Números 12:6 - DIOSPA QHELQACHISQAN DEUTEROCANONICAL

⁶ Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.

DIOSPA QHELQACHISQ

⁶ Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.

Números 12:6 ပူးပေါင်းရင်းမြစ်များ

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 20:7

Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Génesis 28:12

Chantá puñushaspa, mosqokorqa, mosqokusqanpitaj uj escalerata rikorqa pampamanta janaj pachakama chayashajta. Pay rikullarqataj chay escaleranejta Diospa angelninkuna urayk'amushajta, wicharishajta ima.

Génesis 28:16

Chantá Jacob puñusqanmanta rijch'arispa, nerqa: Cheqapuni Tata Dios kaypi kashan, noqataj mana yacharqanichu, nispa.

Génesis 37:5

Uj kuti José mosqokuspa imatachus rikusqanta wawqenkunaman willarqa, chayraykutaj paykuna astawan payta chejnikorqanku.

Génesis 37:9

Chaymanta qhepanejman José ujtawan mosqokullarqataj, chaytataj wawqenkunaman willallarqataj: Ujtawan kay jinata mosqokullanitaj: Intiwan, killawan, chunka ujniyoj ch'askakunapiwan noqaman k'umuykamushawasqanku, nispa.

Génesis 46:2

Chantá chay ch'isi Dios mosqoypi jina sutinmanta wajyaspa, Israelwan parlarqa: Jacob, Jacob, nispa. Paytaj kuticherqa: Kaypi kashani, nispa.

2 Samuel 7:4

Chay ch'isipachataj Tata Diosqa Natanta nerqa:

1 Reyes 3:15

Chantá Salomonqa puñushasqanmanta rijch'arispa, repararqa mosqoylla kasqanta. Jerusalenman kutimuspataj, Diospa trato ruwasqan arca kasharqa, chayman rerqa, chaypitaj uywakunata ñak'aspa, Tata Diosman q'olacherqa. Jaywallarqataj allinyakuna jaywanakunatapis. Jinaspataj, tukuynin kamachinkunaman uj sumaj mikhuyta mikhuracherqa.

1 Reyes 3:5

Uj ch'isi Tata Diosqa Gabaonpi Salomonman mosqoypi rikhurispa, payta nerqa: Mañakuway imatachus munasqaykita, noqataj qosqayki, nispa.

Job 33:15

Wakin kuteqa ch'isin runaman mosqoypi parlan, chayrí mosqoypi jina, runakuna puñushajtinkuña, sinch'ita puñushajtinku.

Job 4:13

Ch'isin tukuy runakuna misk'ita puñushajtinku, mosqokuspa mancharinapaj jina muspharqani.

Salmos 105:15

Ajllakusqaykunataqa amapuni llankhankichejchu, amataj sut'inchajniykunatapis imanankichejchu, nispa.

Salmos 89:19

19 (20) Uj kuti mosqoypi jina parlarqanki, qanta qhatisojkunatataj nerqanki: Uj wapu runata aylluymanta ajllakuni. Chantá payta pataman oqharerqani, yanaparqanitaj.

Éxodo 7:1

Chantá Tata Dios Moisesta nerqa: Faraón qanta qhawasonqa Diospis kawaj jinata, wawqeyki Aarontaj nisqaykita sut'inchaj kanqa.

Jeremías 23:25

Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

Jeremías 23:28

Sichus uj sut'inchaj mosqokun chayqa, imatachus mosqokuspa rikusqanta willachun. Nisqayta uyarejtajrí chayta maychus kajta willachun. Trigowan, pajawanqa mana kikillanchu kanku.

Ezequiel 1:1

Kinsa chunka kaj watapi, tawa kaj killamanta phishqa kaj p'unchayninpi noqaqa Quebar nisqa mayu kantupi kasharqani, Judamanta Babiloniaman apasqa runakunaj chawpinkupi. Chantá jinallaman janaj pacha kicharikorqa, Tata Diostataj mosqoypi jina rikorqani.

Daniel (hebreo) 10:8

Ajinata mosqoypi jina rikhuriwajta qhawaspa, sapallay kasharqani. Chantá kallpay pisiyarqa, uyaypis q'elluyarqa.

Daniel (hebreo) 2:19

Chay tutapeqa Tata Dios mosqoypi jina Danielman parlaspa, rikucherqa imatachus kuraj kamachej mosqokusqanta. Jinallatataj pay sut'incharqa imatachus kuraj kamachejpa mosqokusqanta niyta munasqanta. Chayrayku Danielqa janaj pachapi kaj Diosta yupaycharqa:

Daniel (hebreo) 7:1

Babilonia suyupi kuraj kamachej Belsasar kamachiyta qallarisqan watapi, Daniel ujta mosqokorqa, chay mosqoypitaj tukuy imata rikorqa. Rijch'arispataj, mosqoypi jina rikusqanta qhelqarqa. Kaymin chay qhelqasqanqa:

Daniel (hebreo) 8:2

Mosqoypi jina rikusqaypi noqa Susa llajtapi, Elam jap'iypi, Ulay nisqa mayu kantupi kashasqani.

