San Lucas 23:34 - DIOSPA QHELQACHISQAN DEUTEROCANONICAL

³⁴ Chaymanta qhepamantaj Jesús nerqa: Tatáy, juchankuta pampachay, imaraykuchus mana yachankuchu imatachus ruwasqankuta, nispa. Chaykamataj soldadokuna suerteta choqaspa, Jesuspa p'achanta rak'inakorqanku.

Qheshwa Biblia DC

³⁴ Jesusqa nerqa: Tatáy, juchasninkuta pampachay; imaraykuchus mana yachankuchu imatachus ruwasqankuta, nispa.] Soldadostaj suertesta choqarqanku Jesuspa p'achasninta rak'inakunankupaj.

DIOSPA QHELQACHISQ

³⁴ Chaymanta qhepamantaj Jesús nerqa: Tatáy, juchankuta pampachay, imaraykuchus mana yachankuchu imatachus ruwasqankuta, nispa. Chaykamataj soldadokuna suerteta choqaspa, Jesuspa p'achanta rak'inakorqanku.

Quechua South Bolivia: Dios Parlapawanchej

³⁴ Jesustaj payta chacatashajtincu nisharka: —Tatáy, paycunata perdonay ruwashaskancuta mana yachaskancuraycu, —nispa. Soldadostaj paycunapura suerteta chokarkancu yachanancupaj pipajchus Jesuspa p'achasnin cananta.

San Lucas 23:34 ပူးပေါင်းရင်းမြစ်များ

Génesis 50:17

Wawáy, ama jina kaspa, wawqeykikuna millayta ruwaspa, qanpa contraykita juchallisqankuta qhespichiy ari, imaraykuchus paykuna mana allintachu ruwasorqanku, nispa. Chayrayku nirikusuyta munayku, qanpa contraykita ruwasqaykumanta qhespichinawaykuta. Ajinata ruway, imaraykuchus noqaykoqa tataykej Diosninpa kamachinkuna kayku, nispa. Kachakuna ajinata willashajtinku, José waqayta qallarerqa.

Salmos 22:18

18 (19) P'achay patapi suerteta choqaspa, paykunapura p'achayta rak'inakunku.

Isaías 53:12

Chayrayku payta atiyniyojkunawan khuska jatunchasaj. Jinataj atipajkunaj t'inkankuta jap'enqa, pay kikin wañuyman jaywaykukusqanrayku. Payqa juchasapakunawan khuska yupasqa kanqa. Tukuypa juchankuta apanqa, paykunaraykutaj Diosmanta mañaponqa.

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

San Mateo 11:26

Arí, Tatáy, qan ajinata munarqanki, nispa.

San Mateo 5:44

Noqatajrí niykichej: Awqaykichejkunata munakuychej, jinallataj qankunata qhatiykachasojkunapaj Diosmanta mañapuychej.

Marcos 15:24

Chantá Jesusta cruzman chakatarqanku. Chaymantataj soldadokunaqa suerteta choqaspa, Jesuspa p'achankunata rak'inakorqanku, chayman jina sapa uj apakapunanpaj.

San Lucas 22:42

Tatáy, munankichus chayqa, noqamanta karunchay, imatachus ñak'arinay kashan, chayta. Chaywanpis ama noqaj munaynillay kachunchu, manachayqa qanpa munayniyki ruwasqa kachun, nispa.

San Juan 17:9

Noqaqa mana pikunachus noqapi mana atinikuyta munajkunaraykuchu mañakuyki, manachayqa pikunatachus qan qowarqanki, chaykunaraykulla, imaraykuchus paykunaqa qanpata kanku.

San Juan 19:11

Jesustaj kuticherqa: Mana imatapis contraypi ruwayta atiwajchu, manachus Dios atiyta qosunkiman chayqa. Chayrayku pichus noqata qanman jaywaykuwajqa qanmanta aswan juchayoj, nispa.

Hechos 16:28

Pablotajrí sinch'ita qhaparerqa: Ama imanakuychu, tukuyniyku kaypi kashayku, nispa.

Hechos 3:17

Yawar masikuna, noqa kayta yachani: Jesusta wañuchispa, qankuna imatachus ruwasqaykichejta mana yacharqankichejchu, nillataj kamachejniykichejkunapis yacharqankuchu.

Hechos 7:60

Qonqoriykukuspataj, sinch'ita qhaparerqa: Tukuyta Kamachej Jesusníy, kay ruwasqankumanta ama paykunata juchachaychu, nispa. Chayta niytawantaj, wañorqa.

Romanos 12:14

Qankunata qhatiykachajkunata saminchaychej. Jinataj Diosmanta paykunapaj mañapuychej, amataj maldiciychejchu.

1 Corintios 2:8

Kay pachapi kamachejkunamanta mana pipis Diospa wakichisqanmanta entiendeyta aterqankuchu. Yachankumanchus karqa chayqa, Tukuyta Kamachej may jatunchasqa Cristota mana jayk'ajpis cruzman chakatankumanchu karqa.

1 Corintios 4:12

Kawsanaykupaj noqayku sayk'uy sayk'uyta imatapis ruwayku. Runakuna maldiciwayku, noqaykutaj saminchaspa kutichiyku. Qhatiykachasqa kaspapis, pacienciawan ñak'ariyku.

1 Timoteo 1:13

Ñawpajta Cristoj contranta rimaj kani. Jinataj payta chejnispa qhatiykachaj kani, paypajtaj millayta parlaj kani. Chaywanpis pay khuyarikuwarqa, imaraykuchus noqa manaraj Cristomanta jap'ikushaspa, imatachus ruwashasqayta mana yacharqanichu.

1 Pedro 3:9

Ama sajramanta sajrallatataj kutichiychejchu. Runa turiyajtinkupis ama kikillantataj ruwaychejchu. Manachayqa allin kajta munapuspa kutichiychej, imaraykuchus Diosqa chaypaj wajyasorqachej, paytaj ajinata ruwasqaykichejmanta saminchasonqachej.