San Lucas 8:13 - DIOSPA QHELQACHISQAN DEUTEROCANONICAL

¹³ Rumirara jallp'api t'akasqa mujurí ninakun, pikunachus Diospa simi nisqanta uyariytawan kusiywan jap'inku, chaykunaman. Chaywanpis paykuna mana allin saphichasqa kasqankurayku, pisi p'unchayllata Diospi atinikunku, llakiy qhatejtintaj, qhepaman kutiripunku.

Qheshwa Biblia DC

¹³ Rumiraraman urmaj mujustaj, rijch'akunku uyarejkunaman; chaykunataj Diospa palabranta kusiywan jap'inku. Paykunataj mana allin saphichasqa kasqankurayku, pisi tiempollata creenku; phutiy jamojtintaj ithirikapunku.

DIOSPA QHELQACHISQ

¹³ Rumirara jallp'api t'akasqa mujurí ninakun, pikunachus Diospa simi nisqanta uyariytawan kusiywan jap'inku, chaykunaman. Chaywanpis paykuna mana allin saphichasqa kasqankurayku, pisi p'unchayllata Diospi atinikunku, llakiy qhatejtintaj, qhepaman kutiripunku.

Quechua South Bolivia: Dios Parlapawanchej

¹³ Waquin mujustaj pisi jallp'ayoj rumi pataman urmarkancu. Ajinallatataj waquinpis Diospa niskanta uyarispa cusiywan creellancu. Sonkoncumanrí mana sumajta yaycunchu. Pisi saphiyojjina cancu. Chayraycu pisi ratullapaj Diospa niskanta jap'icuncu. Llaquiycuna jamojtinrí chay runas sumaj ñanmanta pantapuncu.

San Lucas 8:13 ပူးပေါင်းရင်းမြစ်များ

Job 19:28

Qankunarí ninkichej: Payta qhatiykachaykuna, imajtinchus mana allin kajqa paypi kashan, nispa.

Proverbios 12:12

Mana allinta ruwajkunaj munasqankoqa llakiyllata apamun. Cheqan runakunaj ruwasqankurí allin sach'aj poqoynin jina.

Proverbios 12:3

Pichus millayta ruwajqa mana sinch'ita sayanqachu, allinta ruwaj runakunarí unaypaj sumaj sayachisqa kanqanku.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Ezequiel 33:32

Qanqa paykunapaj munanakuymanta takej jinalla kanki, sumaj arpawan, k'acha kunkawan takej jinallataj. Parlasqaykita uyarinku, manataj ruwankuchu.

Oseas 6:4

Tata Dios nin: Efraín, imatataj qanwan ruwasajri? Judá, qanwanpis imatataj ruwasajri? Munakuwasqaykichejqa tutamanta phuyu jinalla, chayrí tutamanta chhulla jina chinkaripojlla.

Marcos 6:20

Herodesrí Juanta manchachikusqa, pay cheqan runa, allin kawsayniyoj kasqanrayku. Jinallataj Juanta ama imananankumanta qhawasqa. Herodestaj Juanpa parlasqanta uyarispa, uma muyusqa rikhurisqa. Chaywanpis uyariyta munallajpuni.

San Lucas 8:12

Wakin runakuna ninakunku ñan patapi t'akasqa mujuman. Paykuna Diospa simi nisqanta uyarinku. Chaywanpis Kuraj Supay jamuspa, sonqonkumanta Diospa simi nisqanta qhechurparin ama Diospi atinikunankupaj, nitaj qhespichisqa kanankupaj.

San Lucas 8:14

Khishkarara jallp'api t'akasqa mujupis uyarejkunawan ninakullantaj. Chaywanpis paykuna kay kawsaymanta phutikuykunawan, qhapaj kayta munanawan, sonqonkoj munayninta ruwayta munanawan ima atipachikunku. Chayraykutaj mana poqonankukama wiñankuchu.

San Juan 15:2

Noqaman ujchasqa kaj yura, sichus mana poqon chayqa, Tatay k'uturparenqa. Poqoj yuratarí, podaspa llimphuchanqa, astawan poqonanpaj.

San Juan 15:6

Mana noqaman ujchasqallapuni kajqa k'utusqa yura jina huertamanta jawaman wijch'usqa kanqa, ch'akiponqataj. Chay wijch'usqa yurakunata tantaspataj, runaqa ninaman wijch'un.

San Juan 5:35

Juanpa yachachisqanqa laqhapi k'anchay jina karqa, qankunataj yachachisqanta uyarispa, kusikorqankichej.

1 Corintios 13:2

Jinallataj manachus wajkunata munakuymanchu chayqa, Diospa simi nisqanta sut'inchasqay, jinataj tukuy pakasqa yachaykunata, chantá kay pachapi tukuy imamanta yachasqay qhasi manakaj kanman. Jinallataj sitajchus noqa orqokunata ithirichinaypaj jina Diospi sinch'ita atinikuyta atiyman, manataj wajkunata munakuymanchu chayqa, noqaqa mana ni imapaj valeymanchu.

