San Lucas 7:16 - DIOSPA QHELQACHISQAN DEUTEROCANONICAL

¹⁶ Chayta rikuspa, tukuyninku mancharikorqanku, Diostataj kay jinata jatuncharqanku: Diosmanta may atiyniyoj uj sut'inchaj noqanchejmanta sayarin, nispa. Wajkunataj nerqanku: Diosqa ajinata ayllunta yanapaj jamun, nispa.

Qheshwa Biblia DC

¹⁶ Chayta rikuspataj tukuyninku mancharikorqanku. Diosta yupaychayta qallarerqanku nispa: Jatun profeta noqanchej ukhupi rikhurin. Dios ajinata ayllunta watukoj jamun.

DIOSPA QHELQACHISQ

¹⁶ Chayta rikuspa, tukuyninku mancharikorqanku, Diostataj kay jinata jatuncharqanku: Diosmanta may atiyniyoj uj sut'inchaj noqanchejmanta sayarin, nispa. Wajkunataj nerqanku: Diosqa ajinata ayllunta yanapaj jamun, nispa.

Quechua South Bolivia: Dios Parlapawanchej

¹⁶ Tucuynin runastaj mayta manchachicuspa Diosta yupaycharkancu. Nisharkancutaj: —Chaupinchejpi cashan Diosmanta uj sumaj willaj. Dios jamuspa runasninta yanapashan, —nispa.

San Lucas 7:16 ပူးပေါင်းရင်းမြစ်များ

Salmos 65:9

9 (10) Qanqa kay pachamanta qhawanki, parachimuspataj, may jinata chajrata poqochinki. Mayuykita ashkha yakuwan junt'achinki, chajra ashkhata poqonanpaj. Ajinata tarpunapaj jallp'ata wakichinki.

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

San Mateo 15:31

Jinapi runakunaqa mayta t'ukorqanku opakunata parlajta rikuspa, ñuk'ukunata jaywarejta, suchukunata purirejta, ñawsakunatataj rikojta ima. Chantá paykuna Israelpa Diosninta yupaycharqanku.

San Mateo 21:11

Jesuswan jamoj runakunataj kuticherqanku: Kayqa Diosmanta sut'inchaj Jesús. Payqa Galileamanta, Nazaret llajtayoj, nispa.

San Mateo 28:8

Jinapi chay warmikuna chay aya p'ampanamanta llojsiytawan, mancha manchalla, chaywanpis manchay kusisqa, usqhayta rerqanku Jesuspa yachachisqankunaman willamoj.

San Mateo 9:8

Chaypi kajkunataj chayta rikuspa, manchachikorqanku, Diostataj jatuncharqanku chay jina atiyta runakunaman qosqanmanta.

San Lucas 1:65

Chaymanta tukuy chay qayllapi tiyakojkuna t'ukorqanku, chaytataj tukuy Judea orqorarapi willararqanku.

San Lucas 1:68

Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

San Lucas 19:44

Chaymantataj paykuna thuñisonqanku, jinallataj qanpi tiyakojkunatapis wañurachillanqankutaj. Qanpi mana saqenqankuchu rumi patapi rumita, imaraykuchus mana reparakorqankichu Diosniyki qanta qhespichej jamushasojtin, nispa.

San Lucas 2:20

Chantá michejkuna kutiporqanku Diosta jatunchaspa, yupaychaspataj imakunatachus uyarisqankumanta, rikusqankumanta ima angelpa willasqanman jina.

San Lucas 24:19

Jesustaj kuticherqa: Imataj karqari? nispa. Chantá paykuna nerqanku: Parlasharqayku imachus Nazaret llajtayoj Jesusta qhatirisqanmanta. Payqa Diosmanta sut'inchaj kaspa, ruwasqanpi, jinataj nisqanpi ima may atiyniyoj karqa Diospa ñawpaqenpi, jinataj tukuy runaj ñawpaqenpipis.

San Lucas 5:26

Chaypi kajkunataj t'ukuspa, Diosta jatuncharqanku, mancharisqataj nerqanku: Mana jayk'aj rikusqanchejta kunan rikunchej, nispa.

San Lucas 5:8

Chayta rikuytawan, Simón Pedroqa qonqoriykukuspa, Jesusta nerqa: Tukuyta Kamachej, noqamanta ithirikuy, imaraykuchus juchasapa kani, nispa.

San Lucas 7:15

Jinallapi wañusqaqa tiyaykamuspa, parlarerqa. Jesustaj chay waynataqa kawsashajta mamanman qoporqa.

San Lucas 7:39

Chayta rikuspa, Jesusta wajyarikoj fariseoqa sonqonpi nerqa: Sichus kay runa cheqapuni Diosmanta sut'inchaj kanman chayqa, rejsinmanchá imayna millay kawsayniyoj warmichus payta llankhaykushasqanta, nispa.

San Lucas 8:37

Chantá Gerasa cheqapi tiyakojkuna anchatapuni manchachikuspa, maytapuni Jesusta mañarqanku chay cheqamanta ripunanta. Jesustaj ripunanpaj boteman yaykorqa.

San Lucas 9:19

Paykunataj kuticherqanku: Wakenqa ninku Bautizaj Juan kasqaykita. Wakintaj Elías nisunku. Wakintajrí: Diosmanta mayqen ñawpa sut'inchajchá kawsarimun, nispa nisunku.

San Juan 1:21

Tapullarqankutaj: Chantá, pitaj kankiri? Eliaschu? nispa. Juantaj nerqa: Mana paychu kani, nispa. Jinapis sacerdotekuna, chantá levitakuna ima tapullarqankupuni: Pichus jamunan karqa, Diosmanta chay sut'inchajchu kanki? nispa. Juantaj kuticherqa: Manapuni, nispa.

San Juan 1:25

tapullarqankutaj: Sichus mana Cristochu kanki, nitaj Eliaschu, nillataj Diosmanta sut'inchajchu chayqa, imaraykutaj runakunata bautizankiri? nispa.

San Juan 4:19

Warmitaj chayta uyarispa, nerqa: Wiraqochi, qanqa Diosmanta sut'inchajsina kankeqa.

San Juan 6:14

Mikhojkunatajrí, Jesús runaj mana jayk'aj rikusqan t'ukuna ruwasqanta rikuspa, nerqanku: Cheqapuni kay runaqa Diosmanta sut'inchaj, pichus kay pachaman jamunan karqa, chay, nispa.

San Juan 9:17

Chantá paykuna, pichus ñawsa karqa, chay runata ujtawan taporqanku: Qanrí, ima ninkitaj, pichus ñawiykita qhawaricherqa, chay runamantari? nispa. Paytaj nerqa: Noqa nini Diosmanta sut'inchaj kasqanta, nispa.

Hechos 5:5

Ananiasqa Pedroj nisqanta uyariytawan, pampaman wañusqa wijch'ukorqa. Chayta yachajkunataj maytapuni manchachikorqanku.

Hechos 7:37

Kay Moisesllataj israelitakunata nerqa: Qankuna ukhullamantataj Dios noqata jina uj sut'inchajta sayarichenqa, qankunataj paytamin uyarinkichej, nispa.

Gálatas 1:24

Ajinata paykuna Diosta jatuncharqanku imatachus Dios noqawan ruwasqanmanta.

Deuteronomio 18:15

Tata Diosniykichejqa qankuna ukhumanta noqa jina uj sut'inchajta sayarichenqa, qankunataj payta kasunkichej.