Oseas 12:11

11 (12) Chaywanpis Galaadpi waj dioskuna tiyan, chaykunataj qhasi manakaj dioskunalla kanku. Gilgalpi ñak'asqa jaywanapaj torota jaywanku. Altarninkukunapis llank'ana chawpipi rumi qollu jina kashan.

Joel 3:1

1 (4.1) Tata Dios nillantaj: Chay p'unchaykuna chayamonqa chaypacha, noqa pikunachus Judamanta, Jerusalenmanta ima waj suyukunaman apasqa karqanku, chaykunata kutichikampusaj.

Zacarías 1:8

Uj ch'isi mosqoypi jina rikorqani uj runata puka caballopi lloq'asqata, vallepi arrayán sach'akuna chawpipi sayashajta. Rikullarqanitaj qhepannejpi puka caballokunata, oqe caballokunata, chantá yuraj caballokunata ima.

Números 24:4

Tukuy Atiyniyoj Diospa sutinpi parlani. Noqaqa pay imatachus munasqanta yachani, imaraykuchus paypa ñawpaqenpi karqani.

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

San Mateo 2:19

Aswan qhepaman Herodes wañusqanmantaña, Diospa angelnin Egiptopi mosqoypi Joseman watej rikhurerqa. Paytaj nerqa:

San Mateo 23:31

Ajinata nisqaykichejwanqa qankunallataj contraykichejta parlankichej, Diosmanta sut'inchajkunata wañuchejkunaj wawankuna kasqaykichejta.

San Mateo 23:34

Chayrayku noqaqa Diosmanta sut'inchajkunata kachamusqaykichej, yachayniyojkunata, yachachejkunata ima. Qankunatajrí wakinta wañuchinkichej, wakinta cruzman chakatankichej, wakintataj tantakuna wasikunapi jasut'inkichej, wajkunatataj llajtamanta llajta qhatiykachankichej.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

San Mateo 27:19

Jinapi Pilato juzgananpaj kashajtin, warmin nichimorqa: Ama imatapis ruwaychu chay cheqan kaj runawanqa, imaraykuchus payrayku kunan ch'isi mancharikunata mosqokorqani, nispa.

San Lucas 1:11

Jinallapi, Zacariasman Tukuyta Kamachej Diospa angelnin rikhurerqa incienso q'oshñichina altarpa pañannejpi sayashaj.

San Lucas 1:22

Llojsimuspatajrí, Zacariasqa mana parlayta aterqachu. Chaynejta paykuna repararqanku imachá payman Templo ukhupi rikhurisqanta. Zacariastaj señallawanña entiendechikuyta munarqa.

San Lucas 20:6

Juanta runakuna churanku, nispa nisun chayrí, tukuy llajtantinñataj rumiwan ch'anqaykuwasunman, imaraykuchus paykuna yuyanku Juanqa Diosmanta sut'inchajpuni kasqanta, nispa.

Hechos 10:11

Chantá rikullarqataj uj jatun yuraj qhatanaman rijch'akojta tawa puntanmanta watasqata. Chaytaj janaj pachamanta pampaman urayk'amusharqa.

Hechos 10:17

Pedrorí chayta rikusqanmanta mayta t'ukusharqa: Imatataj chay niyta munanri? nispa. Jinallaman Cornelioj kachamusqankuna tapukuspa, tapukuspa Simonpa wasin punkukama chayamorqanku.

Efesios 4:11

Paymin wakinkunata churarqa kuraj kachankuna kanankupaj, wakintataj Diosmanta sut'inchajkuna kanankupaj. Wakinta churallarqataj sumaj willayta willajkuna kanankupaj, wakintataj iglesiata michejkuna, yachachejkuna ima kanankupaj.

Deuteronomio 18:15

Tata Diosniykichejqa qankuna ukhumanta noqa jina uj sut'inchajta sayarichenqa, qankunataj payta kasunkichej.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.

Hebreos 1:1

Ñawpa tiempopi Diosqa ñawpa tatanchejkunaman ashkha kutita sut'inchajkunanejta parlarqa tukuy imaymanamanta.

Apocalipsis 11:10

Jinapi Diosman mana kutirikojkuna chay testigokuna wañuchisqa kasqankumanta kusirikonqanku. Chantá ujkuna ujkuna waqekunata jaywanarikonqanku, imaraykuchus chay iskay testigokunaqa paykunata mayta ñak'aricherqanku.

Apocalipsis 11:3

Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.

1 Samuel 28:6

Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.

1 Samuel 3:15

Chantá Samuelqa sut'iyanankama puñukaporqa, sayarispataj, Dioswan Tinkukuna Toldonpa punkunta kicharerqa. Samuelqa mosqoypi jina imatachus rikusqanta Eliman willayta manchachikorqa.

1 Samuel 3:21

Tata Diostaj Silo llajtapi Samuelman rikhurillajpuni, imaraykuchus chaypi Diosqa Samuelman imatachus niyta munasqanta sut'inchallajpuni.