San Lucas 5:19 - DIOSPA QHELQACHISQAN DEUTEROCANONICAL

¹⁹ Chaywanpis ni imaynamanta chay wasiman yaykuyta aterqankuchu, chaypi kajkuna ancha k'iski kasqankurayku. Chayrayku wasi pataman wicharispa, wasej qhatanta jusk'orqanku. Chay jusk'unejtataj suchu runata phullunpi Jesuspa ñawpaqenman urayk'ucherqanku.

Qheshwa Biblia DC

¹⁹ Manataj ni maynejta yaykuyta aterqankuchu, ashkha runa k'iskikamusqanrayku; chayrayku wicharerqanku wasi pataman, tejasta orqhospataj, chaynejta chaupiman phullupi uraykucherqanku Jesuspa ñaupaqenman.

DIOSPA QHELQACHISQ

¹⁹ Chaywanpis ni imaynamanta chay wasiman yaykuyta aterqankuchu, chaypi kajkuna ancha k'iski kasqankurayku. Chayrayku wasi pataman wicharispa, wasej qhatanta jusk'orqanku. Chay jusk'unejtataj suchu runata phullunpi Jesuspa ñawpaqenman urayk'ucherqanku.

Quechua South Bolivia: Dios Parlapawanchej

¹⁹ Chay tucuywanpis Jesusman chimpaycuchiyta manapuni aterkancuchu runas chaypi ancha q'isqui caskanraycu. Ajinamanta wasi pataman llojsispa tejasta orkospataj jusc'uta ruwarkancu. Chaynejtataj mana cuyurej runata wantuspa uraycucherkancu Jesuspa ñaupakenman runaspa chaupincupi.

San Lucas 5:19 ပူးပေါင်းရင်းမြစ်များ

2 Samuel 11:2

Uj tarde Davidqa puñusqanmanta jatarispa, kamachinan wasi alto patapi puriykachasharqa. Chantá jinallaman uj k'achita warmita mayllakushajta rikuykorqa.

Jeremías 19:13

Jerusalenpi wasikunata, chantá Judapi kuraj kamachejkunaj wasinkuta ima Tofet jina ch'ichipaj qhawasqa kanqanku. Ajinata ruwasaj, imaraykuchus chay wasi patapi tukuy ch'askakunaman inciensota q'oshñicherqanku, jinallataj waj dioskunaj sutinpi vinota jich'aspa jaywarqanku, nispa.

San Mateo 10:27

Imatachus laqhapi nisqaykichej, chaytaqa qankuna sut'i p'unchaypi niychej. Pakaypi uyarisqaykichejtapis wasi patamanta qhaparispa willaychej.

San Mateo 24:17

Chay p'unchaypi pipis wasi alto patapi kashaspaqa, ama urayk'amuchunchu wasinmanta imatapis orqhonanpaj.

Marcos 2:4

Chay wasi punkupi runakuna ancha k'iski kajtinkutaj, mana ni imaynamanta chay onqosqata Jesusman qayllaykuchiyta aterqankuchu. Chayrayku wasej qhatanta qhataraspa, maypichus Jesús kasharqa, chaynejman suchu runata phullupi urayk'ucherqanku.

Deuteronomio 22:8

Mosoj wasita ruwakuspaqa, qhatanpa kantunpi juch'uy perqata muyurichinki, ama pipis wasej qhatamanta urmaykamuspa wañushananpaj. Mana jinata ruwawajchu chayqa, wasi qhatanmanta pipis urmaykamuspa wañojtin, juchachasqa kawaj.

1 Samuel 9:25

Chantá orqo patapi Diosta yupaychana cheqamanta llajtaman urayk'uspa, Samuelwan, Saulwan wasi patapi parlarikorqanku.