, chayta jap'iyta. Chaypacha ukhunchejpis kacharichisqallataj kanqa.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

2 Corintios 12:13

Qankunataj mana imapipis aswan pisichu karqankichej waj iglesiakunamanta nisqaqa, manachayqa kayllapi: Qankuna ni uj chhika qolqellawanpis yanapawarqankichejchu. Chayrayku qhespichiwaychej, noqa juchayoj kani yanapanawaykichejta mana mañakusqaymanta.

Gálatas 5:5

Noqanchejrí Santo Espirituman jina kawsajkuna imata jina suyashanchej cheqan runapaj qhawasqa kayta Cristopi atinikusqanchejrayku.

Filipenses 3:20

Noqanchejrí janaj pacha llajtayojkuna kaspa, qhespichejninchej Tukuyta Kamachej Jesucristo janaj pachamanta kutimunanta suyashanchej.

Colosenses 3:4

Cristomin chay kawsayta qosunkichej. Pay rikhurimojtintaj, qankunapis paywan khuska jatun kayninpa lliphipiyninpi rikhurimullankichejtaj.

1 Tesalonicenses 1:10

Paykuna parlallankutaj qankuna imaynatachus janaj pachamanta Diospa Churin kutimunanta suyashasqaykichejta. Payta Diosqa wañusqamanta kawsarichimorqa, payllataj jamoj k'araj phiñakuymanta qhespichiwanchej.

2 Tesalonicenses 1:7

Ñak'arichisqa kashajtiykichej, Dios qankunata, chantá noqaykutapis samarichiwasunchej, maypachachus janaj pachamanta Tukuyta Kamachej Jesús atiyniyoj angelninkunawan rikhurimonqa, chaypacha.

2 Timoteo 4:8

Chayrayku kasukuspa kawsasqaymanta noqapaj pillu tiyan. Chaytataj jaqay p'unchaypi Tukuyta Kamachej Dios, pichus cheqan kaj Juez t'inkata jina qowanqa. Manataj noqallamanchu qowanqa, aswanpis kutimunan p'unchayta imata jina tukuy suyajkunamanpis qollanqataj.

Tito 2:13

Ajinata kawsananchej tiyan, suyakushanchej, chay kusiy p'unchay chayamunankama. Chaypacha may jina atiyniyoj Dios Qhespichiwajninchej Jesucristo jatun kayninpa lliphipiyninwan rikhurimonqa.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.

1 Pedro 1:13

Chayrayku, qankuna allinta qhawarikuspa yuyaychakuychej, amataj sonqoykichejpa munasqanwan atipachikuychejchu. Chantá Dios qhasilla k'acha yanapayninrayku imatachus qosonqachej, chayta tukuy sonqo suyaychej. Chayta jap'inkichej, maypachachus Jesucristo kay pachaman ujtawan kutimonqa, chaypacha.

1 Pedro 4:13

Aswanpis kusikuychej, imaraykuchus ajinata ñak'arishaspa, Cristoj ñak'arisqanpi paywan khuska ñak'arishankichej. Ajinamanta Cristo jatun kayninpa lliphipiyninpi rikhurimojtin, qankuna may jinatapuni kusikunkichej.

1 Pedro 5:4

Chantá Kuraj Kaj Michej kutimuspa, payqa wiñaypaj jatunchasqa kanata pilluta jina qosonqachej.

2 Pedro 3:12

Ajinata Diospa juzganan p'unchayta suyaspa, chay p'unchayta aswan usqhayta chayachimunkichej. Chay p'unchaypi janajqa nina lawraypi tukukonqa, jinataj tukuy ima chay jina sinch'i k'ajaypi unuyaponqa.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

Judas 1:21

Chantá Diospa munakuyninpi kallaychejpuni, jinallataj Tukuyta Kamachej Jesucristo wiñay kawsayman pusanawanchej p'unchayta suyaychej, imaraykuchus pay may jinata khuyakuwasunchej.