San Lucas 6:20 - DIOSPA QHELQACHISQAN DEUTEROCANONICAL

²⁰ Chantá Jesús yachachisqankunata qhawarispa, nerqa: Kusikuyniyojmin kankichej qankuna wajchakuna, imaraykuchus Diospa kamachiynenqa qankunapaj.

Qheshwa Biblia DC

²⁰ Chantá Jesús yachachisqasninta qhawarispa nerqa: Kusikuyniyoj kankichej qankuna wajchas, imaraykuchus qankunajtamin janaj pacha Diospa reinonqa.

DIOSPA QHELQACHISQ

²⁰ Chantá Jesús yachachisqankunata qhawarispa, nerqa: Kusikuyniyojmin kankichej qankuna wajchakuna, imaraykuchus Diospa kamachiynenqa qankunapaj.

Quechua South Bolivia: Dios Parlapawanchej

²⁰ Jesús yachacojcunanta sumajta khawarispa nerka: —Mayta cusicuychej, kancuna, wajcha runas. Imaraycuchus Dios kancunata munacuywan camachin.

San Lucas 6:20 ပူးပေါင်းရင်းမြစ်များ

Salmos 37:16

Pichus pisi tiyapuyniyoj kaspapis cheqan runa kanman, chay runaqa aswan sumaj, pichus ashkha tiyapuyniyoj kaspa millayta ruwan, chay runamanta nisqaqa.

Proverbios 16:19

Pichus llamp'u sonqoman tukuspa wajchakunawan khuska kawsakun, chay astawan allinpi kanqa, pichus jatunchakojkunawan kawsakuspa qhapajyan, chaymanta nisqaqa.

Proverbios 19:1

Cheqanta kawsakoj wajcha runaqa aswan allin, pichus ch'awka wampu kaj runamanta nisqaqa.

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Sofonías 3:12

Manachayqa noqa qankuna ukhupi llamp'u sonqoyoj runakunata, pisi kapuyniyoj runakunatapis kawsashajta saqesaj, pikunachus sutiypi atinikunku, chaykunallata.

Zacarías 11:11

Chay p'unchaypacha chay trato p'akisqa karqa. Chay ñak'arichisqa ovejakunataj imatachus ruwasqayta rikuspa, repararqanku Tata Dios noqanejta parlashasqanta.

San Mateo 11:5

Ñawsakunaqa rikunku, suchukunapis puririnku, jinallataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

San Mateo 5:1

Uj p'unchay Jesús ashkha runata jamushajta rikuspa, uj orqoman wicharerqa. Chaypi tiyakushajtintaj, yachachisqankuna payman qayllaykorqanku.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

San Lucas 13:28

Chaypachamá waqayqa, kiru k'arukuypis kanqa, imaraykuchus Dios kamachishajtin, chaypi qankuna Abrahamta, Isaacta, Jacobta, Diosmanta tukuy sut'inchajkunata ima rikunkichej. Qankunarí jawaman wijch'usqa kankichej.

San Lucas 14:15

Chayta uyarispataj, Jesuswan khuska mikhojkunamanta ujnin kaj Jesusta nerqa: Kusikuyniyojmin kanqa, Dios kamachishajtin pichus jatun mikhunaman wajyarisqa kaj, nispa.

San Lucas 16:25

Abrahamtajrí kuticherqa: Yuyarikuy wawáy, qan kawsashaspa tukuy imayoj karqanki. Lazarorí mana walejpichu karqa. Kunanqa pay sonqochasqa kashan, qantaj ñak'arishanki.

San Lucas 4:18

Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

2 Corintios 6:10

Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

2 Corintios 8:2

May sinch'i llakiykunata ñak'arishajtinkupis, kusikuyninkoqa may jatunmin karqa. Jinallataj wajcha kashaspa, qhapajpis kankuman jina, paykuna yanapanankupaj tukuy sonqo qolqeta qorqanku.

2 Corintios 8:9

Ña qankuna rejsinkichejña Tukuyta Kamachej Jesucristoj k'acha yanapayninta. Pay may qhapaj karqa chaypis, qankunata munakuspa wajchaman tukorqa, chay wajcha kayninnejta qankuna qhapajyachisqa kanaykichejpaj.

1 Tesalonicenses 1:6

Qankunataj noqaykumanta, chantá Tukuyta Kamachej Jesusmanta imaynatachus allinta kawsanata yachaqakorqankichej. Sinch'i ñak'ariypi kashaspapis, Santo Espíritu kusikuyta qosqanwan Diospa willachisqanta jap'ikorqankichej.

2 Tesalonicenses 1:5

Chay ñak'arisqaykichejqa yachayta qoshan Diospa juicion cheqan kasqanmanta, qankunataj Diospa kamachiyninman yaykunapaj jina kasqaykichejmanta ima. Chayrayku chay jinata ñak'arishankichej.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.

1 Samuel 2:8

Dioslla wajchata pampamanta aysarin. Mañakoj runatapis q'opa wijch'unamanta orqhospa, wiraqochikunawan khuska tiyachin maypaj qhawasqa cheqapi, imaraykuchus jallp'aj tijsinkunamanta Tata Diosllamin dueñoqa. Paymin kay pachata chay patapi sayacherqa.