1 Corintios 1:6 - DIOSPA QHELQACHISQ

⁶ Chayqa sut'ita yachayta qon, Cristomanta imatachus willasqayqa cheqapuni kasqanmanta.

Qheshwa Biblia DC

⁶ Ajinata ari, Cristomanta tukuy allin kaj willasqa karqa. Chaytaj qankunapi junt'akun.

DIOSPA QHELQACHISQAN DEUTEROCANONICAL

⁶ Chayqa sut'ita yachayta qon, Cristomanta imatachus willasqayqa cheqapuni kasqanmanta.

Quechua South Bolivia: Dios Parlapawanchej

⁶ Caymin ricuchin Cristoj willanan causayniyquichejpi sumaj sayaska caskanta.

1 Corintios 1:6 ပူးပေါင်းရင်းမြစ်များ

Marcos 16:20

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

Hechos 11:17

Sichus Dios paykunamanpis chay kikin Santo Espirituta qorqa, mayqentachus noqanchejman qowarqanchej Tukuyta Kamachej Jesucristopi atinikusqanchejrayku chayqa, pitaj noqa karqani Diosta jark'anaypajri? nispa.

Hechos 11:21

Jinataj Dios atiyninwan chay wawqekunata yanapasqanrayku, ashkha runakuna Diosman kutirikuspa Jesuspi atinikorqanku.

Hechos 18:5

Jayk'ajchus Silaswan, Timoteowan Macedoniamanta chayamorqanku, chaymantapacha Pablo toldo ruwanata saqespa, Diospa simi nisqanta judiokunaman willaspa purerqa, Jesusqa Cristopuni kasqanta sut'inchaspa.

Hechos 20:21

Ajinallatataj noqa judiokunaman, mana judío kajkunamanpis sut'ita yachacherqani Diosman kutirikunamanta, Tukuyta Kamachej Jesucristopi atinikunamanta ima.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Hechos 22:18

Chay mosqoypi jina rikusqaypi Jesús niwarqa: Kunanpacha Jerusalenmanta usqhayllata ripuy, imaraykuchus kaypi imatachus noqamanta willasqaykita mana uyarisonqankuchu, nispa.

Hechos 23:11

Chantá q'ayantin ch'isi Tukuyta Kamachej Jesusqa Pabloman rikhurispa, nerqa: Sonqochakuy Pablo. Imaynatachus kay Jerusalenpi noqamanta testigo jina willarqanki, kikillantataj Roma llajtapipis noqamanta sumaj willayta willanki, nispa.

Hechos 28:23

Chaymanta Pablowan parlanankupaj judío kurajkuna uj p'unchayta ajllarqanku. Chaymantaj aswan ashkha runakuna jamorqanku, Pablo tiyakusharqa, chay wasiman. Chantá paqarinmantapacha ch'isiyanankama Pabloqa paykunaman Diospa kamachiyninmanta yachacherqa. Atisqantataj Jesusmanta yachacherqa imaynatachus Moisespa kamachisqanmanta qhelqasqapi, Diosmanta sut'inchajkunaj qhelqasqankupi ima Jesusmanta willasqanta.

Romanos 15:19

Jinallataj Santo Espíritoj atiyninwan runaj mana jayk'aj rikusqanta, chantá t'ukuna imakunata ima ruwarqani. Ajinamanta Cristomanta sumaj willayta Jerusalenmantapacha Ilíricoj muyuyninkama junt'acherqani.

2 Corintios 12:12

Qankuna ukhupi noqa pacienciawan runaj mana jayk'aj rikusqan imakunata ruwarqani, jatuchaj imakunata, t'ukuna ruwanata ima. Ajinamanta yachayta qorqaykichej noqapis Jesuspa kuraj kachankunamanta ujnin kasqayta.

Gálatas 3:5

Diosqa Espiritunta qosorqachej, qankuna ukhupitaj pay t'ukuna imakunata ruwan. Chaykunata Dios ruwan Moisespa kamachisqankunata kasusqaykichejraykuchu, chayrí Jesusmanta sumaj willayta jap'ikusqaykichejraykuchu?

2 Tesalonicenses 1:10

Maypachachus Jesús kutimonqa chaypacha, ajllakusqankuna payta jatunchanqanku, paypi atinikojkunapis t'ukuspa yupaychanqanku. Qankunapis paykunawan khuska kallankichejtaj, imaraykuchus paymanta willasqaykuta jap'ikorqankichej.

1 Timoteo 2:6

Pay kikinmin wañunanpaj jaywaykukorqa, ajinamanta tukuy runata qhespichinanpaj. Chaymantataj Dios maychus tiemponpi tukuy runaman willacherqa.

2 Timoteo 1:8

Chayrayku qan Tukuyta Kamachej Jesusninchejmanta ujkunaman willayta ama p'enqakuychu, nitaj noqamantapis, Jesusrayku carcelpi wisq'asqa kashajtiypis. Aswanpis Tata Dios kallpata qosusqanman jina wakichikuy, Jesusmanta sumaj willayrayku noqawan khuska ñak'arichisqa kanaykipaj.

Apocalipsis 1:2

Chantá Juan chay tukuy imata rikusqanmanta testigo jina willarqa Diospa nisqanmanta, chantá Jesucristoj willasqanmanta ima.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.

Apocalipsis 12:17

Chantá sierpeqa warmipaj mayta phiñakorqa. Chayrayku warmej mirayninmanta wakinkunawan maqanakoj rerqa. Paykuna Diospa kamachisqanta kasunku, Jesusmanta willaspataj sinch'ita sayanku.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Apocalipsis 6:9

Maypachachus Cordero phishqa kaj sellota llik'erqa chaypacha, altar urapi rikorqani, pikunachus Diospa nisqanta cheqanta willasqankurayku wañuchisqa karqanku, chaykunata.