Números 12:8 - DIOSPA QHELQACHISQAN DEUTEROCANONICAL

⁸ Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

Qheshwa Biblia DC

⁸ Paywanqa uyapura parlani, sumaj sut'itataj. Sichus paywan uyapura parlayku chayqa, imaraykutaj paypa contranta rimankichejri?, nispa.

DIOSPA QHELQACHISQ

⁸ Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

Números 12:8 ပူးပေါင်းရင်းမြစ်များ

Génesis 32:30

30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

Salmos 17:15

Noqatajrí cheqanta ruwaj kaspa, uyaykita rikusaj. Rijch'arispa, qanta rikusqayki, chaywantaj sonqo junt'asqa kasaj.

Salmos 49:4

4 (5) Yachaywan nisqakunata allinta uyarisaj, sonqoypi pakasqa kajtataj arpata tocarispa sut'inchasaj.

Éxodo 19:19

Pututoqa astawan, astawan sinch'ita waqasharqa. Moisés Dioswan parlashajtintaj, Diosqa manchay jatunmanta parlaspa kuticherqa. Parlasqanqa qhon qhon jina karqa.

Éxodo 20:4

Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

Éxodo 33:11

Chaypi Tata Diosqa uyapura Moiseswan parlaj, imaynatachus pillapis kawsaqenwan parlarikun, ajinata. Dioswan parlaytawantaj, Moisesqa jaraman kutimoj. Moisespa yanapajnin Nunpata churin Josuetajrí, nipuni jayk'ajpis Dioswan tantakuna toldomanta kuyurejchu.

Éxodo 33:19

Tata Diostaj kuticherqa: Noqa tukuy k'acha kasqayta ñawpaqeykipi rikuchisqayki, uyarinaykitataj sutiyta oqharisaj. Noqa khuyakusaj pitachus khuyakuyta munasqayta, yanapasajtaj pitachus yanapayta munasqayta.

Éxodo 33:23

Chaymantataj makiyta oqharisaj, qantaj wasallaytaña rikunki. Uyaytarí manapuni rikunkichu, nispa.

Éxodo 34:30

Aaronwan, jinataj israelitakunawan ima Moisespa uyan lliphipirishasqanta rikuspa, payman qayllaykuyta manchachikorqanku.

Proverbios 1:6

Astawan yachayniyoj kanqanku, maypachachus yachayniyojkunaj nisqankuta, chantá rijch'anachiykunawan parlasqankuta unancharenqanku, chaypacha. Jinallataj astawan yachayniyoj kanqanku, maypachachus sumaj yachaywan nisqankuta, chantá watuchiykunawan parlasqankuta ima unancharenqanku, chaypacha.

Isaías 40:18

Tata Diosta imawantaj rijch'anachisunmanri? Chayrí imaynatataj lantita payman rijch'akojta ruwasunmanri?

Isaías 46:5

Piwantaj rijch'achiwankichejmanri? Noqa jina pitaj kanmanri? Pimantaj kikinchawankichejmanri?

Ezequiel 17:2

Runaj churin, Israel aylluman kay rijch'anachinata willay.

Ezequiel 20:49

49 (21.5) Chantá noqa nerqani: Ay, Tukuyta Kamachej Tata Dios, runakunaqa noqamanta ninku: Kay runaqa yanqhallata parlan, nispa.

Oseas 12:13

13 (14) Tata Dios Israel ayllunta Egiptomanta uj sut'inchajnejta orqhomorqa, chay sut'inchajnejtataj paykunata waqaycharqa.

Números 14:14

Canaanpi tiyakojkunaman willanqanku. Paykuna yachanku qanqa israelitakunawan kashasqaykita. Yachallankutaj qan israelitakunawan uyapura parlasqaykita, phuyuykipis paykunaj patankupi kashasqanta. Yachallankutaj p'unchayqa israelitakunaj patankuta phuyupi risqaykita, tutantaj nina k'anchay ukhupi paykunata pusasqaykita.

