Números 16:5 - DIOSPA QHELQACHISQAN DEUTEROCANONICAL

⁵ Chantá Coreta, jinataj pikunachus paywan kasharqanku, chaykunatawan ima nerqa: Q'aya tutamanta Tata Dios niwasun pikunachus paypata kasqankuta, pikunatajchus Diospaj t'aqasqa kasqankuta. Ajinallataj pikunatachus Tata Dios ajllan, chaykunalla payman qayllaykunankuta nenqa.

Qheshwa Biblia DC

⁵ Chaymantataj Coreman, pischus paywan kasharqanku chaykunamanwan nerqa: Q'aya tutamanta Señorqa willawasun, pischus paypata kasqanta, pischus llimphupaj qhawasqa kasqanta, pischus rikuchikusta payman jaywanqa chay kajllata Señorqa ajllanqa.

DIOSPA QHELQACHISQ

⁵ Chantá Coreta, jinataj pikunachus paywan kasharqanku, chaykunatawan ima nerqa: Q'aya tutamanta Tata Dios niwasun pikunachus paypata kasqankuta, pikunatajchus Diospaj t'aqasqa kasqankuta. Ajinallataj pikunatachus Tata Dios ajllan, chaykunalla payman qayllaykunankuta nenqa.

Números 16:5 ပူးပေါင်းရင်းမြစ်များ

Salmos 105:26

Chaymanta Tata Diosqa kamachin Moisesta, chantá ajllasqan Aarontawan kacharqa.

Salmos 115:10

Aaronpa ayllunmanta sacerdotekuna, Tata Diosllapi atinikuychej, imajtinchus pay yanapasunkichej, jark'akusunkichejtaj.

Salmos 65:4

4 (5) Kusikuyniyojmin ajllakusqayki runaqa, qayllaykipi tiyakunanpaj pusasqayki kaj. Wasiykipi tukuy allinkunawan junt'achisqa kasqayku, ajllakusqayki Temploykipitaj saminchasqa kasqayku.

Éxodo 28:1

Tata Dios Moisesta ujtawan nillarqataj: Wawqeyki Aaronta, churinkuna Nadabta, Abiuta, Eleazarta, Itamarta ima qanman jamunankuta niy. Paykunata sacerdoteykuna kanankupaj israelitakuna ukhumanta t'aqanki.

Éxodo 28:41

Ajinata wawqeyki Aaronta, churinkunatawan ima p'achallichinki. Chaymantataj umankuta aceitewan jawispa, sacerdoteykuna kanankupaj t'aqapuwanki.

Éxodo 28:43

Aarón, jinataj churinkunapis chay p'achakunata churaykukonqanku, Dioswan Tinkukuna Toldoman yaykunankupaj, chayrí toldopi kaj altarman chimpanankupaj, sacerdote jina imachus ruwanankuta ruwashaspa. Manachus chayta sapa kuti ruwanqanku chayqa, noqa juchachaspa, paykunata wañuchisaj. Kay kamachisqayqa Aaronpaj, jinataj mirayninpaj ima wiñaypaj kanqa.

Jeremías 30:21

Chantá paykuna ukhumanta kuraj kamachejninku rikhurenqa, paytaj paykunata kamachenqa. Noqaqa payta qayllachimusaj, paytaj qayllamuwanqa. Pitaj noqaman payllamanta qayllaykamuwanmanri?

Jeremías 49:19

Mana yuyasqaykichej p'unchaypi noqaqa jamusaj, imaynatachus Jordán mayu kantupi ch'umimanta león imata jina llojsimun sumaj wira uywakunata jap'inanpaj, ajinata. Edommanta kajkunatataj chaymanta ayqechisaj. Chantá pitachus noqa ajllasaj, chayta kamachinanpaj churasaj. Pitaj noqa jina kanmanri? Pitaj noqaman sayaykuwayta atinmanri? Mayqen michejtaj ñawpaqeyman churanakoj jamuwanmanri?

Jeremías 50:44

Ajinata Tata Diosqa Babiloniaj contranpi nin: Imaynatachus león Jordán mayu kantupi ch'umi ukhumanta ujllata llojsimuspa, sumaj wira uywaman phinkiykun, ajinata noqapis jamusaj, Babiloniamanta kajkunatataj chaynejmanta ayqechisaj. Chantá ajllakusqay kamachiyta churasaj chaypi kamachinanpaj. Pitaj noqa jina kanmanri? Pitaj noqaman sayaykuwanmanri? Mayqen michejtaj ñawpaqeypi sayanmanri?

