San Lucas 22:70 - DIOSPA QHELQACHISQAN DEUTEROCANONICAL

⁷⁰ Chaymanta tukuyninku taporqanku: Chantá qan Diospa Churinchu kanki? nispa. Paytaj kuticherqa: Arí, qankuna ninkichej, nispa.

Qheshwa Biblia DC

⁷⁰ Chantá tukuyninku taporqanku: Qanqa Diospa Churinchu kanki? Paytaj kuticherqa: Qankuna nishankichej noqa kasqayta, nispa.

DIOSPA QHELQACHISQ

⁷⁰ Chaymanta tukuyninku taporqanku: Chantá qan Diospa Churinchu kanki? nispa. Paytaj kuticherqa: Arí, qankuna ninkichej, nispa.

Quechua South Bolivia: Dios Parlapawanchej

⁷⁰ Tucuy paycunataj taporkancu: —Chanta ¿kanka Diospa Wawanchu canqui? Paytaj nerka: —Nishanquichejjina, noka Diospa Wawan cani, —nispa.

San Lucas 22:70 ပူးပေါင်းရင်းမြစ်များ

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

Salmos 2:7

Noqaqa Tata Diospa kamachisqanta willasaj. Paymin niwan: Qanqa churiy kanki, kunantaj noqa tatayki kani.

San Mateo 26:25

Chantá jap'ichinan karqa, chay Judasqa Jesusta taporqa: Yachachej Wiraqochi, noqachu kani? nispa. Jesustaj kuticherqa: Arí, qan kanki, nispa.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

San Mateo 27:11

Chantá judío kurajkunaqa Jesusta Romamanta kamachej Pilatoj ñawpaqenman pusarqanku, Pilatotaj Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.

San Mateo 27:43

Pay nillasqataj Diospi atinikusqanta. Kunantaj Dios kacharichichun ari, sichus payta munakun chayqa, imaraykuchus pay nerqa: Diospa Churin kani, nispa.

San Mateo 27:54

Chaypacha romano soldadokunaj kuraj kamachejninku, chantá Jesusta qhawasharqanku, chay soldadokunawan ima jallp'ata ikhakojta, chay waj imakunatawan ima rikorqanku. Chayrayku maytapuni mancharikuspa, nerqanku: Kay runaqa Diospa Churinpuni, nispa.

San Mateo 3:17

Jinallapitaj janaj pachamanta Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

San Mateo 4:3

Chaypacha Kuraj Supayqa Jesusta juchallichiyta munaspa qayllaykorqa, nerqataj: Sichus Diospa Churin kanki chayqa, kay rumikunata t'antaman tukunankuta niy, nispa.

Marcos 14:62

Jesustaj kuticherqa: Arí, noqa kani, qankunataj Runaj Churinta rikunkichej, Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

Marcos 15:2

Chantá Pilatoqa Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.

San Lucas 22:71

Chayta uyarispa, paykunapura ninakorqanku: Imapajña astawan testigokunata munasunmanri? Noqanchej kikinchej paypa siminmanta chayta uyarinchej, nispa.

San Lucas 23:3

Chantá Pilatoqa Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.

San Lucas 4:41

Jinallatataj supaykuna ashkha onqosqakunamanta qhaparispa llojsirarqanku: Qanqa Diospa Churin kanki, nispa. Jesustajrí chay supaykunata k'amispa, ch'inyacherqa, imaraykuchus paykuna yacharqanku pay Diospa kachamusqan Cristo kasqanta.

San Juan 1:34

Noqataj ajina kasqanta rikorqani, sut'inchanitaj Jesusqa Diospa Churin kasqanta, nispa.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

San Juan 10:30

Noqawan, Tata Dioswanqa ujlla kayku, nispa.

San Juan 10:36

Sichus Tata Dios ajllawaspa noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?

San Juan 18:37

Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

San Juan 19:7

Judiokunaj kurajninkukunatajrí kuticherqanku: Diosqa kamachisqankunata qhelqasqata qowarqayku, chayman jinataj kay runa wañuchisqapuni kanan tiyan, Diospa Churin kasqanta nisqanrayku, nispa.