Números 7:89

Chay qhepata Moisés Tata Dioswan parlananpaj, Dioswan Tinkukuna Toldoman yaykorqa. Chantá Moisesqa Dioswan trato ruwasqa arca patapi querubinkunaj chawpinmanta Tata Diospa parlamusqanta uyarerqa, nispa.

San Mateo 13:35

Ajinamanta Jesusqa Diosmanta sut'inchajpa nisqanta junt'arqa: Rijch'anachinakunawan parlarisaj, sut'inchasajtaj imakunachus pakasqa karqanku Dios kay pachata ruwasqanmantapacha, chaykunata, nispa.

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Juan 15:15

Manaña wata runay nisqaykichejchu, imaraykuchus wata runaqa patronnin imatachus ruwasqanta mana yachanchu. Manachayqa kawsaqeykuna nisqaykichej, imaraykuchus Tataypa tukuy ima niwasqanta rejsichiykichej.

San Juan 15:24

Manachus paykuna ukhupi ni pejpa ruwasqan t'ukunata ruwayman karqa chayqa, mana juchayojchu kankuman karqa. Kunanrí t'ukuna ruwasqayta rikunkuña. Chaywanpis noqata, Tataytapis chejnikuwayku.

1 Corintios 13:12

Kunanqa ayphu espejopi jina ayphullata rikunchej. Qhepamantajrí Dioswan uyapurakuspa imatapis maychus kajta yachasunchej. Kunanqa wakillantaraj yachani. Qhepamantajrí allinta yachasaj, imaynatachus Dios noqamanta tukuy imata yachan, ajinata.

2 Corintios 3:18

Chayrayku tukuyninchej Diospa jatun kayninpa lliphipiyninta uya qhatarasqa qhawashanchej broncemanta espejopi jina. Jinallataj Diospa Espíritun paypa rijch'ayninman tukuchishawanchej, astawan astawan Diospa jatun kaynin noqanchejpi rikuchikunanpaj.

Deuteronomio 18:15

Tata Diosniykichejqa qankuna ukhumanta noqa jina uj sut'inchajta sayarichenqa, qankunataj payta kasunkichej.

Deuteronomio 34:10

Chaymantaqa manaña jayk'ajpis Israelpi, Moisés jina ujwan Diosmanta sut'inchaj karqachu. Nillataj pay jina Tata Dioswan uyapura parlajqa karqañachu.

Deuteronomio 4:15

Maypachachus Tata Dios Horeb orqopi nina chawpimanta parlamusorqachej chaypacha, imayna rijch'ajchus kasqanta mana rikorqankichejchu. Chayrayku ari, sumajta qhawakuychej.

Deuteronomio 5:8

Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

Colosenses 1:15

Cristoqa mana rikukoj Dios imaynachus, ajinallataj. Chaytataj runaman rejsicherqa. Payqa manaraj Dios tukuy imata ruwashajtin, karqañapuni.

1 Tesalonicenses 4:8

Ajinaqa, pichus kay yachachisqaykuta pisipaj qhawajqa mana runatachu pisipaj qhawan, manachayqa Diosta, pichus Santo Espirituta qowarqanchej, chayta.

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

Hebreos 1:1

Ñawpa tiempopi Diosqa ñawpa tatanchejkunaman ashkha kutita sut'inchajkunanejta parlarqa tukuy imaymanamanta.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

2 Pedro 2:10

Astawanqa jasut'enqa, pikunachus khuchichakuspa purinaman qokunku, chaykunata. Paykunaqa Diospa tukuyta kamachej kayninta pisipaj qhawanku. Mana manchachikuyniyoj may kasqankuta yuyakuspataj, paykuna janaj pachapi atiyniyojkunapaj rimaytapis mana manchachikunkuchu.

Judas 1:8

Ajinallataj yuyasqankupi musphaj runakunawan kanqa. Paykunaqa khuchiriyopi purispa, ukhunkuta ch'ichichanku, jinataj kamachejkunata qhesachanku, chantá janaj pachapi atiyniyojkunapajpis sajrata rimanku.