Ezequiel 40:46

Wichaynejman punkuyoj cuartotaj altarta qhawaj sacerdotekunapaj kallanqataj. Paykunalla Leví jatun ayllumanta Sadocpa churinkuna kanku, mayqenkunachus Tata Diospaj llank'anankupaj sirvinankupaj wajyasqa kanku, chaykuna.

Ezequiel 43:19

Levita sacerdotekunaman, mayqenkunachus Sadocpa mirayninmanta kanku, chaykunaman uj torillota qonki juchankumanta q'olachispa, ñawpaqeypi jaywanawankupaj. Noqa Tukuyta Kamachej Tata Diosmin chayta nini.

Ezequiel 45:4

Chay t'aqasqa jallp'aqa sacerdotekunapaj kanqa, pikunachus Tata Diosta kamachisqanta junt'aspa ruwanayoj kanku, chaykunapaj. Chay jallp'aqa sacerdotekunaj wasinkupaj kanqa, jinallataj Templopajpis.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Levítico 8:2

Aaronta, churinkunatawan ima wajyachiy. Chantá sacerdotekunapaj p'achata, jawina aceiteta ima oqharikuy, jinallataj jucha pampachasqa kananpaj jaywana torillota, iskay corderota, canastapi mana levadurayoj t'antatawan.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.

Números 16:3

Tukuyninku tantaykukuspa, Moisesman, Aaronmanwan sayaykuspa, nerqanku: Munasqaykichejta ruwanaqa kaykamalla kachun. Tukuy israelitakuna Diospaj t'aqasqa kanchej, Tata Diospis tukuyninchejwan kashan. Imaraykutaj qankuna Tata Diospa ayllunmanta aswan kasqaykichejta yuyakunkichejri? nispa.

Números 16:6

Ajinaqa Coré, qanwan kashanku, chaykuna ima kayta ruwaychej: Apamuychej incienso q'oshñichinaykichejta.

Números 17:5

5 (20) Chaypitaj ajllakusqay runaj varanta t'ikarichisaj. Ajinamanta israelitakuna noqaj ñawpaqeypi manaña qankunaj contraykichejta rimanqankuchu, nispa.

Números 17:8

8 (23) Q'ayantintaj Moisés Dioswan Tinkukuna Toldoman yaykuspa rikorqa, Leví jatun ayllumanta varata, Aaronpata kajta, ijispa t'ikasqanta chantá almendrata poqosqanta ima.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

Hechos 1:2

janaj pachaman riporqa, chay p'unchaykama. Chaywanpis Jesús manaraj janaj pachaman ripushaspa, Santo Espiritunejta kamacherqa ajllasqan kuraj kachankuna imatachus ruwanankuta.

Hechos 1:24

Chay wawqe panakunataj kay jinata Diosmanta mañakorqanku: Tukuyta Kamachej Jesús, qanqa tukuypa sonqonta rejsinki, chayrayku rikuchiwayku ari mayqentachus kay iskay runamanta ajllakusqaykita.

Hechos 13:2

Uj p'unchay ayunaspa Diosta yupaychashajtinku, Santo Espíritu paykunata nerqa: Bernabeta, Saulotawan t'aqapuwaychej, imapajchus ajllakuni, chayta ruwamunankupaj, nispa.

Hechos 15:7

Anchataña churanakojtinkutaj, Pedro sayarispa, nerqa: Wawqekuna, yachankichej imaynatachus unay qankuna ukhumanta Dios ajllawasqanta mana judío kajkunaman Jesusmanta sumaj willayta willanaypaj, paykunapis Jesuspi atinikunankupaj.

Hechos 22:14

Chantá Ananías niwarqa: Ñawpa tatanchejkunaj Diosnenqa ñawpajmantapacha qanta ajllakusunki paypa munayninta rejsinaykipaj, Diospa Cheqan Kaj Kamachinta rikunaykipaj, kikin siminmantataj nisqanta uyarinaykipaj ima.

Efesios 2:13

Kunanrí Cristoman ujchasqa kaspa, pikunachus ñawpajta karupi karqankichej, chaykuna qayllachisqaña kankichej, pay cruzpi wañusqanrayku.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

Hebreos 12:14

Qankuna atisqaykichejta ruwaychej tukuywan allinta kawsakunaykichejpaj, jinallataj Diospaj t'aqasqa jina llimphu kawsayniyoj kanaykichejpaj. Pichus mana llimphu kawsayniyoj kajqa Tukuyta Kamachej Diospa uyanta mana rikonqachu.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

1 Samuel 2:28

Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.