San Lucas 6:30 - DIOSPA QHELQACHISQAN DEUTEROCANONICAL

³⁰ Pichus imatapis mañakusojmanqa qoriy. Qanpata kajta apakapojmantapis amaña mañakapuychu.

Qheshwa Biblia DC

³⁰ Mañakusojmanqa qoy; qampata kajta apakapojmantapis ama mañakapuyñachu.

DIOSPA QHELQACHISQ

³⁰ Pichus imatapis mañakusojmanqa qoriy. Qanpata kajta apakapojmantapis amaña mañakapuychu.

Quechua South Bolivia: Dios Parlapawanchej

³⁰ Pillapis kanmanta uj imallatapis mañacusojmanka korillay. Pillapis kanpata cajta khechusojtenka ama mañacapuychu.

San Lucas 6:30 ပူးပေါင်းရင်းမြစ်များ

Salmos 112:9

Pay pisichikojkunaman mana mich'akuspa kapuyninmanta jaywan. Allin ruwasqanqa wiñaypaj yuyarisqa kanqa, llimphu sonqowantaj umata oqharenqa.

Salmos 41:1

1 (2) Kusikuyniyojmin pichus mana kallpayoj wajcha runapi yuyajqa. Llakiy p'unchay chayamojtin, Tata Dios payta yanapanqa.

Proverbios 19:17

Wajchakunaman manoyqa Tata Diosman mañariy jina, Tata Dios kikintaj chay manuta junt'aponqa.

Proverbios 21:26

Qhellaqa sapa p'unchay moq'espalla kashan. Cheqan kaj runarí mana mich'akuspa imatapis qon.

Proverbios 22:9

Tata Dios saminchanqa, pichus runa masinta khuyaj sonqowan qhawajta, wajchakunaman mikhunanmanta qorisqanrayku.

Eclesiastés 11:2

Tiyapususqanmanta atisqaykiman jina wajkunaman qoriy, imaraykuchus mana yachankichu ima mana allinchus qhepaman jamunanta.

Eclesiastés 8:16

Kay pachapi imatachus runakuna ruwasqankuta yachayta munarqani, jinallataj yachayniyoj kay imachus kasqanta yachayta munallarqanitaj. Chay tukuy imapi tuta p'unchay yuyasqayrayku, mana puñuyta aterqanichu.

San Mateo 18:35

Chantá Jesús uyarejkunata nerqa: Kikillantataj qankunatapis janaj pachapi kashaj Tata Diosneyqa ruwasonqachej, manachus wawqeykichejpa juchallisqanta tukuy sonqo pampachankichej chayqa, nispa.

San Mateo 5:39

Noqatajrí niykichej: Sichus pipis mana allinta ruwasunkichej chayqa, ama pagachikuychejchu. Pillapis uyaykipi laq'asojtenqa, uj lado uyaykitawan rikuchiy.

San Mateo 6:12

Juchaykutapis pampachapuwayku, imaynatachus pipis mana allinta ruwawajtiyku, noqaykupis juchankuta pampachayku, ajinata.

San Lucas 11:41

Chayrayku sonqoykichejta llimphuchaychej kapuyniykichejmanta wakinta wajchakunaman qospa, ajinamantataj qankuna llimphupuni kankichej.

San Lucas 12:33

Chayrayku kapuyniykichejta vendeychej, chay qolqeta pisichikojkunaman rak'inaykichejpaj. Ajinamanta mana thantakoj wayaqata ruwakunkichej, kapuyniykichejtataj janaj pachapi waqaychankichej. Chaypeqa kapuyniykichej mana tukukonqachu, manataj suwapis yaykonqachu, nitaj thutapis k'utonqachu.

San Lucas 18:22

Chayta uyarispa, Jesús payman nerqa: Jina chayqa, uj imatawanraj ruwanayki tiyan: Tukuy kapuyniykita vendespa, wajchakunaman chay qolqeta rak'iray. Ajinata ruwaspa, janaj pachapi tukuy imayoj kanki. Chaymantataj kutimuspa, yachachisqay kanaykipaj noqawan jamuy, nispa.

San Lucas 6:29

Pipis uyaykipi laq'asojtenqa, uj lado uyaykitawan rikuchiy. Pipis qhatakunaykita qhechusojtenqa, camisaykitawan qopuy.

San Lucas 6:31

Imaynatachus runa qankunapaj ruwanankuta munankichej, ajinallatataj qankunapis paykunapaj ruwaychej.

San Lucas 6:38

Wajkunaman allin kajta jaywariychej, Diostaj qankunamanpis jaywarillasonqachejtaj wayaqaykichejpi phullchirishajta, mat'i winasqata, thalaykurisqata ima. Imaynatachus wajkunaman qonkichej, ajinallatataj Dios qankunaman kutichisonqachej, nispa. Ajinata Jesús nerqa.

Hechos 20:35

Ajinata ruwaspa, yachacherqaykichej llank'asqanchejwan pisichikojkunata yanapana kasqanta. Jinapi Tukuyta Kamachej Jesuspa nisqanmanta yuyarikuna: Wajmanta imatapis qorichikuspaqa kusikunchej. Wajman imatapis qosparí, astawanraj kusikunchej, nispa.

2 Corintios 8:9

Ña qankuna rejsinkichejña Tukuyta Kamachej Jesucristoj k'acha yanapayninta. Pay may qhapaj karqa chaypis, qankunata munakuspa wajchaman tukorqa, chay wajcha kayninnejta qankuna qhapajyachisqa kanaykichejpaj.

Efesios 4:28

Pichus suwakojqa amaña suwachunchu, manachayqa allin kajta ruwaspa, kawsananpaj ganakuchun. Ajinata ruwajtin, qolqeyoj kanqa pisichikojta yanapariyta atinanpaj.