Rut 2:13 - DIOSPA QHELQACHISQAN DEUTEROCANONICAL

¹³ Ruttaj kuticherqa: Wiraqochíy, ancha k'achata parlapayawanki, sonqochawankitaj, noqaqa mana ujnin warmi kamachiyki jinallapischu kashajtiy, nispa.

Qheshwa Biblia DC

¹³ Paytaj kuticherqa: Ancha khuyakuyniyoj noqapaj kanki, parlawasqaykitaj aswanta kallpachawan. Ima misk'ita parlawanki, noqaqa mana ujnin uywaqeyki jinallapischu kani.

DIOSPA QHELQACHISQ

¹³ Ruttaj kuticherqa: Wiraqochíy, ancha k'achata parlapayawanki, sonqochawankitaj, noqaqa mana ujnin warmi kamachiyki jinallapischu kashajtiy, nispa.

Rut 2:13 ပူးပေါင်းရင်းမြစ်များ

Génesis 32:6

6 (7) Chantá kachakuna Esaujpaman risqankumanta kutimuspa, Jacobman willarqanku: Riyku wawqeyki Esauwan tinkukoj. Kunantaj pay kikin qanta taripasoj jamushan, 400 runakunata pusariykukuspa, nispa.

Génesis 33:10

Jacobtajrí nillarqapuni: Sichus cheqapuni sonqoyki noqapaj allin chayqa, ama jina kaspa, imatachus qosusqayta jap'ikullaway. Qanta rikuspaqa, kikin Diostapis rikushayman jina kani, imaraykuchus ima munayta jap'iwanki.

Génesis 33:15

Esautaj nerqa: Jina kajtenqa, noqawan jamoj runakunamanta wakinta saqeykiman yanapasunankupaj, nispa. Jacobtajrí nerqa: Imapaj, ari? Wiraqochíy, noqapaj allin sonqoyki kasqanta rikuniña, nispa.

Génesis 33:8

Chantá Esaú Jacobta taporqa: Imata yuyaspataj kay chhika uywata apachimuwankiri? nispa. Jacobtaj nerqa: Sonqoykita llamp'uyachispa, allin sonqowan jap'inawaykipaj apachimorqayki, wiraqochíy, nispa.

Génesis 34:3

Chaywanpis Sichempa sonqonman Dina yaykusqanrayku, payta anchatataj munakorqa. Chayrayku Dinaj sonqonta suwayta munaspa, atisqanta ruwarqa.

Génesis 43:14

Tukuy Atiyniyoj Diostaj chay runaj sonqonta llamp'uyachichun, qankunamanta khuyarikunanpaj. Ajinamanta qhepakoj wawqeykichejta, chantá Benjaminta ima kacharimponqa. Noqarí, sichus mana wawayoj qhepakunay kashan chayqa, jina mana wawayoj qhepakusaj, nispa.

2 Samuel 16:4

Kuraj kamachejtaj nerqa: Mefibosetpata tukuy imanchus karqa, chayqa kunanmanta qanpata, nispa. Sibataj kuraj kamachej ñawpaqenpi k'umuykuspa, nerqa: Walej kanman qanpa khuyakuyniykeqa noqallawanpuni kanan, nispa.

Proverbios 15:33

Pichus Tata Diosta may jatunpaj qhawajqa yachayniyoj kayta yachaqan. Jatunchasqa kanapajqa ñawpajta llamp'u sonqo kaytaraj yachana.

Oseas 2:16

16 (18) Chaypacha: Qosaymin kanki, nispa niwanqa, manañataj niwanqachu: Baal diosníy, nispa. Chayta noqa Tata Diosmin nini.

Filipenses 2:3

Ama imatapis ruwaychejchu churanakuspa, chayrí jatunchakuspa. Manachayqa llamp'u sonqo kaywan imatapis ruwaychej. Sapa uj ujkunata qhawachun paymanta aswan kasqankuta jina.

Jueces 19:3

Chaymantataj levitaqa kamachinta pusariykukuspa, iskay burrotawan qhatispa, warminta mask'amoj rerqa, paywan kutimpunanpaj parlapayamoj. Belenman chayajtintaj, warmenqa tatanpa wasinman pusaykorqa.

Rut 2:12

Israelpa Tata Diosnin, pipichus atinikushanki, paymin suegraykita yanapasqaykimanta kutichipusuchun, allin kajtataj qopusuchun tukuy ruwasqaykimanta, nispa.

Rut 2:14

Aswan qhepaman mikhuna samay kajtin, Boozqa Rutta wajyaspa, nerqa: Jamuy, wawáy, t'antata kay vinagrewan chhapuspa mikhurikunki, nispa. Jinapi Rutqa tiyaykukorqa ruthojkunawan khuska, Booztaj payman jank'ata jaywarqa. Rutqa sajsakunankama mikhorqa, puchurerqaraj chaypis.

1 Samuel 1:18

Anataj kuticherqa: Maypaj qhawawasqaykimanta pachis niyki, nispa. Chantá Anaqa kutipuspa mikhorqa, manañataj llakisqachu karqa.

1 Samuel 25:41

Abigailtaj pampakama k'umuykukuspa, nerqa: Noqaqa paypa kamachinpis kasaj. Sichus kamachinkunaj chakinkuta mayllanayta niwanqa chayqa, noqa mayllasaj, nispa.