San Lucas 6:12 - DIOSPA QHELQACHISQAN DEUTEROCANONICAL

¹² Chantá Jesús uj orqoman rerqa Dioswan parlarikoj, chaypitaj sut'iyanankama Dioswan parlarikorqa.

Qheshwa Biblia DC

¹² Chaypachataj Jesusqa rerqa uj orqoman, Diosmanta mañakoj; jinapitaj tutantinta mañakuspa kakorqa.

DIOSPA QHELQACHISQ

¹² Chantá Jesús uj orqoman rerqa Dioswan parlarikoj, chaypitaj sut'iyanankama Dioswan parlarikorqa.

Quechua South Bolivia: Dios Parlapawanchej

¹² Chaypacha Jesús orkoman llojserka Dioswan parlaricoj. Chaypitaj tutantinta Dioswan parlaricusharka.

San Lucas 6:12 ပူးပေါင်းရင်းမြစ်များ

Salmos 22:2

2 (3) Diosníy, tuta p'unchay wajyakuyki, qantaj mana uyariwankichu. Noqapajtaj mana samarikuy kanchu.

Isaías 26:9

Ch'isenqa tukuy sonqo qanllapi yuyani, sut'iyaytataj tukuy munakuyniywan mask'ayki. Qan kay pachapi justiciata ruwajtiyki, kay pachapi runakuna yachanqanku imachus cheqan justicia kasqanta.

Daniel (hebreo) 6:10

10 (11) Danieltajrí chay kamachisqaman kuraj kamachej Darío sutinta qhelqaykusqanta yachaspa, wasinman riporqa. Chantá puñunan cuartonpa ventananta kicharerqa, mayqenchus Jerusalén ladoman qhawarisqa karqa, chayta. Chantá chaypi qonqorikorqa Dioswan parlarikunanpaj, paymantaj pachis ninanpaj ima. Ajinata sapa p'unchay kinsa kutita ruwarqa, yachasqa kasqanman jina.

San Mateo 5:1

Uj p'unchay Jesús ashkha runata jamushajta rikuspa, uj orqoman wicharerqa. Chaypi tiyakushajtintaj, yachachisqankuna payman qayllaykorqanku.

San Mateo 6:6

Qankunarí Tata Diosniykichejwan parlarikunaykichejpajqa, cuartoykichejman yaykuspa punkuta wisq'aychej, chaypitaj pakaypi Tata Diosniykichejwan parlarikuychej. Chantá pakaypi parlarikusqaykichejta uyarej Tata Diosniykichejqa tukuypa ñawpaqenpi t'inkachisonqachej.

Marcos 1:35

Q'ayantenqa Jesús tutamanta jatarerqa. Allin chhapullaraj kashajtin, wasimanta llojsispa, ch'innejman rerqa, chaypitaj Dioswan parlarikorqa.

Marcos 3:13

Chantá Jesús orqoman rispa, wajyarqa, pikunatachá munarqa, chaykunata, tukuy paykunataj Jesusman jamorqanku.

Marcos 6:46

Runakunata kachapuytawantaj, pay orqoman wicharerqa Dioswan parlarikoj.

San Lucas 5:16

Jesustajrí ch'innejman rerqa, Dioswan parlarikunanpaj.

San Lucas 6:11

Kurajkunarí chaymanta mayta phiñarikuspa, paykunapura parlarqanku imatachus Jesuswan ruwanankuta.

San Lucas 6:17

Jesuswan, chay chunka iskayniyoj kuraj kachankunawan ima orqomanta urayk'amuspa, uj pampaman chayarqanku. Chaypitaj payta suyasharqanku yachachisqankuna, waj ashkha runapis tukuy Judea jap'iymanta, Jerusalén llajtamanta, qocha kantupi Tiro qayllapi llajtakunamanta, Sidón qayllapi llajtakunamanta ima.

San Lucas 9:18

Uj kuti runakunamanta karunchakuspa, Jesús Dioswan parlarikusharqa, chaypitaj paywan kasharqanku yachachisqankunalla. Jinallapi Jesús paykunata taporqa: Runakuna pi kasqaytataj ninkuri? nispa.

San Lucas 9:28

Chay nisqanmanta pusaj p'unchayninman jina Jesusqa Dioswan parlarikoj orqoman wicharerqa, pusarqataj Pedrota, Santiagota, Juantawan ima.

San Lucas 9:29

Jinapi Dioswan parlarikushajtin, Jesuspa uyan waj jinaman tukorqa. Jinallataj p'achanpis yuraj lliphipejman tukullarqataj.

San Juan 6:3

Chantá Jesús uj moqoman wicharispa, yachachisqankunawan khuska chaypi tiyarikorqa.

Colosenses 4:2

Wawqe panakuna, qankunaqa mana sayk'uspa Dioswan parlarikullaychejpuni, jinallataj Diosta pachis nispallapuni kaychej.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.