Números 21:2 - DIOSPA QHELQACHISQAN DEUTEROCANONICAL

² Chaymanta israelitakunaqa tiluspa, Tata Diosta nerqanku: Sichus qan Tata Dios, kay runakunata atipayta yanapawasqayku chayqa, noqayku tukuy llajtankukunata thuñispa, chinkachisqayku, nispa.

Qheshwa Biblia DC

² Israelitastaj Señorman nerqanku, paykunaj nisqankuta junt'anankuta: Sichus chay llajtasta makisninkuman jaywanqa chayqa, paykuna chay llajtasta chinkachinankuta.

DIOSPA QHELQACHISQ

² Chaymanta israelitakunaqa tiluspa, Tata Diosta nerqanku: Sichus qan Tata Dios, kay runakunata atipayta yanapawasqayku chayqa, noqayku tukuy llajtankukunata thuñispa, chinkachisqayku, nispa.

Números 21:2 ပူးပေါင်းရင်းမြစ်များ

Génesis 28:20

Chantá Jacob tiluspa, ajinata Tata Diosta nerqa: Tata Dios, sichus noqawan kaspa, tukuy riyniypi waqaychawanki, jinallataj mikhunata, p'achatawan ima qowanki chayqa,

Salmos 116:18

Noqaqa tukuy ayllunpa rikunanta Tata Diosman imatachus nisqayta junt'asaj.

Salmos 132:2

Jacobpa Tukuy Atiyniyoj Tata Diosnin, Davidpa nisqanmanta yuyarikuy, tiluspa nisusqanmanta:

1 Corintios 16:22

Pichus Tukuyta Kamachej Jesucristota mana munakojqa maldicisqa kachun. Jamuy ari, Tukuyta Kamachej Jesusniyku.

Deuteronomio 13:15

15 (16) chay llajtapi tiyakojkunata, tukuy uywankukunatawan khuska espadawan wañuchinkichej.

Deuteronomio 13:16

16 (17) Tukuy kapuyninkutaqa llajta plazaman tantaspa, llajtantinta ninawan kanaykunkichej. Chay tukuy imaqa q'olachisqa jaywana Tata Diospaj kanqa. Jinamanta chay llajtaqa wiñaypaj raqayllaña kanqa, nitaj jayk'ajpis watej sayarichisqachu kanqa.

Deuteronomio 20:16

Chaywanpis Tata Diosniykichej qosonqachej, chay jallp'api tiyakojkunata tukuyta wañuchinkichej.

Deuteronomio 7:2

Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Josué 6:17

Kay llajta, jinataj chaypi imakunachá tiyan chaykunantin phirisqa kanqa, Tata Dios ajinata nisqanrayku. Sajra purikoj warmi Rajabtarí chantá pininchus wasinpi kajkunatawan ama wañuchinkichejchu, imaraykuchus payqa wateqajkunata kachamorqanchej, chaykunata wasinpi pakarqa.

Josué 6:26

Chaypacha Josué tiluspa, nerqa: Pichus watej Jericó llajtata sayarichiyta munajqa Tata Diospa ñawpaqenpi maldicisqa kachun. Pichus watej sayarichiyta munaj cimientota churashajtin, kuraj kaj churin wañuchun. Llajtaj punkunta churashajtintaj, sullk'a kaj churin wañullachuntaj, nispa.

Jueces 11:30

Jeftetaj Tata Diosman imatachus qonanta kay jinata nerqa: Sichus amonitakunata atipayta yanapawanki chayqa,

1 Samuel 1:11

Tata Diosmantaj ajinata nerqa: Tukuy Atiyniyoj Tata Dios, sichus qan kay llakiyniyta qhawariwaj, sitajchus noqa kamachiykimanta yuyarikuspa uj wawata qowankiman chayqa, noqa chay wawata mayk'ajkamachus kawsanqa chaykama qanpata kananpaj qopusqayki. Manataj jayk'ajpis chujchan ruthusqachu kanqa, nispa.