San Lucas 7:47 - DIOSPA QHELQACHISQAN DEUTEROCANONICAL

⁴⁷ Chayrayku niyki: Kay warmej may chhika millay ruwasqantaqa noqa pampachani, chayraykutaj paypis kayta ruwaspa, sinch'ita munakuwasqanmanta yachayta qon. Pichus juchan pisilla kasqanta yuyajrí, chay juchan pampachasqa kajtin, pichus pampachajta pisillata munakonqa, nispa.

Qheshwa Biblia DC

⁴⁷ Chaynejta niyki, ashkha juchasnin pampachasqa kasqanta, imaraykuchus anchata munakorqa; pisi perdonasqarí, pisita munakun.

DIOSPA QHELQACHISQ

⁴⁷ Chayrayku niyki: Kay warmej may chhika millay ruwasqantaqa noqa pampachani, chayraykutaj paypis kayta ruwaspa, sinch'ita munakuwasqanmanta yachayta qon. Pichus juchan pisilla kasqanta yuyajrí, chay juchan pampachasqa kajtin, pichus pampachajta pisillata munakonqa, nispa.

Quechua South Bolivia: Dios Parlapawanchej

⁴⁷ Kanta niyqui: Cay warmej may munacuynenka ricuchin ashqha juchasnin khechuska caskanta. Pichari pisi juchasnillanta khechuska cajka pisita munacun, —nispa.

San Lucas 7:47 ပူးပေါင်းရင်းမြစ်များ

Isaías 1:18

Tata Dios nillantaj: Jamuychej, kay imamanta parlarisunchej: Mana allin ruwasqaykichej may jina pukapis kachun, rit'ita jina yurajyachisaj. May jina kullipis kachun, yuraj millmata jina yurajyachisaj.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Ezequiel 16:63

Maypachachus noqa tukuy millay ruwasqaykita pampachasaj chaypacha, qan yuyarikuspa, uyaykita mana mayman churayta atinkichu. P'enqakunki, k'umuykunkitaj, simiykitapis mana ujtawan kicharinkichu. Noqa Tukuyta Kamachej Tata Dios chayta nini, nispa.

Miqueas 7:19

Aswan qhepaman ujtawan noqaykumanta khuyarikuwayku. Juchaykuta chakiykiwan saruranki, mama qocha ukhumantaj millay ruwasqaykuta wijch'uykunki.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

San Lucas 7:39

Chayta rikuspa, Jesusta wajyarikoj fariseoqa sonqonpi nerqa: Sichus kay runa cheqapuni Diosmanta sut'inchaj kanman chayqa, rejsinmanchá imayna millay kawsayniyoj warmichus payta llankhaykushasqanta, nispa.

San Lucas 7:46

Manallataj umayta sumaj q'apashaj jawinawan jawiwarqankichu. Paytajrí, chakiyta sumaj q'apashaj jawinawan jawin.

San Lucas 7:48

Chantá Jesusqa warmita nerqa: Juchaykeqa pampachasqaña, nispa.

Hechos 5:31

Diostaj atiyninwan Jesusta aswan pataman oqharerqa Tukuyta Kamachej chantá runata Qhespichej kananpaj. Dios munallantaj noqanchej israelitakuna payman kutirikunanchejta, tukuy juchanchej pampachasqa kananpaj.

Romanos 5:20

Diospa kamachisqan churasqa karqa, runa reparananpaj juchan imayna millaypunichus kasqanta. Chaywanpis runa astawan juchallejtin, Diospa qhasilla k'acha yanapaynin astawanrajpuni karqa.

2 Corintios 5:14

Cristoj munakuynin ajinata ruwanaykupaj sinch'ita kallpachawayku, imaraykuchus allinta yachayku Cristo tukuy noqanchejrayku wañusqanta, chayraykutaj noqanchejpis ñawpa kawsayninchejpaj wañusqanchejta.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

Filipenses 1:9

Chayrayku Diosmanta mañakuni, munakuyniykichej astawan astawan kananta, jinallataj yachaypi, tukuy imata reparanapi ima wiñanaykichejta.

1 Timoteo 1:14

Chantá Tukuyta Kamachej Diosninchej qhasilla k'acha yanapayninwan may jinatapuni yanapawarqa. Jinallataj Cristo Jesusnejta paymanta jap'ikuyta, jinataj munakuyta ima Dios yanapallawarqataj.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Juan 3:18

Munasqa wawaykuna, munakusqanchejqa ama nisqallachu kachun. Aswanpis cheqatapuni munakusqanchejta ruwasqanchejwan yachayta qonachej.

1 Juan 4:19

Noqanchejqa ujkuna ujkuna munakunchej, imaraykuchus Diosraj ñawpajta munakuwarqanchej.

1 Juan 5:3

Diosta munakusqanchejmanta yachayta qonchej maypachachus kamachisqankunata junt'anchej, chaypacha, kamachisqankunata junt'aytaj atina jinallamin.