1 Corintios 15:2

Chay sumaj willaynejta qhespichisqa kankichej, sichus willasqaymanta jap'ikuspa, sinch'ita sayashankichej chayqa. Mana jina chayrí, sumaj willayta jap'ikusqaykichej qhasillapaj kanman.

Gálatas 3:1

Galaciapi kaj wawqe panakuna, qankuna wampu kankichej. Pitaj layqaykusorqachej cheqa kajta mana kasunaykichejpajri? Noqa Jesucristoj wañusqan ima niytachus munasqanta qankunaman sumajta sut'incharqaykichej, kikin ñawiykichejwanpis Jesucristo cruzpi chakatasqa wañushajta rikushawajchej jina.

Gálatas 3:4

Chay jinata ñak'arisqaykichejqa qhasipajchu karqa? Mana yuyanichu qhasipaj kasqanta.

Efesios 3:17

Jinallataj mañapuykichej Cristopi atinikusqaykichejrayku payqa sonqoykichejpi tiyakunanta, ajinamanta Diosta munakusqaykichejpi, jinataj wajkunatapis munakusqaykichejpi sinch'ita sayanaykichejpaj.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

Colosenses 2:7

Paypi sach'a jina sumaj ukhu saphiyoj kaychej, jinallataj qankuna sumaj cimientoyoj wasi jina paypi sayachisqa kaychej. Ajinamanta Cristopi atinikusqaykichejpi kallpachasqa kankichej cheqa kajta yachasqaykichejwan. Jinallataj Diosman ashkhata pachis nillankichejpuni.

1 Tesalonicenses 3:5

Chayrayku, noqapis mana astawan suyayta atispa, Timoteota qankunaman kachamorqani, Jesuspi atinikuspallapunichus purishasqaykichejta yachananpaj. Llakikorqani Kuraj Supay qankunata ichapis pantachisqantaña. Jina kanman chayqa, qankunata yanapanaykupaj ruwasqaykoqa qhasipaj kanman karqa.

1 Timoteo 1:19

Cristopi atinikusqaykimanta sinch'ita ch'ipakuy, sonqoykitapis llimphuta waqaychay. Wakinkunaqa sonqonkoj nisqanta mana kasusqankurayku, Diosllapi jap'ikunamanta karunchakuspa, chinkarqanku.

Hebreos 10:39

Noqanchejrí mana, pikunachus ñawpa kawsayninkuman kutiripuspa, juchachasqa kanaman rishanku, chaykuna jinachu kanchej. Manachayqa, noqanchej kanchej, pikunachus Diospi atinikusqankurayku qhespichisqa kanata tarinku, chaykunamanta.

Santiago 2:26

Kay nisqanchejta tukuychanapaj nisunman: Imaynatachus runaj ukhun manaña alman kajtin wañusqa, ajinallatataj Diospi atinikusqanchej wañusqa kashan, manachus allin kajta ruwaspa yachayta qonchej chayqa.

2 Pedro 2:20

Paykunaqa Tukuyta Kamachej Jesucristo Qhespichejninchejta rejsisqankurayku, Diosman mana kutirikojkunaj millay ruwasqankuta manaña ruwarqankuchu. Chaywanpis sichus watej ch'ichi kawsaywan ch'ipaykuchikuspa atipachikunku chayqa, aswan qhepaman kawsayninku aswan mana allin kanqa ñawpa kawsayninkumanta nisqaqa.

2 Pedro 2:22

Chaywanpis paykunapi runaj nisqanku junt'akun: Alqoqa lansasqanta watej mikhukapullantaj, mayllasqa khuchipis watej t'urupi sunt'imullantaj, nispa.

1 Juan 2:19

Paykunaqa noqaykuwan khuska karqanku. Chaywanpis mana noqaykumantapunichu karqanku. Noqaykumantachus kankuman karqa chayqa, paykunaqa noqaykuwan qhepakunkuman karqa. Jinapis llojsipuspa, mana jayk'ajpis noqaykumantachu kasqankuta yachayta qorqanku.

Judas 1:12

Jinallataj chay runakunaqa k'acha kawsakuy tantakusqaykichejta manakajpi rikhurichinku, imaraykuchus paykuna mana p'enqakuspa, qankunawan khuska mikhunku. Diospa iglesianta michinankutaqa, paykuna kikillanku michikunku. Paykunaqa wayraj apaykachasqan ch'aki phuyu jina kanku. Jinallataj iskay kuti wañusqa kanku, poqoy tiempopi mana poqoyniyoj sach'a jina, jinataj saphinmantapacha t'irasqa.